Habari Wakuu,
Leo
01/ 02/ 2022 shahidi wa 12 Denis Urio amemaliza kutoa ushahidi wake kwenye kesi inayomkabili Mbowe na wenzake 3.
Kujua Kesi ilipoishia fungua kiungo hiki: Yaliyojiri Mahakama Kuu Kesi ya Ugaidi inayomkabili Mbowe na wenzake. Shahidi wa 12 Luteni Denis Urio kuendelea kutoa ushahidi Februari 01, 2022
UPDATES
04:00 Jaji ameingia
-
Kesi namba 16 ya Mwaka 2021 Jamuhuri Dhidi ya Khalfani Bwire, Adam Kasekwa, Mohammed Ling'wenya na Freeman Mbowe inatajwa hapa Mahakamani Muda huu.
Wakili wa Serikali Robert Kidando, Ikupendeze Mheshimiwa Jaji naitwa Robert Kidando nipo pamoja na
- wakili Pius
- Hilla Abdallah
- Chavula Jenitreza
- Kitali Nassoro
- Katuga Esther
- Martin Ignasi Mwinuka
- Tulimanywa Majige
Peter Kibatala Mheshimiwa Jaji Ikupendeza naitwa Peter Kibatala nipo Pamoja
- Khadija Aron
- Michael Mwangasa
- Maria Mushi
- Dickson Matata
- Alex Massaba
- Seleman Matauka
- Michael Mwangasa
- Nashon Nkungu
- Wakili Lusako Mwaiseke anayeshika mikoba ya Wakili John Mallya kwa Leo
Wakili wa Serikali Robert Kidando: Mheshimiwa Jaji Shauri limekuja kwa ajili ya Kusikilizwa na tupo tayari Kuendelea
Kibatala: Mheshimiwa Jaji na sisi tupo tayari Kuendelea.
Kibatala: Shahidi Habari ya toka Jana
Shahidi: Nzuri
Kibatala: Uliwahi Kufahamishwa Katika Kesi hii Kabla ya Kuendelea Kuliwahi Kufanyika Kesi Ndogo Mbili
Shahidi: Sifahamu.
Kibatala: Kwa hiyo hufahamu Kwamba Mshitakiwa Adam Kasekwa na Mshtakiwa Mohammed Ling'wenya walisema katika Ushahidi Wao Kuwa Wewe Ulikuwa Mmoja wapo ya Watu waliokamatwa
Shahidi: Ndiyo nasikia Kutoka Kwako.
Kibatala: naomba Unikumbushe tena nani aliyekupa Taarifa wewe Kuja Kutoa Ushahidi
Wakili wa Serikali: Mhe Jaji Jana Ulisema Kuwa Maswali yasirudiwe
Kibatala: Wacha Niulize Kwa Namna Nyingine, Shahidi Ulishawahi Kukutana na Wakili wa Serikali Robert Kidando kabla ya Kutoa Ushahidi Wako
Shahidi: Nilienda Kuriport Ofisi ya DCI, Baada ya Hapo Jumatano ni kariport hapa na Kukutana na Mawakili Wa Serikali
Kibatala: Kwa Maana hiyo Shahidi hujawahi Kuzungumzia Lolote Kuwa wewe hujawahi Kukamatwa na Maafisa wa Polisi akiwemo Jumanne Malangahe, Pamoja na Goodluck.
Shahidi: Nasemaje Wakati bado Sijakamatwa, Siwezi Kutoa Taarifa ambazo hazijanitokea
Kibatala: Katika Ushahidi Wako hujawahi Kupinga Kuwa hujawahi Kufikishiwa Katika Kituo cha Polisi Tazara
Shahidi: Yangekuwa yamenitokea ningemwambia Jaji
Kibatala: Kwa Maana hiyo pia hujawahi Kusema Kuwa hjawahi Kufikishiwa Katika Kituo cha Polisi Mbweni Siku ya Tarehe 09.
Shahidi: Sijawahi Kufikishiwa Popote Kituo cha Polisi wala Kuhojiwa
Kibatala: Wewe Una Ugomvi wowote na Adamoo au Ling'wenya?
Shahidi: Sijawahi Kugombana nao
Kibatala: Unaweza Kutusaidia Kwanini Watu hawa wawili Watunge Uongo Wa Namna hiyo Wenye Detail zote dhidi yako?
Shahidi: Mimi sifahamu
Kibatala: Na nilikuuliza detail ya kwamba wewe Uliwekwa katika Cell ya polisi Mbweni ambayo ilikuwa kabla ya Cell ya Mohammed Ling'wenya?
Shahidi: Kwanini unaniwekea maneno jamani?
Kibatala: Jibu swali ndugu shahidi usinikasirikie!
Kibatala: Unafahamu Kwanini nilikiwa nakuuliza Kuhusu Sehemu Unayo Sali na Paroko Wako?
Shahidi: Sifahamu
Kibatala: Baada ya Wao Kuhojiwa Kwamba nani aliwaunganisha Wao na Kiongozi Wa Upinzani Freeman Mbowe, Wao Baada ya Mateso Walikutaja wao, Baada ya Hapo Ukakamatwa.
Shahidi: Jana nilisha Jibu Kuwa nilikuwa Kamanda wa QRF Wakati huo
Kibatala: Katika Ushahidi Wako Ulimtaja Ex Commando anaitwa Khalid?
Shahidi: Simfahamu
Kibatala: Katika Ushahidi Wako Ulimtaja Ex Commando anaitwa Gabriel Mhina
Shahidi: Simfahamu
Kibatala: Unaugomvi na hawa nilio wataja?
