Wasomi: Ni makosa kudhani maridhiano yatapatikana kwa vyama vya siasa peke yake

Wasomi: Ni makosa kudhani maridhiano yatapatikana kwa vyama vya siasa peke yake

Elias Msuya

Platinum Member
Joined
Dec 23, 2011
Posts
267
Reaction score
1,014

Wanasiasa.png

Mkutano wa Rais Samia Suluhu Hassan, na viongozi wa vyama vya siasa uliofanyika Ikulu, Dar es Salaam Julai 30, umeibua tena mjadala kuhusu mwelekeo wa maridhiano nchini baada ya kipindi cha mvutano wa kisiasa kilichofuatia uchaguzi mkuu wa Oktoba 2025.​


Kwa upande wa Serikali, mkutano huo umeelezwa kuwa ni mwendelezo wa juhudi za kuimarisha maridhiano, demokrasia ya vyama vingi na mshikamano wa kitaifa. Katika taarifa yake, Ikulu ilisema mazungumzo hayo yalijikita katika masuala ya kisiasa, kiuchumi na kijamii, huku Rais Samia akisisitiza kuwa Serikali yake itaendelea kufungua milango ya mazungumzo.

Hakuna ubishi kwamba mazungumzo ni sehemu muhimu ya kutafuta suluhu za migogoro ya kisiasa. Taifa lolote linalotaka kujenga utulivu wa kudumu haliwezi kutegemea nguvu za dola pekee; lazima pia liwe na uwezo wa kusikiliza sauti tofauti.

Baadhi ya wachambuzi wametilia shaka mwenendo huo wa kutafuta mariidhiano kwa kudhani kuwa yanapatikana kwa vyama vya siasa pekee.


Maridhiano ni makubwa kuliko siasa za vyama​

Mhadhiri wa Sayansi ya Siasa wa Chuo Kikuu cha Dar es Salaam, Dk. Richard Mbunda, anaona kuwa mjadala wa maridhiano umejikita zaidi kwenye vyama vya siasa kuliko jamii nzima.

Anasema ni kosa kufikiri kwamba mkwamo wa kisiasa uliojitokeza baada ya uchaguzi wa mwaka 2025 unaweza kutatuliwa na viongozi wa vyama pekee.

"Kuna jambo huwa tunalikosea sana kudhani kwamba mambo yaliyotokea Oktoba 29, 2025, au huu mkwamo wa kisiasa tulionao uliofanya mpaka nchi ikavimba, wanaopaswa kuushughulikia ni vyama vya siasa tu."

Hoja yake inatokana na ukweli kwamba malalamiko yaliyopo nchini hayajaanzia kwenye vyama vya siasa pekee.

Kwa mfano, wananchi wengi bado wanalalamikia huduma za msingi kama maji, barabara, elimu na umeme. Wengine wanaona viongozi wa ngazi za wilaya, mikoa na halmashauri hawawajibiki ipasavyo kwa wananchi kwa kuwa wengi wao ni wateule wa mamlaka ya juu.

Dk. Mbunda anasema ndiyo maana kila Rais au Waziri Mkuu anapofanya ziara za mikoani hulazimika kupokea hata malalamiko ambayo kwa kawaida yangepaswa kutatuliwa kwenye ngazi za chini za Serikali.

Hali hiyo, kwa maoni yake, inaonyesha kuwa changamoto si za kisiasa pekee, bali pia za utawala na uwajibikaji.

Makundi mengi yana malalamiko​

Mbali na wananchi wa kawaida, Dk. Mbunda anaorodhesha makundi mengine yenye malalamiko.

Anataja wafanyakazi wanaolalamikia kuchelewa kwa nyongeza za mishahara, wanataaluma wanaohofia uhuru wa kitaaluma, asasi za kiraia zinazolalamikia mazingira ya kazi, pamoja na vyombo vya habari vinavyohoji sheria na hatua za kufungiwa mara kwa mara.

"Ni makosa makubwa kudhani kwamba maridhiano ni suala la vyama vya siasa tu, ni makundi yote katika jamii."

Kwa mtazamo wake, maandamano yaliyoshuhudiwa katika vipindi tofauti tangu uchaguzi yanaonyesha kuwa wanaodai mabadiliko si viongozi wa vyama pekee bali pia wananchi kutoka makundi mbalimbali.

