Jidu La Mabambasi
JF-Expert Member
- Oct 20, 2014
- 18,653
- 31,010
- Thread starter
- #41
Sasa hivi nasikia Mambo ya Nje ndio wameanza majadiliano.Bashe ametoa msimamo wake kama waziri wa kilimo kwa staili inayoonyesha kuwa na mamlaka na kujiamini kwa tamko linalogusa maisha ya watu wa nchi ambazo mojawapo inaitegemea Tanzania katika uhai wake. Nina wasi wasi na tamko hili kama kweli ndio msimamo wa Serikali.
Malawi hawajatoa tamko zaidi ya lile la awali lakini naamini ndani ya masaa au siku zijazo watajibu na majibu yake naamini hayatakuwa na mwelekeo mwema.
Vipi Malawi wakitujibu kwa kuzuia shughuli za uvuvi katika ziwa lao tunaloliita Nyasa wakati wao wanalitambua kama Ziwa Malawi?
Vipi kama watapiga marufuku kwa uwepo wa vyombo vyetu vya usafiri katika ziwa lao tutafanya nini? Tujikumbushe kwamba Tanzania hatuna haki ya ziwa Nyasa maana mpaka wetu unaishia pwani ya mashariki ya ziwa, kutoka hapo hadi pwani ya magharibi ya ziwa ni eneo halali la Malawi hadi siku ya leo.
Bashe haoni kuwa kwa matamko ya kibabe hivi yanaweza kutuiingiza kwenye mgogoro kama ule uliozua vita kati yetu na Uganda, chanzo kikiwa ni Idd Amin Dadah kuvamia eneo la kaskazini ya mto Kagera na kuliteka? Bashe anafahamu kuwa mgogoro ulioamuliwa na vita vya Kagera ulianza kimchezo mchezo hivi kwa matamko ya kishabiki? Kama suala bado linashughulikiwa kidiplomasia na wizara ya mambo ya nje, kwa nini Bashe asisubiri matokeo ya mazungumzo kwanza badala ya kuharakisha kutoa tangazo la vita?