Mie nimekulia katika familia ambayo dada wa kazi ni mtoto wa nyumbani, kazi anashirikiana na dada zangu, tofauti kubwa tu ye mwisho wa mwezi anakunja chake anaweka mfukoni.
mimi pia! hatujawahi kuwabagua hawa watu wametulea na wameolewa mikononi mwa wazazi wetu!
Hahaahahaa boss mwema! sisi huku mdada unamkatia flight ukitaka kuondoka humuachi nyuma! ndio upendo lakini sio kila mtu anaweza hizo habari ndiomaana mishahara inazidiana!
Uzuri sheria ya kulinda hadhi ya wasaidiz wa kazi za nyumbani inakuja.
Kila la kheri kwao!
Mwezi huu, binti wa kazi ambae yupo na bimkubwa anaolewa... wapo mabinti na dini walibadilishia kwangu.
Hayo ni matokeo tu ya kuishi na watoto wa watu vizuri! kuna wengi tu wanafanya kwenye mishahara mikubwa na wanarudi kawaida tu hawana connection nzuri na hao watu!
Kazi ya Housegirls kwa mfumo wa inavyofanyika Tanzania popote pale duniani ni utumwa tu, ni kazi mtu anafanya asife njaa tu baada ya kukosa au kushindwa kazi nyingine zote. Ni kazi ambayo hata mtu kujiendeleza ni vigumu sana.
Tatizo kubwa Tanzania uchumi wa raia mdogo sana kwa hiyo hata muda wa mtu hauthaminiwi sana pia kihivyo.
Hao wafanyakazi wangepata pesa ya maana kama kwa siku wangekuwa wanafanya kazi angalau nyumba mbili badala ya kukaa nyumba moja tu ambapo kwa siku unakuta muda mwingi yupo tu wala hafanyi kazi yoyote. Ilitakiwa wapange kwao, anaingia nyumba moja asubuhi mpaka mchana laki tatu kwa mwezi, akitoka mchana anaenda nyumba nyingine mpaka jioni laki tatu kwa mwezi, Jumapili hakuna kufanya kazi. Hiyo ni laki sita kwa mwezi huku akiishi kama mtu huru kabisa anayeweza kujitegemea na kujiendeleza.
Shida Kubwa ni uchumi mkuu,,hicho ulicho andika hapa ni nchi za ulaya ndo wana uchumi wa hivyo..unakuta wasaidizi wa kazi wanalipwa kwa masaa,hivyo anaweza kufanya hata nyumba 4 kwa siku. Ndo maana watu wanapambana wazamie canada,tatizo ni visa tu.
Akilipwa laki mbili kwa masaa manne ya kazi kwa siku huku anajitegemea kila kitu sio mbaya sana, tena itamfanya afikirie na mambo mengine ya kufanya kama kushona, kusuka n.k. Sio unamlipa laki mbili akufanyie kazi siku nzima masaa nane.
Una comment kama huna akili timamu vile,,wewe ni mgeni hapa Tanzania ama unajizima data??
Ila pia pamoja na uchumi wetu mdogo nafikiri Waafrika sisi ni wagumu sana kujiongeza, kuna nyumba unakuta Housegirl saa tano tu kashamaliza kazi zote. Unakuta huyo housegirl anashinda siku nzima kwenye nyumba amejikalia tu anapiga umbea na kuangalia TV mpaka jioni tena ndio apike, sasa kwa nini asingekuwa na kwake ili afanye kazi mpaka mchana tu huo muda unaobaki hata akatembeze uji au size genge la mboga aongeze kipato chake!
300k akifanya kazi kuanzia saa moja asubuhi mpaka saa saba mchana tu sio mbaya, anaenda kwake kujipikia mchana na kufanya mambo yake mengine.
Wewe una comment bila kutafakari uhalisia wa maisha ya Mtanzania,unasahau kwamba watu wanahitaji wadada kwa ajili ya kuwasaidia majukumu ya kubaki na watoto wadogo na wazazi wakiwa kazini siyo kupika pekee.
Kazi za nyumbani zinaisha saa 7 mchana?
Kama unataka dada wa kulea watoto wako inabidi umlipe pesa nyingi zaidi kuliko anayefanya usafi na kupika tu. Tatizo housegirls wengi hawana elimu ya kujadiliana( bargain) malipo yao au wamejikatia tamaa (wako desperate).
Kama unataka mtu wa kumuagiza muda wote na kulea watoto wako kumlipa laki moja kwa mwezi ni utumwa mamboleo, hata kwa hiko kisingizio sijui cha analala na kula kwako. Huyo sio sawa na mtoto wako, mwisho wa siku na yeye anapaswa kuwa na maisha yake ya maana.