“Kwa mfano kuna malalamiko ya wananchi kwenye ngazi za Serikali za mitaa, kuhusu utoaji huduma za jamii kama maji, barabara, umeme, elimu na mengineyo. Wananchi hawana mamlaka ya kuwawajibisha viongozi waliopo katika kata, wakuu wa wilaya, wakuu wa mikoa na wakurugenzi wa halmashauri, kwa sababu hao wote ni wateule wa rais.

“Ndiyo maana Rais au waziri mkuu wakifanya ziara mikoani, wanapokea malalamiko madogo madogo yanayoweza kutatuliwa kwenye ngazi za chini, ni kwa sababu wananchi hawana Imani na uongozi uliopo ngazi hizo.

“Kuna malalamiko ya wafanyakazi, mwaka mzima unapita hakuna nyongoza ya mshahara, kuna malalamiko ya wasomi, leo imefika wakati mhadhiri anakamatwa akiwa anafundisha darasa! Pia kuna kuna malalamiko ya asasi za kiraia, ambako kumekuwa na kuviziana na Serikali. Kuna malalamiko ya vyombo vya habari, sharia mbovu, vinafungiwa kila mara,” amesema Dk Mbunda.

Kauli hiyo inaibua hoja muhimu. Ikiwa sababu za kutoridhika zinatokana na huduma za umma, haki za kiraia, uchumi na utendaji wa taasisi za Serikali, je, viongozi wa vyama vya siasa peke yao wanaweza kuwakilisha hisia za makundi yote hayo?

Wawakilishi wa maridhiano ni kina nani?​

Mhadhiri mwingine wa Chuo Kikuu cha Dar es Salaam, Dk. Faraja Krisostom, anagusia suala la uwakilishi.

Kwa maoni yake, baadhi ya vyama vinavyoshiriki mazungumzo vina ushawishi mdogo kwa wananchi kiasi kwamba haviwezi kubeba uzito wa maridhiano ya kitaifa.

"Vyama vinavyoshiriki hata mazungumzo haviko katika harakati za kisiasa nchini. Ni vyama vya mkoba Mwenyekiti na Katibu. Watanzania wengi hata hawawajui viongozi wao."

Anahoji kuwa kama lengo ni kujenga maridhiano ya kweli, basi ni lazima wahusishwe wale wenye ushawishi mkubwa na wale waliobeba athari za mgogoro.

Kwa maoni yake, walioathirika na matukio ya baada ya uchaguzi hawakuwa viongozi wa vyama pekee.

"Walioumizwa na matendo na maovu ya serikali na vyombo vyake ni makundi mbalimbali ya Watanzania. Wapo viongozi wa dini, wapo wanasiasa, wapo wapinzani, zipo asasi za kiraia, vipo vyombo vya habari, wapo vijana, walemavu, wanataaluma, wanawake na kadhalika," anasema.

Anasisitiza kuwa ni kosa kuifanya ajenda ya maridhiano kuwa ya kisiasa pekee.

"Siyo sahihi kabisa na ni makosa makubwa kudhani maridhiano ni mchakato wa kisiasa."

Serikali nayo ijitathmini​

Hoja nyingine iliyotolewa na Dk. Faraja ni kwamba Serikali nayo inapaswa kutafakari nafasi yake katika kuzalisha mazingira yaliyosababisha mvutano.

"Jambo la kwanza na muhimu ni kwa serikali kutambua mchango wake kwa haya yaliyotokea. Ikiendelea kutafuta mchawi nje hatuwezi kupata maridhiano yenye tija," anasema.

Kauli hiyo haimaanishi kuwa Serikali ndiyo pekee yenye wajibu wa kutatua matatizo yote, bali inaonyesha kuwa katika mchakato wa maridhiano kila upande unatakiwa kuwa tayari kujitazama.

Kwa mtazamo wake, wananchi wengi bado wana hisia kwamba baadhi ya taasisi za dola hazikufanya kazi kwa namna iliyojenga imani.

"Matendo na mwenendo wa serikali ndiyo umesababisha madhila yote haya."

