Ukitafakari vizuri, utaona CHADEMA Iko kwenye mtanziko mwingine.
Tume ya Uchaguzi (INEC), imeshafanya maamuzi kuwa CHADEMA hakitaruhusiwa kushiriki uchaguzi wa mwaka huu na chaguzi ndogo zake. Kutokana na kukataa kushiriki mchakato wa kikanuni ulioanza toka tarehe 1/3/2025 na kuhitimishwa na utiaji Saini kanuni hizo tarehe 12/04.
Haiingii akilini kudhani kuwa Tume inaweza tu kirahisi kufuta maamuzi yake kama CHADEMA inavyojaribu kushinikiza.
Kitakachotokea itabidi CHADEMA kwenda Mahakamani kutafuta tafsiri na kuomba Judicial review. (kwa Maana ajenda ya "kukinukisha" haitawezekana, wasahau hili).
Sasa utajiuliza, kama CHADEMA wakienda Mahakamani, huko sio ni kurudia matapishi yake, maana kilishakataa kufika huko Mahakamani kuhusu uchaguzi huu?
Lakini Mwenyekiti Lissu, alishawatangazia Wana CHADEMA wanao tarajia kugombea mwaka huu wasahau mipango hiyo; alisema: "Tunaenda kuuvuruga uchaguzi huu, kama unatarajia kugombea ubunge sahau, kama unatarajia kugombea udiwani sahau, Mimi mwenyewe nilifikiria uraisi nimesahau".
Katika mazingira hayo chama kitaenda huko Mahakamani kutafuta manufaa gani haswa kichama na kwa hoja zipi kuwa hakikupewa Haki ya ushiriki katika mchakato mzima? Je chama hakitaonekana ni kigeugeu?
Ndio Maana Mwenyekiti wa CHADEMA Kanda ya kati, Mheshimiwa Jingu, amekiri hadharani kuwa Mwenyekiti wao hana washauri wazuri.
MAONI YA WADAU