Shahidi: Sina
Kibatala: Unafahamu Maana ya Mdepo
Shahidi: Intake mates
Kibatala: Khalid anasema Wewe ni Mdepo Mwezake
Shahidi: Simfahamu Mtu huyo
Kibatala: Khalid ana sababu ya Kutunga Uongo Juu yako
Shahidi: Sijui.
Kibatala: Kwa kuwa wewe Ulikuwa unazungumza na Kingai, Je alishawahi Kukwambia Kuwa kuna Washtakiwa Wengine Makomandoo Wawili
Shahidi: hajawahi Kuniambia
Kibatala: Kwa hiyo Ulikuwa pia hufahamu kuwa katika hii Kesi Palikuwa na Makomandoo Wawili ambao walikuwa Washtakiwa.
Shahidi: Sifahamu
Kibatala: Khalid anasema kuwa, Baada ya Kumuona Bwire anamlinda Freeman Mbowe, ulimuuliza Kuhusu Kazi akasema akuulize wewe, Akakutafuta kwa Mtandao Wa Facebook
Shahidi: Sasa nawasiliana na Khalid Wangapi.
Kibatala: Mwanzo umesema Hakuna Khalid Unayemfahamu ambaye ni Ex Commando Wa 92 KJ
Shahidi: Simfahamu Ndiyo Khalid Yoyote Kibatala: Khalid anasema Baada ya KuKutafuta wewe, Ulimwambia utamtafuta Kuhusu Kazi ya Mgodini
Shahidi: Huyo Khalid Simfahamu.
Kibatala: na Baada ya Wakina Admin na Ling'wenya Kukamatwa Ukasema Kwamba Ile Kazi imebumburuka Kwa hiyo huwezi tena
Shahidi: Simfahamu Khalid, Nihoji watu ambao nimetolea Ushahidi.
Kibatala: Unafahamu Kwamba Kuna Afisa wa Polisi ambaye anaitwa Jumanne alikuja hapa Mahakamani na Kukiri Kuwa kamata Gabriel na Khalid
Shahidi: Sifahamu Kuhusu Jumanne, na simfahamu Jumanne.
Kibatala: Unafahamu Kwamba Siyo Kawaida Kwa Mtu Kusikilizwa Vifaa Vyake kwa zaidi ya Mwaka Mmoja
Shahidi: Inategemea Sasa na suala Lenyewe
Kibatala: Kwa Vifaa Vyako ni Mazingira
Shahidi: Nilienda Kuuliza Mwaka Mmoja Uliopita Wakasema bado Uchunguzi Unaendelea.
Kibatala: Unamfahamu mtu anaitwa John Urio
Shahidi: ambaye ni nani
Kibatala: Ambaye ni Baba yako Mdogo
Shahidi: Simfahamu
Kibatala: Unakumbuka Nilikuuliza Kuhusu Gari yako la Silver
Shahidi: Nakumbuka
Kibatala: Nakakuuliza Kuhusu Hotel uliyofikia
Shahidi: Nakumbuka
Kibatala: Nikisema Kwamba wewe Upo Chini ya Ulinzi Haupo huru
Shahidi: Nashangaa sana Kufikiria hivyo
Kibatala: Unafahamu Gari yako ni Mke wako Ndiye aliyefuatilia na Kuitoa kwa muda Mrefu Kwa Viongozi Wa Jeshi
Shahidi: Ni Uongo
Kibatala: Gari yako imeenda Kihonda lini
Shahidi: haijawahi Kufika kihonda
Kibatala: una Cornfirm Hapa Kwamba Gari hiyo imepakiwa Kambini Kizuka?
Shahidi: Na Cornfirm, Na Siku ya Kwanza Ndivyo Nilivyo Jibu.
Kibatala: Tukitaka Kujua wewe Upo katika Active Duty hujafukuzwa Kazi, Kwa Kosa la Kuwasiliana na Kiongozi Wa Upinzani
Shahidi: Unaangalia Kitambulisho na Kumuuliza Mwajiri Wangu
Kibatala: Hakuna Duty Roaster?
Shahidi: Ipo wewe Unauliza Duty Roaster ya kazini kwangu Kwanini?
Kibatala: Wewe Jibu swali Kwamba Moja ya Uthibitisho Wako Kuwa upo Active Jeshini, ni kutazama Duty Roaster?
Shahidi: Ni kweli
Kibatala: Ni Nyaraka Ipi Unathibitisha Kwamba wewe Ulipewa hiyo QRF Kamanda
Shahidi: Nilisema Kwamba kuanzia Tarehe 03 nilikuwa QRF kamanda
Kibatala: Kwa hiyo Nikukuombea Hairisho Uende Ukalete Karatasi Linalosema wewe Upo katika Active Duty.
Shahidi: Wewe si Unajua Taratibu za Ofisi, Naenda Kuomba Nyaraka Kama nani
Kibatala: Nasema tena Mahakama Ikakupq Hairisho Kwamba Ukalete Karatasi ambalo Lita thibitisha Kuwa Upo Katika Active Duty Utaenda Kuleta
Shahidi: Andikeni Barua, Ndiyo Watanipa Mimi sina Mamlaka.