Hoja hiyo inaweza kukubaliwa au kupingwa kisiasa, lakini inaonyesha kuwa bado kuna sehemu ya jamii inayotaka kuona tathmini ya kina ya kilichotokea badala ya kuendelea kulaumiana.

CHADEMA ndiyo tatizo pekee?​

Katika mjadala wa kisiasa, mara nyingi hoja imekuwa kwamba kutoshiriki kwa CHADEMA katika baadhi ya mazungumzo kunazuia maridhiano.

Lakini wachambuzi wanaonya dhidi ya kuifanya hoja hiyo kuwa ndiyo msingi wa mjadala mzima.

Kwa mujibu wa Dk. Faraja, kuangalia zaidi chama kimoja kuliko wananchi waliobeba athari za mgogoro kunaweza kufanya mchakato mzima ukose uhalali.

"Ni bahati mbaya sana kwa serikali kufikiria zaidi kuhusu Chadema kuliko Watanzania."

Kauli hiyo inaungwa mkono na Dk Mbunfa, akirejea kauli yake ya kutaka maridhiano yahusishe makundi mengine.


“Tunarudi palepale kwamba, ni makossa kudhani kwamba maridhiano ni vyama vya siasa tu. Angalia makundi huko mitaani na ndiyo yamekuwa yakiitisha maandamano. Waliitisha maandamano Oktoba 29, 2025, waliitisha Desemba 9, 2025, wameitisha tena Julai 7, 2026. Ili kuwa na maridhiano sahihi lazima makundi yote ya jamii yahusishwe,” amesema.

Hata hivyo, Dk Faraja anakiri kuwa ikiwa chama chenye ushawishi mkubwa hakitakuwa sehemu ya mazungumzo, maridhiano hayo yanaweza kukosa uzito wa kisiasa kwa kuwa sehemu kubwa ya wananchi hawatajiona wamewakilishwa.

Hii inaonyesha kuwa maridhiano yanahitaji kuwa jumuishi kwa pande zote—Serikali, vyama vikubwa vya siasa na makundi mengine ya kijamii.

Soma pia: Wasira, Maridhiono siyo na CHADEMA ni Maridhiano ya Kitaifa na kuliponya taifa

Hitimisho​

Kauli ya Rais Samia kwamba milango ya mazungumzo iko wazi ni ishara muhimu ya kisiasa. Inaonyesha kuwa Serikali bado inaamini katika nguvu ya mazungumzo badala ya migongano.

Hata hivyo, maoni ya Dk. Richard Mbunda na Dk. Faraja Krisostom yanaibua tahadhari kwamba maridhiano ya kweli hayatapatikana kwa kuwakutanisha viongozi wa vyama vya siasa pekee.

Maridhiano ya kitaifa yanahitaji kuwagusa wale wote waliobeba maumivu, hasara na malalamiko yaliyotokana na mazingira ya kisiasa ya miaka ya karibuni. Yanahitaji kujenga imani kwa wananchi, kuimarisha uwajibikaji wa taasisi za umma na kuhakikisha kila kundi linapata nafasi ya kusikilizwa.

Kwa hiyo, mkutano wa Ikulu unaweza kuwa mwanzo mzuri wa safari. Lakini ikiwa Tanzania inataka kupata maridhiano ya kudumu, safari hiyo italazimika kuwa pana zaidi kuliko ukumbi wa mikutano wa viongozi wa vyama vya siasa. Itahitaji taifa zima kukaa mezani, kusikilizana, kukubaliana juu ya tofauti zao na kujenga msingi mpya wa kuaminiana.
 

Attachments

  • images.jpg
    images.jpg
    8.6 KB · Views: 21
Nie mnataka commonwealth watuweke pembeni?. Tanzania sio kisiwa. Tutafanya maridhiano hata kama tunaridhiana na wachawi sawa tu.
 
Maridhiano bila CHADEMA ni kupoteza muda!.
Huku site wananchi wengi (ukiacha utapeli wa ccm) wana imani zaidi na CDM!.
Tusisahau, CDM ilisema 'no reforms no election' na kweli watu wote wenye akili timamu tunajua uchaguzi mkuu 2025 HAUKUFANYIKA!.
 
