afsa
JF-Expert Member
- Dec 6, 2012
- 1,986
- 1,592
AMEANDIKA:
BABA ASKOFU EMMAUS BANDEKILE MWAMAKULA.
USALAMA WA MAISHA YA LISSU UKO HATARINI, AKIMBILIA KUPATA HIFADHI KATIKA UBALOZI WA UJERUMANI JIJINI DAR ES SALAAM!
Jana tarehe 5 Novemba 2020 nilizungumza na aliyekuwa Mgombea Urais wa Jamhuri ya Muungano wa Tanzania kupitia Chama cha Demokrasia na Maendeleo (CHADEMA) Mheshimiwa Tundu Lissu ambaye anaishi Uhamishoni katika Ubalozi wa Ujerumani jijini Dar es Salaam. Tulikubaliana kuwa mimi kama Askofu na Mshauri wake katika Masuala ya Kiroho, niwajulishe Umma wa Watanzania na Jumuiya ya Kimataifa kwa ujumla kuhusu hali ya Usalama ya Mheshimiwa Lissu.
Kupitia mazungumzo yale, Mheshimiwa Lissu alieleza kuwa mara baada ya Uchaguzi Mkuu uliofanyika tarehe 28 Oktoba 2020, alianza kutishiwa maisha yake. Baada ya vitisho kuzidi kuongezeka, Mheshimiwa Lissu alipokea pia taarifa kutoka kwa 'wasamalia wema' waliomtahadharisha kuwa kulikuwa na 'maelekezo maalum' ya kutaka 'vijana wamalizane kabisa na Lissu' safari hii!
Baada ya kutafakari kwa kina taarifa za vitisho hivyo pamoja na taarifa kutoka kwa 'wasamalia wema', Mheshimiwa Lissu aliamua kwenda kutafuta hifadhi ya muda sehemu nyingine tofauti na nyumbani kwake jijini Dar es Salaam hatua ambayo ilionekana kama ni kuhatarisha usalama wa maisha ya watu wengine. Ndipo alipoamua kutafuta hifadhi katika Ubalozi wa Ujerumani jijini Dar es Salaam siku chache. Siku alipokwenda Ubalozini, alipowasili na akiwa nje ya Ubalozi akisubiri taratibu za Ubalozi pale Umoja House, Polisi waliokuwa katika magari mawili walifika pale Ubalozini na kumkamata na kwenda naye Kituo Kikuu cha Polisi cha Kati (Central Police) jijini Dar es Salaam. Ndipo Maafisa wa Ubalozi waliamua kumfuatilia Mheshimiwa Lissu kwa nyuma na kusubiria pale Central, jambo ambalo liliwafanya Polisi waamue kumuachia kwa kuogopa kelele zaidi kutoka Jumuiya ya Kimataifa.
Mheshimiwa Lissu alinieleza kuwa Maafisa wa Ubalozi wameendelea kuwasiliana na Serikali ya Tanzania kupitia Mheshimiwa Palamagamba Kabudi kuhusu hifadhi yake, lakini Serikali hadi kufikia jana tarehe 5 Novemba 2020, Serikali ya Tanzania ilikuwa inasita kutoa kibali kwa Ubalozi unaoshughulikia masuala ya Lissu kwa kisingizio kuwa Lissu aombe ruhusa ya Kimahakama kwa kuwa anazo kesi Mahakamani. Hoja ya Serikali ilionekana kutokuzingatia au kutokujali tishio dhidi ya uhai wa Mheshimiwa Lissu.
Katika mazingira yaliyopo, tunaiomba na kuishauri Serikali itoe kauli kuhusu kumhakikishia usalama Mheshimiwa Lissu. Kukaa kimya kwa Serikali pasipo kutoa hakikisho lo lote la usalama kwa Mheshimiwa Lissu kutapelekea watu kufikiri na kuamini kuwa Serikali inahusika au iko nyuma ya vitisho dhidi ya maisha ya Lissu.