Kibatala: Kwa hiyo Niliona Kwa Mahakama na Mahakama Ikatafakari Ukalete unaweza Kuleta hilo Karatasi
Shahidi: Ndiyo Kwa Barua naweza Kwenda
Kibatala: Na huo Mchakato Unaweza Kuchukua Siku Ngapi, Kwa Makadirio
Shahidi: Siwezi Kujua Kwa sababu Ofisi inaweza kutafakari na Kujibu
Kibatala: Shahidi Ni kweli au siyo Kweli Mtoto Wako Jackson alipozaliwa, Uliletewa Huko ulipo Kuwa huko Mafichoni umuone?
Wakili wa Serikali Pius Hilla: Mheshimiwa Jaji Swali limeshaulizwa
Jaji: Kuhusu Kupelekewa Mtoto Kumuona halijaulizwa
Kibatala: Shahidi Ni kweli au siyo Kweli, Mtoto Wako Jackson alipozaliwa Uliletewa Mtoto ulipokuwa Mafichoni umuone?
Shahidi: Yaani Mtoto azaliwe halafu niletewe Kizuizini, Jaribu Ku' think Kidogo Wakili Msomi, Who are you by the Way?
Kibatala: Shahidi Jibu swali usikasirike.
Kibatala: Ni kweli hata mama yako alikuja Kukuona Ulipokuwa Kizuizini huko Mafichoni?
Shahidi: Sijawahi Kuwa kizuizini
Kibatala: Ni kweli au si kweli hata unapokuja hapa Mahakamani Unasindikzwa na Maafisa Wa Jeshi Wenye silaha?
Wakili wa Serikali Robert Kidando: Mheshimiwa Jaji Shahidi Kila Saa anasema hayupo Kizuizini, Wakili aulize Maswali yenye Mantiki, Sioni Kwanini atoe allegations.
Kibatala: Mheshimiwa Jaji Sijatoa Allegations, Sisi tunauliza Maswali tukileta Mashahidi mbao watayathibitisha Kuwa Shahidi alikuwa Kizuizini, Isionekane hatukuuliza.. Kama Wakili Wa Serikali anachagua Swali la Kuuliza na namna ya Kujitetea, Basi wasiwe Wanaleta Kesi Mahakamani.
Jaji: Swali linahusu Knowledge sioni Kama Kuna tatizo Shahidi Kujibu.. Shahidi Jibu swali hilo.
Kibatala: Ni kweli si Kweli Kwamba Shahidi unapokuja Mahakamani Upo Kizuizini na Unasindikzwa na Maafisa Wa Usalama Wenye Silaha
Shahidi: Sipo Kizuizini, Mawakili Wananipitia Kila Siku Hotelini
Kibatala: Magari yanayo kupitia Huko Hotelini ni Magari Yao Binafsi au Ya Serikali (hao Mawakili Unasema ni wa Kwako)
Shahidi: Sijui Kama ni Magari Yao au Ya Serikali labda niende Kuyakagua.
Kibatala: Je Jibu lako Kwamba Mawakili Wako (Mawakili wa Serikali) inaoanisha Vipi na Jibu la Kwamba Unakutana nao Asubuhi Mahakamani.. Je hizo Dhana Mbili zinaoana?
Shahidi: Narudia tena, Siku ya Kwanza nimekuja Kukutana na Mawakili hapa Mahakamani, Baada ya Hapo Kila Siku nakuja nao na Kuondoka nao
Kibatala: Sawa kazi yangu ni Kuuliza Maswali
Kibatala: Unafahamu Shahidi Mwingine ambaye anapitiwa Hotelini na Mawakili Wa Serikali Kuletwa Mahakamani
Shahidi: sijui Kuhusu Shahidi Mwingine
Kibatala: Ni sahihi Utaratibu Wa Kupitiwa Hotelini na Kurudishwa Hotelini
Shahidi: Siyo Kila Siku, Kuna Siku napewa Mtu wa Kukupeleka
Kibatala: Kama lini Vile
Shahidi: Hata Ijumaa
Kibatala: Uliondoka na Gari gani
Shahidi: Gari Ndogo
Kibatala: Ni Mtu Binafsi au Mtu wa Usalama
Shahidi: Ni Mtu Binafsi
Kibatala: Lakini Ujamwambia Mheshimiwa Jaji Kuwa Gari hilo ni Taksi au Mali ya Mtu Binafsi
Shahidi: Nitamwambiaje Jaji Kuhusu Maswala yangu Binafsi
Kibatala: Kwani hujaambiwa Kuwa hapa Kwenye Ushahidi Kila Kitu ni hadharani, labda iwe Jaji kaona linavunja Haki zako?
Shahidi: Nafahamu
Kibatala: Shahidi Unafahamu Kwamba Viongozi Wote wa Serikali Wamehamia Dodoma Kutoka angalau Mwaka 2018
Shahidi: Sifahamu
Kibatala: Unafahamu Kwamba Ofisi za DCI, IGP, CDF wote Wamehamia Dodoma
Shahidi: Sifahamu
Kibatala: Je Ulimwambia Mheshimiwa Jaji Kwamba DCI alikwambia Yupo Dar es Salaam Kikazi Mnaweza Kuonana
Shahidi: Sijazungumzia
Kibatala: Unafahamu Kwamba DCI Kahamia Dodoma na Shughuli Zote za Ofisi ya DCI yana fanyika Dodoma
Shahidi: Siwezi Kuzungumzia Kuhusu Ofisi ya DCI.