Hawa wasomi bana, utakuta saa wapinzani wanapiga kelele wao wako kimya, ila ikianza kupatikana njia ya mjadala baada ya wapinzani kukaza kwamba, na wao wanajitokeza wasikilizwe.
 
Maridhiano bila CHADEMA ni kupoteza muda!.
Huku site wananchi wengi (ukiacha utapeli wa ccm) wana imani zaidi na CDM!.
Tusisahau, CDM ilisema 'no reforms no election' na kweli watu wote wenye akili timamu tunajua uchaguzi mkuu 2025 HAUKUFANYIKA!.
Hili wazo lako hapana..mm sio mwanasiasa ila alichoongea apo mchamvuzi kwamba maridhiano yanahitajika kwa makundi mengi ya watu/watanzania tofauti..wanasiasa wote sio CCM/CHADEMA sio watu wakuaminika saana hao ni binadamu tu..tuweke maridhiano kwa maslahi ya wananchi kwa pamoja..vyama vinaweza kufa/kubadilika muda wowte hivyo..kikubwa haki tu kwa kila mtu
 
Majadiliano na Maridhiano kuhusu nini na nani? Au kupeana pole, pesa na uongozi ili wanasiasa wakae kimya

Ukweli ni kwamba serikali ya CCM ndio wavunjifu wa amani, sheria na hii katiba mbovu

Wananchi wengi wameichoka CCM
Wanataka katiba mpya itakayoleta Tume huru ya uchaguzi, mabadiliko katika ofisi ya msajiri wa vyama. Na kufuta mamlaka ya rais kuteua majaji, DC, RC Waziri mkuu na viongozi wengine katika taasisi na idara za serikali
 
Hao wasomi waanze na yule mhadhiri aliyekamatwa akitoka darasani UDOM. Wameona CHADEMA imekaza ndio wanakurupuka.
 

View attachment 3640621​

Mkutano wa Rais Samia Suluhu Hassan, na viongozi wa vyama vya siasa uliofanyika Ikulu, Dar es Salaam Julai 30, umeibua tena mjadala kuhusu mwelekeo wa maridhiano nchini baada ya kipindi cha mvutano wa kisiasa kilichofuatia uchaguzi mkuu wa Oktoba 2025.​


Kwa upande wa Serikali, mkutano huo umeelezwa kuwa ni mwendelezo wa juhudi za kuimarisha maridhiano, demokrasia ya vyama vingi na mshikamano wa kitaifa. Katika taarifa yake, Ikulu ilisema mazungumzo hayo yalijikita katika masuala ya kisiasa, kiuchumi na kijamii, huku Rais Samia akisisitiza kuwa Serikali yake itaendelea kufungua milango ya mazungumzo.

Hakuna ubishi kwamba mazungumzo ni sehemu muhimu ya kutafuta suluhu za migogoro ya kisiasa. Taifa lolote linalotaka kujenga utulivu wa kudumu haliwezi kutegemea nguvu za dola pekee; lazima pia liwe na uwezo wa kusikiliza sauti tofauti.

Baadhi ya wachambuzi wametilia shaka mwenendo huo wa kutafuta mariidhiano kwa kudhani kuwa yanapatikana kwa vyama vya siasa pekee.

View attachment 3640624

Maridhiano ni makubwa kuliko siasa za vyama​

Mhadhiri wa Sayansi ya Siasa wa Chuo Kikuu cha Dar es Salaam, Dk. Richard Mbunda, anaona kuwa mjadala wa maridhiano umejikita zaidi kwenye vyama vya siasa kuliko jamii nzima.

Anasema ni kosa kufikiri kwamba mkwamo wa kisiasa uliojitokeza baada ya uchaguzi wa mwaka 2025 unaweza kutatuliwa na viongozi wa vyama pekee.

"Kuna jambo huwa tunalikosea sana kudhani kwamba mambo yaliyotokea Oktoba 29, 2025, au huu mkwamo wa kisiasa tulionao uliofanya mpaka nchi ikavimba, wanaopaswa kuushughulikia ni vyama vya siasa tu."

Hoja yake inatokana na ukweli kwamba malalamiko yaliyopo nchini hayajaanzia kwenye vyama vya siasa pekee.

