Biblia ni kitabu kinachoongoza kuwa na migongano mingi na pia ni illogical

Davidmmarista

JF-Expert Member
Joined
Apr 11, 2024
Posts
3,114
Reaction score
6,309
Kila kona ya hiki kitabu ukikisoma vizuri utagundua kuna matatizo mengi mno ya kimantiki sasa sijui inatokea vipi mtu mdadisi, mwenye kufikiria kwa kina anakaa na kukubali tu kila neno lilipo binafsi naona ni kitabu ambacho kina stori tu na hamna kitu cha maana ukiangazia Dunia tuliyonayo Leo:

Kuna maswali machache hapa ningepenga kuyaacha kwa wanaoamini hiki kitabu:

Tukirudi katika mwanzo: Kama Mungu alijua kwa 100% kabla hajamuumba mwanadamu wa kwanza (Adam) au kabla hajakumba wewe na mimi kwamba tutatenda dhambi na hatimaye kwenda motoni, je, mwanadamu ana uhuru wa kweli wa kuchagua?

Kama Mungu alijua matokeo hayo yote bila shaka yoyote na bado akaamua kutuumba katika mfumo huo huo, maana yake matokeo hayo yalitengenezwa na Yeye kabla hata hatujazaliwa. Inakuwaje tena atuadhibu kwa makosa aliyotengeneza Mfumo utakaoyasababisha kabla hatujawepo?


2. Kama kifo na saratani vilikuwepo mamilioni ya miaka kabla ya mwanadamu kuwepo, inakuwaje Biblia iseme kifo na mateso yote yalisababishwa na dhambi ya mwanadamu? Je, Maandiko yanasimamia uhalisia gani?
 
Hehe! Taratibu tu mtafunguka, vitabu vya dini ukitafakari kwa kina utagundua madhaifu mengi sana!.
Shida watu wanavisoma vile vitabu huku wakiwa tayari wamelishwa vitu vya hovyo kichwani mwao hivyo wanaamini akitafari au aki judge sana basi anakufuru!!.
 
Katika mafundisho ya Ukristo, Mungu anaelezwa kuwa habadiliki na anajua kila kitu kilichopo, kilichopita na kijacho (omniscient). Hata ivyo, ukichambua story za Biblia zinaonyesha migongan live kbs katika aya zifuatazo:

Mwanzo 6:6 "Bwana akajuta kwa kuwa amemfanya mwanadamu juu ya nchi, akahuzunika moyoni mwake."
1 Samweli 15:11 "Mimi najuta kwa sababu nimemweka Sauli awe mfalme; maana amerejea nyuma, hakuniandama, wala hakuyatimiza maneno yangu."

Hata ivyo, katik sura hiyo hiyo ya 1 Samweli, aya chache mbele, Biblia inasema kinyume chake kabisa:
1 Samweli 15:29 "Tena Yeye aliye Nguvu ya Israeli hatasema uongo, wala hatajuta; maana Yeye si mwanadamu, hata ajute."
Malaki 3:6 "Kwa kuwa mimi, Bwana, sibadiliki..."

🤔Inafikirisha sana, migongano ya wazi kabisa na bado kuna kina Setfree wanatupiga bit tuamini hiki kitu
 

Mkuu sijui kweli nikiwa mdogo niliamini je haya mambo unajua sasa hivi ndio naanza kuona shida zilizopo na bado kuna watu huko kazi yao ni kutishia raia na kuwaita wapumbavu kwasababu hawaamini hiki kitu sijui katika ya waamini na wasioamini wapi ndio wapuuzi.
 
Je, Ni Siku Ipi na Muda Gani Yesu Alisulubiwa?
Ukisoma vizuri injili ya Marko na injili ya yohana zinapingana kwa wazi kabisa kuhusu muda na saa na siku ambayo Yesu alisulubiwa.