Kibatala: Aliyeleta Masuala ya Kufika Ofisi Ya DCI
Shahidi: Ni Mimi
Kibatala: Shahidi Unafahamu Kuhusu Neno "CIMIC"
Shahidi: Ndiyo
Kibatala: Unajua Kirefu Chake
Shahidi: Sijui ila najua Maana yake ni nini
Kibatala: Nikisema Kwamba ni CIVIC AND MILLITARY COORDINATION utakubali au Utakataa
Shahidi: Siwezi Kukubali au Kukataa
Kibatala: Nikisema Maana yake ni taratibu za Jeshi kuratibi Mahusiano na Raia au Taasisi zingine za Kijeshi
Shahidi: Ndiyo
Kibatala: Kwa Tanzania ipo hiyo CIMIC
Shahidi: Haipo, Ipo katika Active Operation, Kama Nchi Zenye Vita.
Kibatala: Kwa Maana yake Tanzania Hakuna Utaratibu Wa Jeshi Kushea Taarifa na Jeshi Kama la Polisi
Shahidi: Utaratibu huo upo
Kibatala: kwa Maana hiyo CIMIC ipo
Shahidi: Ndiyo ipo
Kibatala: Kwa Maana hiyo Jeshi wanaweza Kumkamata Mtu na Bangi kisha Jeshi likaona ni swala la Polisi, Wakampeleka Polisi
Shahidi: Ndiyo.
Kibatala: Hata Kama siyo Kazi ya Jeshi Kuchunguza Ugaidi, Chini ya Mwamvuli wa CIMIC Jeshi siwanaweza Kumkamata na Kumpeleka Polisi
Shahidi: Hapo unampeleka Polisi
Kibatala: Na Kinyume Chake Taasisi Za Kiraia zinaweza Kuona Mtu Kwa Taarifa zake, Wana weza Kumkabidhi kwa Jeshi Kwa Tuhuma zake
Shahidi: Hakuna Kitu Kama hicho
Kibatala: Kwani Coordination Maana yake nini Under CIMIC
Shahidi: Mahusiano Kwa ajili ya Ku badirishana Taarifa.
Kibatala: Unafahamu Kuhusu Presence Patrols
Shahidi: Ndiyo nafahamu, Lakini haifanyiki Mara Kwa Mara
Kibatala: Hata Kama Mara 3 au 2, Jeshi lina fanya au halifanyi
Shahidi: Linafanya.
Wakili wa Serikali Robert Kidando: Mheshimiwa Jaji Majuzi Ulitoa Uamuzi Mdogo Kuhusu Taarifa za Kijeshi, Naomba Wakili Peter Kibatala azuiwe asijadili Taarifa Za Operation za Kijeshi, Maana anakuoenda si Pazuri.
Kibatala: Mheshimiwa Jaji Wakati Uamuzi Unatolewa nilikuwepo na Nilisikia, Sijauliza Kuhusu Vifaru Vingapi wala Silaha ni Ngapi. Wakili wa Serikali Labda Hajui Kuhusu Presence Control, Presence Control Maana yake ni kwamba Jeshi Lina chukua Askari Wake Wanapita Mtaani iwe Kwa sababu za Kiusalama au Kwa sababu ya Taharuki, Labda hata Wanasiasa wakitoa Matamko Jeshi Wakati fulani hata Tanzania lilipitisha Wanajeshi Na MAGARI Mtaani Baada ya Tamko la Maandamano, Lakini Mheshimiwa Jaji Ukisema niache nitaacha.
Jaji: Basi Kuhusu Frequently Msifike, Kama Idadi ya Mara ngapi
Kibatala: Sawa Mheshimiwa Jaji.
Kibatala: Shahidi Ni sahihi Presence Patrols Inafanyila Kuonyesha Maadui Kuwa Jeshi Lipo
Shahidi: Sifahamu
Kibatala: Ni sahihi Katika Tanzania Kumefanyika Presence Patrols
Shahidi: Sifahamu
Kibatala: Je kunapotokea Tishio la Ugaidi, Jeshi lina husika au halihusiki
Shahidi: Kuna Level of Protocols, Mpaka Wanaohusika Wa Declare Kuwa Jeshi Lije Kuongeza Nguvu.
Kibatala: Unafahamu Jeshini Kuna Kitu Kinaitwa kwa Jina la Utani OFFICE NUMBER 10
Shahidi: Nafahamu
Kibatala: Kila Kikosi au Kambi ya Jeshi ina intelligence office
Shahidi: Nafahamu
Kibatala: Kazi yake Kudeal na Masuala Mtambuka
Shahidi: Ipo specific siyo suala Mtambuka.
Kibatala: Kuna Sehemu Umetaja Spray ya Sumu au Powder ya Sumu
Shahidi: Sikusema
Kibatala: Hukusema Kwa sababu Bwire Hakukwambia Kuhusu Spray ya Sumu au Powder Ya Sumu
Shahidi: Jaji Mbona ananiwekea Majibu Mdomoni
Kibatala: Jibu swali Langu
Shahidi: Sijjazungumzia kabisa
Kibatala: Unamfahamu Tundu Lissu?
Shahidi: Ndiyo Namfahamu
Kibatala: unafahamu Kwamba Khalfani Bwire na Wenzake Walihusika Kulinda Tundu Lissu Wakati anawasili Tanzania
Shahidi: Rais Mwenyewe halindwi na Komandoo
Kibatala: Jibu swali Langu
Shahidi: Sifahamu Kama Walimlimda
Kibatala: Shahidi Unafahamu Kwamba Moja ya Jukumu ulilo waitia Ilikuwa Kumlinda Tundu Lissu
Shahidi: Sifahamu
Kibatala: Unafahamu Kwamba Tundu Lissu kwa Madhira aliyo Pata alikuwa anataka Ulinzi wa Hali ya Juu
Shahidi: Najua Kazi ya Ulinzi Kwa Mgombea ni Kazi ya Polisi
Kibatala: Kwani we Unajua Kuwa Mgombea analindwa na Polisi Wangapi
Shahidi: Sifahamu Kibatala: wewe Uliongea na Polisi Kuhusu Walinzi Wa wagombea
Shahidi: Sijawahi
Kibatala: Ulishawahi Kumlinda Mgombea wa Urais
Shahidi: Sijawahi
Kibatala: Ulishawahi Kumlinda hata Katibu kata
Shahidi: Sijawahi
Kibatala: Sasa Unaongelea Mambo ya Polisi, Yanakuhsu Nini wewe?