Kwa mfano, wananchi wengi bado wanalalamikia huduma za msingi kama maji, barabara, elimu na umeme. Wengine wanaona viongozi wa ngazi za wilaya, mikoa na halmashauri hawawajibiki ipasavyo kwa wananchi kwa kuwa wengi wao ni wateule wa mamlaka ya juu.

Dk. Mbunda anasema ndiyo maana kila Rais au Waziri Mkuu anapofanya ziara za mikoani hulazimika kupokea hata malalamiko ambayo kwa kawaida yangepaswa kutatuliwa kwenye ngazi za chini za Serikali.

Hali hiyo, kwa maoni yake, inaonyesha kuwa changamoto si za kisiasa pekee, bali pia za utawala na uwajibikaji.

Makundi mengi yana malalamiko​

Mbali na wananchi wa kawaida, Dk. Mbunda anaorodhesha makundi mengine yenye malalamiko.

Anataja wafanyakazi wanaolalamikia kuchelewa kwa nyongeza za mishahara, wanataaluma wanaohofia uhuru wa kitaaluma, asasi za kiraia zinazolalamikia mazingira ya kazi, pamoja na vyombo vya habari vinavyohoji sheria na hatua za kufungiwa mara kwa mara.

"Ni makosa makubwa kudhani kwamba maridhiano ni suala la vyama vya siasa tu, ni makundi yote katika jamii."

Kwa mtazamo wake, maandamano yaliyoshuhudiwa katika vipindi tofauti tangu uchaguzi yanaonyesha kuwa wanaodai mabadiliko si viongozi wa vyama pekee bali pia wananchi kutoka makundi mbalimbali.

“Kwa mfano kuna malalamiko ya wananchi kwenye ngazi za Serikali za mitaa, kuhusu utoaji huduma za jamii kama maji, barabara, umeme, elimu na mengineyo. Wananchi hawana mamlaka ya kuwawajibisha viongozi waliopo katika kata, wakuu wa wilaya, wakuu wa mikoa na wakurugenzi wa halmashauri, kwa sababu hao wote ni wateule wa rais.

“Ndiyo maana Rais au waziri mkuu wakifanya ziara mikoani, wanapokea malalamiko madogo madogo yanayoweza kutatuliwa kwenye ngazi za chini, ni kwa sababu wananchi hawana Imani na uongozi uliopo ngazi hizo.

“Kuna malalamiko ya wafanyakazi, mwaka mzima unapita hakuna nyongoza ya mshahara, kuna malalamiko ya wasomi, leo imefika wakati mhadhiri anakamatwa akiwa anafundisha darasa! Pia kuna kuna malalamiko ya asasi za kiraia, ambako kumekuwa na kuviziana na Serikali. Kuna malalamiko ya vyombo vya habari, sharia mbovu, vinafungiwa kila mara,” amesema Dk Mbunda.

Kauli hiyo inaibua hoja muhimu. Ikiwa sababu za kutoridhika zinatokana na huduma za umma, haki za kiraia, uchumi na utendaji wa taasisi za Serikali, je, viongozi wa vyama vya siasa peke yao wanaweza kuwakilisha hisia za makundi yote hayo?

Wawakilishi wa maridhiano ni kina nani?​

Mhadhiri mwingine wa Chuo Kikuu cha Dar es Salaam, Dk. Faraja Krisostom, anagusia suala la uwakilishi.

Kwa maoni yake, baadhi ya vyama vinavyoshiriki mazungumzo vina ushawishi mdogo kwa wananchi kiasi kwamba haviwezi kubeba uzito wa maridhiano ya kitaifa.

"Vyama vinavyoshiriki hata mazungumzo haviko katika harakati za kisiasa nchini. Ni vyama vya mkoba Mwenyekiti na Katibu. Watanzania wengi hata hawawajui viongozi wao."

Anahoji kuwa kama lengo ni kujenga maridhiano ya kweli, basi ni lazima wahusishwe wale wenye ushawishi mkubwa na wale waliobeba athari za mgogoro.

Kwa maoni yake, walioathirika na matukio ya baada ya uchaguzi hawakuwa viongozi wa vyama pekee.