1. Injili ya Marko: Saa Tatu Asubuhi
Marko anaeleza kuwa Yesu alisulubiwa rasmi msalabani saa tatu asubuhi 9:00 AM.
"Basi ilikuwa saa tatu, nao wakamsulubisha." Marko 15:25

2. Injili ya Yohana: Baada ya Saa Sita Mchana
Yohana anaeleza kuwa saa sita mchana 12:00 PM, Yesu alikuwa bado hajasulubiwa! Alikuwa bado yuko kwenye ukumbi wa hukumu mbele ya Pontio Pilato, na Pilato alikuwa bado anazungumza na Wayahudi kabla hajamtoa kwenda kusulubiwa.
Na nukuu kama ilivyoandikwa:
"Nayo ilikuwa maandalio ya Pasaka, nayo ilikuwa yapata saa sita. Akawaambia Wayahudi, Tazama, Mfalme wenu! Basi wao wakapiga kelele, Mwondoshe! Mwondoshe! Msumbishe! ... Basi ndipo alipomtoa kwao ili asulubiwe." Yohana 19:14-16

Mtu mmoja hawezi kuwa juu ya msalaba akisulubiwa saa tatu asubuhi na wakati huo huo awe bado yuko mbele ya Pilato akihukumiwa saa sita mchana katika siku hiyo hiyo moja.
Kama waandishi wote wawili walikuwa mashahidi au waliongozwa na Roho Mtakatifu kuandika ukweli usio na makosa , ni muda gani sahihi wa kihistoria ambao Yesu alisulubiwa? Saa tatu asubuhi au baada ya saa sita mchana?

Kuna injili nne zinapingana pia kuhusu siku ya kihistoria ya msalaba. Marko, Mathayo, na Luka wanasema Yesu alikula Pasaka na wanafunzi wake usiku wa mwisho, na alisulubiwa siku baada ya Pasaka. Lakini Yohana anasema alisulubiwa siku ya maandalio ya Pasaka kabla ya Pasaka kamwe haijaliwa.

Hii ni migongano live kabisa.
 
Ni Wanawake yupi au Akina Nani Waliofika kaburini asubuhi ya ufufuo, na walimkuta nani kaburini?

Tukirudi na kulinganisha injili zote nne kuhusu asubuhi ya siku ya kwanza ya wiki pale kaburini, kuna migongano ya wazi katika walioenda, waliowakuta, na mambo yaliyotokea.

1: Hivi vifungu vinajibu nani Aliyekwenda Kaburini?
  • Yohana 20:1 Ni Mariamm, Magdalena pekee ("siku ya kwanza ya juma Mariamu Magdalena alikwenda kaburini asubuhi bado kungali giza...").
  • Mathayo 28:1 Walikuwa wanawake 2: Mariamu Magdalena na Mariamu yule mwingine.
  • Marko 16:1 Walikuwa wanawake 3: Mariam, Magdalena, Mariamu mama yake Yakobo, na Salome.
  • Luka 24:10 Walikuwa zaidi ya 4: Mariam, Magdalena, Yohana, Mariamu mama yake Yakobo, na "wengine waliokuwa pamoja nao".

2: Walimkuta Nani au kitu gani ndani au nje ya kaburi?
  • Mathayo 28:2-5 Lilitokea tetemeko kubwa la ardhi, malaika mmoja alishuka kutoka mbinguni, akavingirisha jiwe, kisha akaketi juu ya lile jiwe nje ya kaburi.
  • Marko 16:5 Hakuna tetemeko wala malaika aliyeketi juu ya jiwe nje. Ingawa waliingia ndani ya kaburi, walimkuta kijana mmoja ameketi upande wa kuume, amevaa vazi jeupe.
  • Luka 24:4 Walipoingia ndani, walimkuta watu wawili malaika 2 wamesimama karibu nao, wenye mavazi ya kung'aa.
  • Yohana 20:11-12 Mariam, Magdalena alikuwa peke yake nje akilia. Alipochungulia ndani ya kaburi, aliona malaika wawili wameketi, mmoja kichwani na mwingine miguuni pale ulipolazwa mwili wa yesu.