Ikumbukwe kuwa miaka mitatu iliyopita, Mheshimiwa Lissu aliwahi kulalamika mara kadhaa kuwa kuna watu walikuwa wakimfuatilia na kuwa maisha yake yalikuwa hatarini na haikupita muda mrefu akashambuliwa na risasi mchana jijini Dodoma na hadi sasa hakuna taarifa za kukamatwa kwa mtu ye yote kutokana na tukio lile.
Baada ya kutafakari kwa kina kuhusu hali halisi ya usalama wa Mheshimiwa Lissu katika mazingira ya sasa na baada ya kushauriana na wadau mbalimbali, imeonekana ni vema na ni hekima na usalama kwa Mheshimiwa Lissu kuendelea kuishi Uhamishoni katika Ubalozi wa Ujerumani jijini Dar es Salaam hadi pale itakapoamriwa tena hapo baadaye. Kwa sasa Mheshimiwa Lissu pamoja na baadhi ya Wasaidizi wake wapo katika Ubalozi wa Ujerumani ambapo wanaendelea kupata hifadhi.
Ninaandika haya kama Askofu Mshauri wa Mheshimiwa Lissu ili Watanzania na Jumuiya ya Kimataifa wapate ufahamu kuhusu yanayoendelewa kwa Mheshimiwa Lissu, aliyekuwa Mgombea Urais wa Jamhuri ya Muungano wa Tanzania.
Tunatoa wito kwa wote walio nyuma ya mpango wa kutishia usalama wa maisha ya Mheshimiwa Lissu kwa kuelekeza, kufadhili, kutuma au kutekeleza mpango huo kuacha mara moja kwa kuwa mkono wa Mungu na ulinzi wake upo pamoja na watu wasiokuwa na hatia (Zaburi 35 na Zaburi 121). Tunasisitiza kuwa mpango wa kutaka kumdhuru Lissu ni uovu hivyo waache mara moja (Ezekieli 33:1-20).
Mwana Kondoo Ameshinda! Tumfuate!
Askofu Mkuu Emmaus Bandekile Mwamakula - Mkuu wa Kanisa la Moravian la Uamsho Tanzania & Afrika Mashariki na Mwenyekiti Mwenza wa Umoja wa Makanisa ya Moravian ya Uamsho Duniani.
BABA ASKOFU EMMAUS BANDEKILE MWAMAKULA.
USALAMA WA MAISHA YA LISSU UKO HATARINI, AKIMBILIA KUPATA HIFADHI KATIKA UBALOZI WA UJERUMANI JIJINI DAR ES SALAAM!
Jana tarehe 5 Novemba 2020 nilizungumza na aliyekuwa Mgombea Urais wa Jamhuri ya Muungano wa Tanzania kupitia Chama cha Demokrasia na Maendeleo (CHADEMA) Mheshimiwa Tundu Lissu ambaye anaishi Uhamishoni katika Ubalozi wa Ujerumani jijini Dar es Salaam. Tulikubaliana kuwa mimi kama Askofu na Mshauri wake katika Masuala ya Kiroho, niwajulishe Umma wa Watanzania na Jumuiya ya Kimataifa kwa ujumla kuhusu hali ya Usalama ya Mheshimiwa Lissu.
Kupitia mazungumzo yale, Mheshimiwa Lissu alieleza kuwa mara baada ya Uchaguzi Mkuu uliofanyika tarehe 28 Oktoba 2020, alianza kutishiwa maisha yake. Baada ya vitisho kuzidi kuongezeka, Mheshimiwa Lissu alipokea pia taarifa kutoka kwa 'wasamalia wema' waliomtahadharisha kuwa kulikuwa na 'maelekezo maalum' ya kutaka 'vijana wamalizane kabisa na Lissu' safari hii!