"Walioumizwa na matendo na maovu ya serikali na vyombo vyake ni makundi mbalimbali ya Watanzania. Wapo viongozi wa dini, wapo wanasiasa, wapo wapinzani, zipo asasi za kiraia, vipo vyombo vya habari, wapo vijana, walemavu, wanataaluma, wanawake na kadhalika," anasema.

Anasisitiza kuwa ni kosa kuifanya ajenda ya maridhiano kuwa ya kisiasa pekee.

"Siyo sahihi kabisa na ni makosa makubwa kudhani maridhiano ni mchakato wa kisiasa."

Serikali nayo ijitathmini​

Hoja nyingine iliyotolewa na Dk. Faraja ni kwamba Serikali nayo inapaswa kutafakari nafasi yake katika kuzalisha mazingira yaliyosababisha mvutano.

"Jambo la kwanza na muhimu ni kwa serikali kutambua mchango wake kwa haya yaliyotokea. Ikiendelea kutafuta mchawi nje hatuwezi kupata maridhiano yenye tija," anasema.

Kauli hiyo haimaanishi kuwa Serikali ndiyo pekee yenye wajibu wa kutatua matatizo yote, bali inaonyesha kuwa katika mchakato wa maridhiano kila upande unatakiwa kuwa tayari kujitazama.

Kwa mtazamo wake, wananchi wengi bado wana hisia kwamba baadhi ya taasisi za dola hazikufanya kazi kwa namna iliyojenga imani.

"Matendo na mwenendo wa serikali ndiyo umesababisha madhila yote haya."

Hoja hiyo inaweza kukubaliwa au kupingwa kisiasa, lakini inaonyesha kuwa bado kuna sehemu ya jamii inayotaka kuona tathmini ya kina ya kilichotokea badala ya kuendelea kulaumiana.

CHADEMA ndiyo tatizo pekee?​

Katika mjadala wa kisiasa, mara nyingi hoja imekuwa kwamba kutoshiriki kwa CHADEMA katika baadhi ya mazungumzo kunazuia maridhiano.

Lakini wachambuzi wanaonya dhidi ya kuifanya hoja hiyo kuwa ndiyo msingi wa mjadala mzima.

Kwa mujibu wa Dk. Faraja, kuangalia zaidi chama kimoja kuliko wananchi waliobeba athari za mgogoro kunaweza kufanya mchakato mzima ukose uhalali.

"Ni bahati mbaya sana kwa serikali kufikiria zaidi kuhusu Chadema kuliko Watanzania."

Kauli hiyo inaungwa mkono na Dk Mbunfa, akirejea kauli yake ya kutaka maridhiano yahusishe makundi mengine.


“Tunarudi palepale kwamba, ni makossa kudhani kwamba maridhiano ni vyama vya siasa tu. Angalia makundi huko mitaani na ndiyo yamekuwa yakiitisha maandamano. Waliitisha maandamano Oktoba 29, 2025, waliitisha Desemba 9, 2025, wameitisha tena Julai 7, 2026. Ili kuwa na maridhiano sahihi lazima makundi yote ya jamii yahusishwe,” amesema.

Hata hivyo, Dk Faraja anakiri kuwa ikiwa chama chenye ushawishi mkubwa hakitakuwa sehemu ya mazungumzo, maridhiano hayo yanaweza kukosa uzito wa kisiasa kwa kuwa sehemu kubwa ya wananchi hawatajiona wamewakilishwa.

Hii inaonyesha kuwa maridhiano yanahitaji kuwa jumuishi kwa pande zote—Serikali, vyama vikubwa vya siasa na makundi mengine ya kijamii.

Soma pia: Wasira, Maridhiono siyo na CHADEMA ni Maridhiano ya Kitaifa na kuliponya taifa

Hitimisho​

Kauli ya Rais Samia kwamba milango ya mazungumzo iko wazi ni ishara muhimu ya kisiasa. Inaonyesha kuwa Serikali bado inaamini katika nguvu ya mazungumzo badala ya migongano.

Hata hivyo, maoni ya Dk. Richard Mbunda na Dk. Faraja Krisostom yanaibua tahadhari kwamba maridhiano ya kweli hayatapatikana kwa kuwakutanisha viongozi wa vyama vya siasa pekee.