Kama shahidi wa kwanza anasema alikwenda mtu mmoja pekee na kukuta malaika mmoja ameketi juu ya jiwe nje. Na shahidi wa pili anasema walikwenda kundi la wanawake zaidi ya wanne na kukuta malaika wawili wakiwa wamesimama ndani

Maelezo haya mawili hayawezi kuwa sahihi yote kwa pamoja kimantiki.

Vilevile, Mathayo anadai jiwe lilivingirishwa mbele ya macho ya wale wanawake pale malaika aliposhuka na kusababisha tetemeko.
Marko, Luka, na Yohana wanadai wanawake hao walikuta jiwe limekwisha vingirishwa tayari kabla hawajafika.


Kama ufufuo wa Yesu ndilo tukio muhimu zaidi katika historia ya Ukristo, kwanini waandishi wote wanatofautiana kiasi hiki kwenye maelezo ya msingi kuhusu siku hiyo?
 
Ukiwa na akili ndogo huwezi kuielewa biblia.
 
Je, Mungu Ni Mungu wa Amani na Asiye na Ufujo au Ni Mtu wa Vita?

Katika mafundisho ya wataalamu wa theology, Mungu anaelezwa kama chanzo cha amani na utulivu. Ila ukija kwenye Biblia inatoa kauli mbili zinazopingana kuhusu sifa hii kuu ya Mungu.

1. Upande wa Kwanza: Mungu Sio Mungu wa Machafuko bali Ni wa Amani
  • 1 Wakorintho 14:33 "Kwa maana Mungu si Mungu wa machafuko, bali wa amani..."
  • Warumi 15:33 "Basi Mungu wa amani na awe pamoja nanyi nyote."

2. Upande wa Pili: Mungu Ni Mtu wa Vita
  • Kutoka 15:3 "BWANA ni mtu wa vita, BWANA ndilo jina lake."
  • Isaya 42:13 "BWANA atatoka kama shujaa, ataamsha wivu kama mtu wa vita; atapiga kelele, naam, atapiga kelele kuu; atatenda kwa ushujaa juu ya adui zake."

Kama Mungu habadiliki katika asili yake,je, Mungu ni wa amani au ni wa vita na machafuko?
Kama alikuwa "mtu wa vita" katika agano la Kale anayeamuru maangamizi ya mataifa na kumwaga damu, inakuwaje Agano Jipya linadai kuwa Mungu si Mungu wa machafuko bali ni wa amani tu?
 
Mkuu sasa naomba twende taratibu, kabla ya yote nikupongeze kwa ujasiri wako wa kuhoji na kutafuta majibu kwa kina. Imani ya Kikristo haigopi maswali; neno linasema, "Njoni sasa, tusemezane" (Isaya 1:18).

1. Kuhusu Uhuru wa Kuchagua (Free Will) na Kujua kwa Mungu (Omniscience)
Swali lako ni zuri sana: Kama Mungu anajua 100% kuwa fulani ataenda motoni, je, kuna uhuru wa kuchagua?
Kama Wainjilisti, tunatofautisha kati ya "Kujua mapema" (Foreknowledge) na "Kupangia mtu matokeo" (Predestination/Determinism). Kujua kwa Mungu hakuharibu uhuru wako wa kuchagua.

Mfano mwepesi, ukikaa ghorofani na kuona magari mawili yakija kwa kasi kwenye makutano ya barabara, unaweza kujua 100% kuwa yataigongana baada ya sekunde 5. Je, ujuzi wako ndio ulioyasababisha yagongane? Hapana. Dereva ana uhuru wa kukanyaga breki, lakini wewe unaona matokeo kabla hayajatokea kwa sababu uko juu yao. Mungu yuko nje ya muda (Time), anaona mwanzo na mwisho wetu, lakini bado anatuachia uamuzi mkononi mwetu.

Kuhusu Mfumo, Mungu hajatengeneza mfumo wa mwanadamu kufeli. Alitengeneza mfumo wa Upendo wa Kweli. Huwezi kuwa na upendo wa kweli bila uhuru wa kukataa. Kama Mungu angetuumba tusiweze kufanya dhambi, tusingekuwa wanadamu wenye utashi, tungekuwa "Roboti". Mungu alitaka viumbe wanaoweza kuchagua kumpenda. Adhabu haiji kwa sababu Mungu alitengeneza mfumo ufeli, bali inakuja kwa sababu mwanadamu anakataa mkono wa wokovu ambao Mungu ameweka wazi kwa kila mtu kupitia kwa Yesu Kristo (Yohana 3:16).