Baada ya kutafakari kwa kina taarifa za vitisho hivyo pamoja na taarifa kutoka kwa 'wasamalia wema', Mheshimiwa Lissu aliamua kwenda kutafuta hifadhi ya muda sehemu nyingine tofauti na nyumbani kwake jijini Dar es Salaam hatua ambayo ilionekana kama ni kuhatarisha usalama wa maisha ya watu wengine. Ndipo alipoamua kutafuta hifadhi katika Ubalozi wa Ujerumani jijini Dar es Salaam siku chache. Siku alipokwenda Ubalozini, alipowasili na akiwa nje ya Ubalozi akisubiri taratibu za Ubalozi pale Umoja House, Polisi waliokuwa katika magari mawili walifika pale Ubalozini na kumkamata na kwenda naye Kituo Kikuu cha Polisi cha Kati (Central Police) jijini Dar es Salaam. Ndipo Maafisa wa Ubalozi waliamua kumfuatilia Mheshimiwa Lissu kwa nyuma na kusubiria pale Central, jambo ambalo liliwafanya Polisi waamue kumuachia kwa kuogopa kelele zaidi kutoka Jumuiya ya Kimataifa.
Mheshimiwa Lissu alinieleza kuwa Maafisa wa Ubalozi wameendelea kuwasiliana na Serikali ya Tanzania kupitia Mheshimiwa Palamagamba Kabudi kuhusu hifadhi yake, lakini Serikali hadi kufikia jana tarehe 5 Novemba 2020, Serikali ya Tanzania ilikuwa inasita kutoa kibali kwa Ubalozi unaoshughulikia masuala ya Lissu kwa kisingizio kuwa Lissu aombe ruhusa ya Kimahakama kwa kuwa anazo kesi Mahakamani. Hoja ya Serikali ilionekana kutokuzingatia au kutokujali tishio dhidi ya uhai wa Mheshimiwa Lissu.
Katika mazingira yaliyopo, tunaiomba na kuishauri Serikali itoe kauli kuhusu kumhakikishia usalama Mheshimiwa Lissu. Kukaa kimya kwa Serikali pasipo kutoa hakikisho lo lote la usalama kwa Mheshimiwa Lissu kutapelekea watu kufikiri na kuamini kuwa Serikali inahusika au iko nyuma ya vitisho dhidi ya maisha ya Lissu.
Ikumbukwe kuwa miaka mitatu iliyopita, Mheshimiwa Lissu aliwahi kulalamika mara kadhaa kuwa kuna watu walikuwa wakimfuatilia na kuwa maisha yake yalikuwa hatarini na haikupita muda mrefu akashambuliwa na risasi mchana jijini Dodoma na hadi sasa hakuna taarifa za kukamatwa kwa mtu ye yote kutokana na tukio lile.
Baada ya kutafakari kwa kina kuhusu hali halisi ya usalama wa Mheshimiwa Lissu katika mazingira ya sasa na baada ya kushauriana na wadau mbalimbali, imeonekana ni vema na ni hekima na usalama kwa Mheshimiwa Lissu kuendelea kuishi Uhamishoni katika Ubalozi wa Ujerumani jijini Dar es Salaam hadi pale itakapoamriwa tena hapo baadaye. Kwa sasa Mheshimiwa Lissu pamoja na baadhi ya Wasaidizi wake wapo katika Ubalozi wa Ujerumani ambapo wanaendelea kupata hifadhi.
Ninaandika haya kama Askofu Mshauri wa Mheshimiwa Lissu ili Watanzania na Jumuiya ya Kimataifa wapate ufahamu kuhusu yanayoendelewa kwa Mheshimiwa Lissu, aliyekuwa Mgombea Urais wa Jamhuri ya Muungano wa Tanzania.
Tunatoa wito kwa wote walio nyuma ya mpango wa kutishia usalama wa maisha ya Mheshimiwa Lissu kwa kuelekeza, kufadhili, kutuma au kutekeleza mpango huo kuacha mara moja kwa kuwa mkono wa Mungu na ulinzi wake upo pamoja na watu wasiokuwa na hatia (Zaburi 35 na Zaburi 121). Tunasisitiza kuwa mpango wa kutaka kumdhuru Lissu ni uovu hivyo waache mara moja (Ezekieli 33:1-20).
Mwana Kondoo Ameshinda! Tumfuate!
Askofu Mkuu Emmaus Bandekile Mwamakula - Mkuu wa Kanisa la Moravian la Uamsho Tanzania & Afrika Mashariki na Mwenyekiti Mwenza wa Umoja wa Makanisa ya Moravian ya Uamsho Duniani.