Maridhiano ya kitaifa yanahitaji kuwagusa wale wote waliobeba maumivu, hasara na malalamiko yaliyotokana na mazingira ya kisiasa ya miaka ya karibuni. Yanahitaji kujenga imani kwa wananchi, kuimarisha uwajibikaji wa taasisi za umma na kuhakikisha kila kundi linapata nafasi ya kusikilizwa.

Kwa hiyo, mkutano wa Ikulu unaweza kuwa mwanzo mzuri wa safari. Lakini ikiwa Tanzania inataka kupata maridhiano ya kudumu, safari hiyo italazimika kuwa pana zaidi kuliko ukumbi wa mikutano wa viongozi wa vyama vya siasa. Itahitaji taifa zima kukaa mezani, kusikilizana, kukubaliana juu ya tofauti zao na kujenga msingi mpya wa kuaminiana.
Unataka sisi wasomi tupaze sauti kuhusu katiba mpya na tume huru ya uchaguzi ili tufunguliwe kesi za ugaidi?
 
Hawa wasomi bana, utakuta saa wapinzani wanapiga kelele wao wako kimya, ila ikianza kupatikana njia ya mjadala baada ya wapinzani kukaza kwamba, na wao wanajitokeza wasikilizwe.
Walaumiwe kwa kukaa kimya nyakati hizo. Sio kwa kuzungumza sasa.

Maridhiano ya kisiasa hayatatibu maumivu ya oktoba. Yataishia kupoteza imani kwa political establishments zote. Wasomi wako sahihi kwamba bado kuna udogoshwaji wa yaliyotokea oktoba, kudhoofishwa kwa vyombo vya habari na taasisi za kiraia, mkinzano na taasisi za kidini na sasa academia, lawlessness ya utekaji na kupotezwa kwa watu, imani kwa mahakama na lawfare kwa ujumla wale, na mengine mengi. Hayatatuliwa kwa wanasiasa kukaa pamoja hasa ukizingatia ni interest za kisiasa zilizopelekea uwepo wake. Yataishia kuwa maigizo kama maigizo mengine.

Including igizo la kuita zoezi la wiki ya usalama "ukaguzi wa magari" wakati aliyethaminisha usalama wa gari yangu leo hawezi kukuambia hata rangi yake pamoja na ukweli kwamba nimefuata taratibu zote bila kona.
 
Walaumiwe kwa kukaa kimya nyakati hizo. Sio kwa kuzungumza sasa.

Maridhiano ya kisiasa hayatatibu maumivu ya oktoba. Yataishia kupoteza imani kwa political establishments zote. Wasomi wako sahihi kwamba bado kuna udogoshwaji wa yaliyotokea oktoba, kudhoofishwa kwa vyombo vya habari na taasisi za kiraia, mkinzano na taasisi za kidini na sasa academia, lawlessness ya utekaji na kupotezwa kwa watu, imani kwa mahakama na lawfare kwa ujumla wale, na mengine mengi. Hayatatuliwa kwa wanasiasa kukaa pamoja hasa ukizingatia ni interest za kisiasa zilizopelekea uwepo wake. Yataishia kuwa maigizo kama maigizo mengine.

Including igizo la kuita zoezi la wiki ya usalama "ukaguzi wa magari" wakati aliyethaminisha usalama wa gari yangu leo hawezi kukuambia hata rangi yake pamoja na ukweli kwamba nimefuata taratibu zote bila kona.
Kama ulikaa kimya wakati watu wanajitoa muhanga, unapata wapi uhalali wa kupiga kelele wakati waovu wameanza kuelekea kibla? Hao waliokaa kimya wapiganie mabadiliko yao, haya ya sasa ni waliojitoa muhanga maana hawawazuii hao wasomi kudai watakacho.
 
Kama ulikaa kimya wakati watu wanajitoa muhanga, unapata wapi uhalali wa kupiga kelele wakati waovu wameanza kuelekea kibla? Hao waliokaa kimya wapiganie mabadiliko yao, haya ya sasa ni waliojitoa muhanga maana hawawazuii hao wasomi kudai watakacho.
Sidhani kama tuna luxury ya kuchuja wapiganaji.
 
Back
Top Bottom