Kuhusu Kifo, Saratani (Cancer), na Historia ya Dunia Mamilioni ya Miaka Iliyopita
Hapa unagusa sayansi ya miamba na visukuku (Fossils) inayoonyesha uwepo wa magonjwa na vifo vya wanyama (kama dinosaurs) kabla ya Adamu. Maandiko yanaposimamia uhalisia, yanajibiwa kwa mitazamo miwili mikuu ya kiteolojia:

Kifo cha Kiroho na Uhusiano: Biblia inaposema “kwa mtu mmoja dhambi iliingia ulimwenguni, na kwa dhambi hiyo kifo” (Warumi 5:12), inazungumzia hasa Kifo cha Kiroho cha mwanadamu (kutengwa na Mungu) na kuanza kwa uharibifu wa mwili wa mwanadamu aliyeumbwa kwa mfumo wa kuishi milele. Kifo kilicholetwa na dhambi ya Adamu ni kile kilichomnyonga mwanadamu, kiumbe pekee kilichopewa pumzi ya Mungu na utashi.

Dunia Iliyofanywa Upya (Creation/Re-creation): Wasomi wengi wa Maandiko wanaamini kuwa ulimwengu wa kibaolojia uliokuwepo kabla ya mwanadamu (mamilioni ya miaka) ulikuwa chini ya utaratibu wa asili wa kuzaliwa na kufa kwa viumbe visivyo na roho (wanyama na mimea). Adamu alipofanya dhambi, laana haikuishia kwake tu, bali iliharibu mfumo mzima wa mazingira yanayomzunguka mwanadamu (Mwanzo 3:17-18).

Kwahiyo biblia sio kitabu cha stori tu; ni maktaba inayobeba uhusiano wa Mungu na mwanadamu. Ukisoma kwa jicho la kutafuta "makosa ya kimantiki", utaona utata mwingi. Lakini ukisoma kwa jicho la kutafuta Moyo wa Mungu kwa mwanadamu, utagundua kuwa katika ulimwengu huu uliojaa maumivu, Biblia bado ndio dira pekee inayompa mwanadamu matumaini ya uzima wa milele na amani ya ndani inayopita akili zote.
 


Argue against contradiction found on the bible how can two phenomenon happen at once?
 
Sisi Wakatoliki Walei tushaambiwa na tunaamini "The Word of God is Dogma"!
 

Proof creation is real, na dhambi na kila kitu kimeanza kama mwanzo inavyo claim tukianza na Mwanzo 1 na 2 Kuna contradiction kibao zipo pale kwenye order of creation how can we use something that has contradiction as reference to finalize truth?
 
Jerome mwenyewe alikiri kwamba tafsiri ni kazi yenye changamoto, na wakati mwingine alichagua maana aliyodhani ndiyo inayofaa zaidi kimuktadha.

Mfano maarufu ni Isaya 7:14, Kiebrania ‘almah maana yake kimsingi ni msichana/mwanamke kijana, wakati tafsiri ya Kigiriki Septuagint ina parthenos, inayoweza kumaanisha bikira. Jerome katika Vulgata akaandika virgo (bikira). Hapa kuna mjadala wa kiisimu kuhusu kama tafsiri hiyo inawakilisha maana ya asili ya Kiebrania au imefuata mapokeo ya Kigiriki.
 
Andromeda Galaxy said:
Ndiyo maana watu wasioamini kuhusu dini wanazidi kuongezeka
Click to expand...

Nadhani tunapoelekea huko mbele the world itabidilika, my biggest hope is technology tungepata technology ya kuonesha how life was originated see what aliens believe on then we might even change a lot of people's faith. Big up to Soviet Union walitoka kwenye huu ujinga wa kujibu maswali na hivi vitabu na Imani and focused on mechanism yet they changed the world.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…