Shahidi: Kimyaaaaaaaaaa
Kibatala: Je unafahamu Kwamba Jeshi la Polisi Pamoja na Kulinda Raia, lakini Lissu alipigwa Risasi zaidi ya 30
Shahidi: Nafahamu
Kibatala: Unafahamu Kwamba Mpaka Leo Jeshi la Polisi Hawajamkamata Mtu hata Mmoja Mpaka Leo
Shahidi: Sifahamu.
Kibatala: Unafahamu Kwamba Freeman Mbowe alikuwa na Mlinzi Wake anaitwa Allan Bhujo na Hapa Mahakamani yupo
Shahidi: Sifahamu
Kibatala: Unafahamu Mtu anaitwa Ben Saa Nane ( Talking about Security Threats)
Shahidi: Simfahamu
Kibatala: Unafahamu Kwamba Mbowe (Homeboy Wako) Msaidizi Wake Ben Focas Rabiu SaaNane Kapotea Mpaka Leo hajulikani Halipo
Shahidi: Sifahamu
Kibatala: Je Mpaka hapo huoni Kwamba Mtu alikuwa anahitaji Walinzi (Ulinzi)
Shahidi: suala la Walinzi ni Swala Binafsi la Mtu.
Kibatala: Je Kwa wewe Kuwasiliana na Freeman Mbowe, Je Jeshi longe fahamu, au Wakubwa zako au Office namba 10 Je Wangejua unawasiliana na Freeman Mbowe Kiongozi Wa Upinzani limhekuwa Kosa au Siyo Kosa
Shahidi: Siyo Kosa.
Kibatala: Je Kwa Ufahamu Wako wewe Mwanajeshi na Afisa wa Jeshi, Kanuni, Miongozo na Sera, Je Afisa Wa Jeshi anaruhusiwa Kuwa na Mahusiano Ya Moja kwa Moja na Kiongozi Wa Kisiasa?
Shahidi: Personal anaruhusiwa
Kibatala: Kisiasa Je?
Shahidi: Haruhusiwi.
Kibatala: Je Kwa Afisa Wa Jeshi Kama wewe Kumtafutia Kiongozi wa Upinzani Walinzi, inaruhusiwa Kijeshi
Shahidi: Haikuwa Kwa Bahati Mbaya Ndiyo Maana Mpaka Leo Sijashtakiwa
Kibatala: Nani anaamua Kuwa hili ni Kosa la Kinidhamu au siyo Kosa la Kinidhamu
Shahidi: Ni Mimi Mwenyewe
Kibatala: Unafahamu au Hufamu Kwamba Hawa Walinzi, Moja wapo ya Majukumu Waliyo kuwa wanayafanya Kama Walinzi Wa Freeman Mbowe na Chadema ikiwemo Katika Vikao Vya Ndani Vya Chadema.
Shahidi: Sifahamu, Miymi najua Mbowe aliwashawishi Kwenda Kumdhuru Sabaya Moshi baada ya hapo Waje Kulipua Vituo Vya Mafuta Dar es Salaam
Kibatala: Unafahamu Kwamba Adamoo na Ling'wenya Walipoenda Moshi Walipokelewa na Gari yanye Chata na Bendera ya Chadema?
Shahidi: Sifahamu.
Kibatala: Je unafahamu Kwamba Siku Wanakuja Kumpokea Lissu Walikuja Kutoka Moshi Kwa Kusafiri na Gari ya Chadema
Shahidi: Sifahamu
Kibatala: Je Uliwa uliza
Shahidi: Siwezi Kuwa uliza Kila Saa Watashtuka.
Kibatala: Tarehe 26, Kabla hamjakata Mawasiliano, Je ulikuwa Unawa Monitor Kwa Details Kama hizo
Shahidi: Ndiyo Maana Khalfani Bwire Ali confess Kwangu Kuwa Wamekengeuka
Kibatala: Adamoo Ali confess kwako
Shahidi: Hapana
Kibatala: Ling'wenya Ali confess Kwako
Shahidi: Hapana
Kibatala: Shahidi unafahamu Maana ya Dimina
Shahidi: Nafahamu
Kibatala: Unajua Kuwa Moja yake ni Kama hiyo ya Kuulizwa Kingine na Kuji fanya ujaelewa
Shahidi: Nimesema Kwamba Niliwa uliza
Kibatala: Walikwambia nini
Shahidi: Waliniambia Kuwa walikuwa Wa nasubiri Kuajiriwa.
Kibatala: Siku Wa Nakwambia Wanasubiri Kuajiriwa ilikuwa Tarehe ngapi
Shahidi: Siwezi Kukumbuka.
Kibatala: Nilisikia kwamba Mbowe alikwambia atashiriki Uchaguzi
Shahidi: Hakuniambia Kuhusu Uchaguzi, aliniambia Kuwa Wamepanga Kuchukua Dola Kwa namna yoyote
Kibatala: Kwa hiyo Hapa Mahakamani Hakuna Maneno Kwamba Katika Uchunguzi huu, Chama Chake kimejipanga Kuchukua Dola Kwa namna yoyote
Shahidi: Yapo,
Kibatala: Sasa Mbona Unakataa.
