Hofu Yatawala Zimbabwe baada ya Helikopta Inayodhaniwa Kumbeba Mfanyabiashara Wicknell Chivayo kuanguka Marondera
HARARE, Zimbabwe
Hali ya sintofahamu na taharuki imetanda nchini Zimbabwe kufuatia ripoti za kuanguka kwa helikopta inayodhaniwa kumbeba mfanyabiashara maarufu na tajiri nchini humo, Wicknell Chivayo.
Tukio hilo limetokea jioni ya leo karibu na mji wa Marondera, ambapo vyombo vya habari vya ndani kupitia mtandao wa kijamii wa X (zamani Twitter) viliripoti kushuhudiwa kwa msafara wa zaidi ya magari ya wagonjwa (ambulensi) sita yakikimbia kwa kasi kutoka mji mkuu wa Harare kuelekea eneo la tukio.
Hadi kufikia sasa, mamlaka za usalama na vyombo vya dola bado havijatoa taarifa rasmi kuhusu waliokuwemo ndani ya chombo hicho wala hali halisi ya usalama au afya ya mfanyabiashara huyo. Hali hii imeacha umma ukiwa kwenye hofu kuu huku wananchi wakisubiri taarifa za kina kutoka vyombo husika kufahamu hatima ya safari hiyo na iwapo kuna manusura.
Habari zaidi kuhusiana na tukio hili zitaendelea kuripotiwa kadiri mamlaka zitakavyotoa ufafanuzi rasmi.
View attachment 3681298
View attachment 3681299
View attachment 3681300