Usipokuwa makini unaweza kusema hivi "ni kama vile kuna mpango mkakati wa kutenganisha MATABAKA baina ya MATAJIRI, MASKINI, WATAWALA na WATAWALIWA.
NDIPO WALALA HAI NA WALALAHOI KILA MMOJA ATATAMBUA NAFASI YAKE
Soko la Mbaazi la Manji limewaumiza sana wakulima wa Kusini.
Watoto walikuwa wanaenda shule bila bugdha.
Chakula kilikuwa kinapatikana.
Nyumba za kisasa zilikuwa zinajengwa.
Watu walianza kufulahia maisha, ghafla bin vuu, Mbaazi zikakosa soko, wanunuzi wakajitoa, aliyetafuta soko kabanwa huku na huku.
Umasikini ukarudi tena kwa wananchi. Morali ya kilimo ikashuka.
Mimi nasema hivi, hawa matajiri kama wanatuhumiwa jambo fulani basi washughulikiwe kwa staha, nasikia hata huko jera kuna vyumba vya VIP.
Wakulima walianza kuchimba visima vya umwagiliaji kwenye mashamba yao.
Mimi pia nilichimba kisima kimoja kwenye shamba langu tayari kwa kuendesha kilimo cha kisasa na ili nizalishe mbaazi kwa wingi.
Sikuwa na haja na kazi ya mtu, kilimo kilikuwa ajira tosha kabisa kwa kujitodheleza kiuchumi.
Sasa nimerudi tena mjini kubangaiza, mazao mengine hayana soko kabisa, gunia la mahindi ni 20,000/- na linakosa soko vilevile.
Manji yuko mtaani na kipato cha mwananchi kimekufa.
Ndio maana kuna kiongozi mmoja watu wanamchukia sana sana, mwenyewe hajui kwanini anachukiwa hivi, chuki nyingine zinatokana na mambo kama haya ya kutukimbizia wateja wazuri wa mazao yetu.
Viongozi lazima muwe makini, kwa kauli zenu, na maamuzi yenu mnayoyafanya, mengine yana athali kubwa kwa wananchi.
Mwananchi hawezi kumchukia kiongozi bila sababu, kwani nchi hii chuki za ukabila, udini, ukanda hazipo.
Mambo mengine ni bora kuyachukulia kirahisi kwa mustakabari wa kuinua uchumi wa taifa au mtu mmoja mmoja.
Ona Raisi wetu mpendwa alivyoamua kuwaacha Wamachinga kuuza biashara zao maeneo mengi sana ambayo mengine ni karibu na barabara na kusababisha kero kwa usafiri wa magari , pikipiki na watembea kwa miguu.
Ingawa kuna kero lakini wamachinga wamepata fulsa ya kujiinua kiuchumi.
Kama ni hivyo, Manji angeshughulikiwa kwa staha, ili wanachi wengi tunao nufaika na biashara zake tuendelee kunufaika.
Wamachinga na Wakulima wote ni raia wa Tanzania na wanastahili kulindwa kwa kila kinacho waingizia kipato, bila kujari sana hasara nyepesi ya upande mwingine.
Hawa matajiri ni hazina ya nchi na wanachi wake.
Bila matajiri hakuna maendeleo, dunia yote ina waheshimu na kuwalinda kwa hali na mali, kama wamehalibu mahali basi wanachukuliwa kwa uzito wa kipekee wasije yumbisha uchumi kama uchumi wa wakulima wa Mbaazi.
Viongozi kuweni makini na maamuzi yenu, hatima ya mwananchi ipo mikononi mwenu.
Kwa sasa tunamuhitaji sana MO.