Shahidi: alisema Chama Changu Kimepanga Kuchukua Dola
Kibatala: Unafahamu kwamba Chadema ilikuwa na Wagombea Ubunge Nchi Nzima
Shahidi: Sifahamu
Kibatala: Unafahamu Kwamba Chadema Ilikuwa na Mgombea Urais
Shahidi: Nafahamu.
Kibatala: Je Kwamba Mgombea Urais Kuzunguka Nchi Nzima, Kufanya Kampeni
Shahidi: Sifahamu
Kibatala: Kwakuwa wewe Ulikuwa Na Mawasiliano nao Kama Sehemu Ya kuwa Monitor, Je unafahamu Kwamba Moja ya Majukumu yao Ilikuwa Kulinda Makao Makuu Ya Chadema, Mtaa wa Ufipa
Shahidi: Sikuwahi Kufahamu.
Kibatala: Freeman Mbowe Katika Ushahidi Wako aliwahi Kukwambia Katika Mpango huo Kuna Kiongozi Yoyote Wa Chadema ambaye anahusika au Kushiriki
Shahidi: Hakuwahi Kuniambia
Kibatala: Je Unafahamu Kuwa Zile pesa zilikuwa ni Za Freeman Mbowe Binafsi au Za Chama ambazo zilitoka kwa Kufuata Utaratibu wote?
Shahidi: Sifahamu
Kibatala: Unafahamu Kwamba Suala la Kutafuta Walinzi lilikuwa Maamuzi Ya Chama
Shahidi: Sifahamu
Kibatala: Unafahamu Kwamba Freeman Mbowe jawezi Kuleta Walinzi Mpaka Makao Makuu Waje Kulinda bila Idhini ya Chama
Shahidi: Sifahamu
Kibatala: Shahidi Unafahamu Kwamba Hawa Walinzi Waliajiriwa Kutoka Katokana Mapendekezo ya Kurugenzi ya Ulinzi na Usalama ya Chadema.
Shahidi: Sifahamu
Kibatala: Unafahamu Kwamba hata wanamuziki kama Diamond au Wacheza Mpira wana Ma' bodyguards
Shahidi: Sifahamu.
Kibatala: Mtu akiwa Discharged Jeshini Kuna zuio la Kufanya Kazi Nyingine?
Shahidi: Hakuna, Msingi afuate sheria
Kibatala: Hata Kunywa Bia lazima Ufuate Sheria, Ndiyo Maana inatakiwa uwe above 18. Je Kiongozi Wako wa Kambi Ulimwambia Kwamba wewe Uliwa' Recruit hawa Walinzi?
Shahidi: Ndiyo nilimwambia
Kibatala: Kwahiyo Ofisi Inafahamu wewe Ukiwa Recruit hawa
Shahidi: Ndiyo
Kibatala: Ilikuwa Ofisini au Nyumbani
Shahidi: Ilikuwa Ofisini
Kibatala: Kwahiyo tuliomba Taarifa hiyo Katika Ofisi tutapata
Shahidi: Siwezi Kujua
Kibatala: Katika Hati ya Mashitaka, Hapa Kwanini uliamua Kuwa Mkutane Morogoro
Shahidi: Kwasababu ndiyo Centre
Kibatala: Je Ulisema lolote Kuhusu Kufanya Kikao Mwanza
Shahidi: Hapana
Kibatala: Kuhusu Mwanza
Shahidi: Hapana
Kibatala: Kuhusu Arusha
Shahidi: Hapana.
Kibatala: Wakati Unatoa Taarifa ulimwambia Kuwa Matukio yalitokea tarehe ngapi ya Wewe na Mbowe
Shahidi: Kati ya Tarehe 1 July mpaka Tarehe 10
Kibatala: Sasa Kwenye Hati Ya Mashtaka Wenzetu wameandika Tarehe 1 May, hujamwambia Wewe
Shahidi: Sijasema hivyo mimi.
Kibatala: Unafahamu Kwamba Aishi Protea Machame Hotel Wakati huo Ilikuwa tayari imeshakodishwa
Shahidi: Sifahamu
Kibatala: Uliwahi Kufahamu kama Mbowe aliwahi Kusafiri Nje ya Nchi baada ya Kukwambia Taarifa hizo
Shahidi: Sifahamu
Kibatala: Unamfahamu Godbless Lema
Shahidi: Ndiyo Namfahamu
Kibatala: Unafahamu Kwamba Yupo uhamishoni
Shahidi: Sina Taarifa
Kibatala: Unafahamu Lissu anaishi uhamishoni
Shahidi: Sijui Kama yupo Uhamishoni au Kaenda Kutalii
Kibatala: Unafahamu Kwamba Kama hawa Vijana Watatu Wasinge kamatwa, Tundu Lissu angebakia Nchini.. Tundu Lissu Kanyang'anywa Walinzi Wake, Na wapo Mahakamani Wanashitakiwa
Shahidi: Sifahamu
Kibatala: Unafahamu kwamba hata Godbless Lema Kukimbilia uhamishoni ni Kwa sababu Kijana Mmoja hapa alikuwa amepangiwa Kumlinda Godbless Lema
Shahidi: Sifahamu.
Kibatala: Mheshimiwa Jaji naomba kuishia hapa Kwa shahidi huyu, ASANTE SANA
Wakili wa Serikali: Shahidi Umeulizwa Hapa Kuhusu Mtu Kuwa na Ambao ni Specialized Walinzi ni Swala lake Binafsi, Ulikuwa Unamaanisha nini
Shahidi: Kuna Ma Kampuni Mengi Binafsi Yanatoa huduma, Ila Kimsingi Suala La Ulinzi wa Watanzania Lipo Chini ya Wizara ya Mambo ya Ndani
Wakili wa Serikali: Uliulizwa swali Kuhusiana Kama Jeshi lingejua kuwa una Mahusiano na Freeman Mbowe, Ukasema Hakuna Tatizo
Shahidi: Ndiyo Kwa sababu Hakuna Mtu anazuiwa Kuwa na Mahusiano na Mtu Mwingine, Kama ni personal
Wakili wa Serikali: Eleza taratibu.
Shahidi: Kufahamiana na Mtu siyo Kosa, Kama tuh Mwanasiasa kijiingiza katika Siasa zake ndiyo kosa
Wakili wa Serikali: Umeulizwa Hapa Kama wewe ni Mtu Muhimu au siyo Mtu Muhimu
Kibatala: OBJECTION Hakuna Mtu aliulizwa swali hilo, Shahidi alivolunteer Mwenyewe.
Wakili wa Serikali: Sawa Shahidi Kwanini Unasema wewe siyo Mtu Muhimu
Shahidi: Hakuna Mtanzania ambaye ni Mtu Muhimu Kuliko Mwingine.
Wakili wa Serikali: Vile Vile Jana Ulipewa Kifungu Kimoja cha Kwenye Biblia Kuhusu Daniel, halafu Mwisho Wa Siku Ukaambiwa Kosa cha Daniel na akina Ling'wenya Ukasema ni tofauti, fafanua
Shahidi: Kwa Daniel Zilitungwa Sheria Kwa sababu alikuwa anaabudu Mara tatu, Wakili anataka Kufananiisha na Suala la kina Bwire, Hawa ni Watu wazima, Ndiyo Maana Wali Confess Kwa Kutaka Kumdhuru Sabaya na Kuja Kulipua Kituo cha Mafuta.
Wakili wa Serikali: Na Uliulizwa Masuala Kuhusiana na Mzazi Wake Ling'wenya, Baada ya Kukupigia Wewe, wewe Ukasema Mpigie Boss wake, Fafanua
Shahidi: Ni kweli Mzazi Wake alinipigia, Ni kweli Nilimwambia kwamba Mpigie Boss Wao, Kama akimkosa Bwire.
Kibatala: OBJECTION Suala la Kupigiwa Bwire ni Jipya
Wakili wa Serikali: Shahidi Suala la Kumpigia Boss wake Ulikuwa Unamaanisha Nini
Shahidi: ampigie Freeman Mbowe ndiyo Boss wake KAMA Kuna Jambo limempata yeye Ndiyo anajua
Wakili wa Serikali: Suala la Simu Siyo Salama, Niwezeshe nikutane nao, Fafanua
Shahidi: Kukutana Pamoja na Kuongea Pamoja ni sahihi zaidi, Simu si salama ndiyo Maana Nikaomba aniwezeshe
Wakili wa Serikali: Kingine ni swala la Meseji ya Saa 2 na Dakika 24 Siku ya Tarehe 22 July 2020, Kwamba atumie namba za Wasaidizi Wake au Wakala.
Shahidi: Nilikuwa nakwepa Kuonekana na Mtega, Nikataka Kujenga Uaminifu, Mbowe aliniambia Simu Siyo Sahihi Wakili Dickson
Matata: OBJECTION Hakuna Maeneo Ambayo alisema Kuwa Simu Siyo Sahihi, atoe hayo Maneno.
Jaji: Wakili Kibatala tusaidie hilo, Nakumbuka Uliuliza swali Kuhusu hilo
Kibatala: Mhe Jaji naomba shahidi ajibu swali Kwanza
Jaji: amesha Jibu
Kibatala: Kwa Ruhusa Yako
Jaji: amejibu Kuwa alikwambia Kuwa atumie Simu ya Wasaidizi Wake au Wakala kwa Lengo la Ku win Trust
Kibatala: Sawa tumuache aendelee
Wakili wa Serikali: Kuna lingine Kwenye sms hapa ya Tarehe 22 July 2020, Meseji ya Saa 12 na Dakika 27 Ulinukuliwa hapa Ukisema Kwamba Ikiwezekana uwe unanitumia Fedha ya kuwa Mobilise, Ulimaanisha nini?
Shahidi: Nilikuwa namaanisha Kwamba anitumie Pesa ya Kuwa Mobilise huko Walipo, niwafanyie Vetting Kwa ajili ya Kuja Kufanya Jukumu lao..
Wakili wa Serikali: Kuna Swala Umeulizwa hapo Kuhusiana na Fedha, Ka Ulitumiwa kuwa siyo za Kigaidi au Ugaidi na wewe Ukaafiki siyo kwa ajili ya Ugaidi.
Shahidi: Nilikuwa namaanisha Kwamba Pesa zilitumwa Kwa Malengo ya Ugaidi, ila Wapokeajoli walikuwa hawajui Kuwa walikuwa wa napokea kwa ajili ya Matukio ya Ugaidi.
Wakili wa Serikali: Uliulizwa Hapa, Ukasema hukushangaa Kusikia Khalfani Bwire amekamatwa, Ulikuwa Umemaanisha nini
Shahidi: Kwa sababu nliwaambia Mnaenda Kufanya Kazi ILA Matukio Ya Uhalifu Mniambie, Wao wakanyamaza, Baadae Khalfani Bwire akaniambia Bro nimekengeuka Wale Madogo Wapo Ground, Ndiyo Maana Siku shangaa kwa sababu Taarifa alinipa too late Ikiwa Wameshaingia Kwenye Uhalifu. Nisingeweza Kukutana na Mtu Siku ya Kwanza alafu nimpe Details zangu zote, Ni swala la Kiusalama
Wakili wa Serikali: Umeulizwa tena Swala lingine hapa Kwamba Wale Watu (Washtakiwa) Waende Wakafanye Kazi ya Ulinzi Waambatane naye Kuchukua Dola, Ulikuwa Unamaanisha Nini?
Shahidi: Nilikuwa namaanisha Kwamba Freeman Mbowe alikuwa anatafuta watu Kwa ajili ya Kuchua Dola, Katika Kuchukua Dola huko alikuwa anataka Experts Katika Kuchukua Dola huko kwa ajili ya Kukata Miti na Kulipua Vituo Vya Mafuta.
Wakili wa Serikali: Ulionyeshwa Hapa Maelezo ambayo Uliyaandika Ukiwa Polisi, Kuna Maeneo ambayo katika Maelezo Umezungumza Kifupi ila hapa Umezungumza Kirefu, Kwanini imetokea.
Shahidi: Kwa Sababu aliyekuwa anaandika siyo Maneno Yote alikuwa anaandika hapa Naongea Sababu nipo Free, Kwa hiyo siyo Maneno Yote Kaandika Mle.
Wakili wa Serikali Robert Kidando: Mheshimiwa Jaji Huyo Ndiye Shahidi tukiyekuwa naye kwa Leo na hatuna Shahidi Mwingine, Hivyo tunaomba hairisho la. Siku 2 kwa Maana ya Tarehe 2 na Tarehe 3 ili tuweze Kuendelea Ijumaa Tarehe 4 Ndipo tutakuwa Tume Procure Shahidi Mwingine.
Kwa sababu Shahidi ambaye tulipanga baada ya Shahidi huyu hakuwezi Kufika Kwa sababu Ya Sababu zilizo Nje ya Uwezo Wetu hivyo Katika Mazingira Hayo na ili Kupata Uhakika Wa Kuendelea Ijumaa, Tunaomba Hairisho Ili hata kama kama tukishindwa tuweze Kupata Shahidi Mwingine.
Wakili Peter Kibatala: Mheshimiwa Jaji Sisi kwa kweli bila tunakosewa sana na hawa Wenzetu Hatuoni sababu ya airisho.. Kwenye Commital Bundle Wameorodhesha Mashahidi Wengi sana, Inawezekana Vipi Kukosa Mashahidi?
Kama nilivyosema Mwanzo, Kwamba Wateja Wetu Wana Haki ya Kujua Hatima yao, Tunatamani Kesi iendelee leo. Tunapinga Kuhairisha kesi, Tunaomba Mahakama Iwaelekeze Walete Mashahidi. Ukizingatia Wengine Address (anuani) zao ni Dar es Salaam.
Wakili wa Serikali Robert Kidando: Mheshimiwa Jaji Tumesikia Hoja ya Kupinga airisho Kutoka Kwa Wenzetu ila tunaona Kwamba wamekuwa too emotional Kuliko Kuleta Hoja za Kisheria. Kuita Mashahidi Kuna Masuala Mengi Sana, Si Jambo Rahisi na Mengine hatuwezi Kuyasema hapa. Ukiangalia Shahidi huyu ameanza Kuwa Cross Examined Kuanzia Alhamisi.
Kibatala: Mheshimiwa Jaji hii ni Rejoinder au Hoja Mpya, ajibu Hoja zetu,
Jaji: Nisaidie kijibu Hoja ya Siku Mbili, Wao wanasema kwamba Waje Kesho, Je tu assume Mpaka Kesho Kutwa huwezi Kupata Shahidi.
Wakili wa Serikali Robert Kidando: Mheshimiwa Jaji Naweza Kusema Alhamisi tukaja Kupoteza Resources hapa, Mheshimiwa Jaji Naomba hata KAMA Kuna alternative iwe Ijumaa basi.
- Jaji anaandika Kidogo
Mahakama ipo Kimyaaaa
Jaji: Katika Kutolea Uamuzi Wa hoja Ya airisho, Kuhusu Kuhairisha Mpaka Tarehe 04, Nafahamu Kwamba ipo Sheria ainayowabana Upande wa Mashtaka katika kuleta Mashahidi.. Lakini Upande wa Mashtaka Wemetoa Hoja ambayo inawalizimu Kuleta Mashahidi Tarehe 04. Upande wa Utetezi Hoja yao Kuwa Shauri Lipo katika Mode ya Speed Trial, Na Kwamba ni Shauri ambalo linatakiwa kuisha Haraka.. Lakini Mahakama Inaona ni Busara hata Kama ikilazimisha Kama Mashahidi hawapo Mahakama haitoweza Kuendelea.
Kwa sababu hiyo naairisha Mahakama Mpaka Ijumaa Tarehe 4 February 2022. Washitakiwa wataendelea Kuwa Rumande chini ya Magereza Mpaka hiyo Ijumaa.
07:00 Koooooooorti Jaji anatoka
- Shahidi wa 12 Luteni Denis Urio amaliza ushahisi wake, kesi kuendelea tarehe 04/02/2022 -