Mohamed Said
Unajua unavyotoa historia za hawa wazee mimi huwa nakuwa mkiwa sana kutokana na baadhi ya hawa wazee nimewaona.
Hivi Mwalimu Nyerere alipokuwa rais alikuwa anamtembelea Bi Mluguru Kariakoo.
Najua kipindi hicho Abdulwahid Sykes alikuwa ameishafariki.
Shariff Ritz,
Wamesema wahenga.
Tenda wema nenda zako usingoje shukurani.
Historia ya Nyerere na wazee wetu inahitaji siku nzima kuihadithia.
Ndiyo hivi leo tuko hapa tunabishana kwa jambo ambalo halistahili
kuwa hivyo.
Kuwa anatajwa Mzee Mshume watu wanamdhihaki.
Anatajwa Abdu Sykes anakataliwa kuwa yeye siye aliyeasisi TANU.
Huu ndiyo ukweli unaotukabili.
Ila tushukuru kuwa tumeeleza historia ya wazee wetu na haitoweza
kupotea kamwe.
Kwa hakika ukitazama sana unaweza kusema hali ya mambo katika
TANU
ilianza kuchafuka baada ya Mkutano wa Tabora wa 1958 uliopitisha
Kura Tatu.
Kufikia hapo TANU ikawa inanguvu sana na uhuru ulikuwa upo karibu
sana.
Ndani ya TANU ukaingia uongozi mpya na taratibu wazee wetu kwa
haraka sana wakaanza kupoteza nguvu zao ndani ya chama.
Uhuru ulipofika ikawa hata ule mwaliko waliopewa wazee wetu kwenda
kuhudhuriasherehe za uhuru wao nafasi yao walipangiwa kwenye majani
siyo jukwaani ''main stand'' wakae na Nyerere.
Pale jukwaani walikuwa viongozi wapya.
Ndipo pale Mzee Haidari Mwinyimvua aliposema kuwa ile ndiyo siku kwa
masikitiko nilipomkumbuka Sheikh Suleiman Takadir alipotuambia kuwa,
''Ndugu zangu Insha Allah iko siku mtakuja kuikumbuka.''
Ilipofika mwaka 1963 Nyerere akavunja Baraza la Wazee wa TANU rasmi.
Wazee wetu wakarudi majumbani kwao na mmoja baada ya mmoja wakawa
wanakufa kimya kimya mpaka wote wakaisha.
Ama kisa cha Nyerere na rafiki yake Abdulwahid Sykes hiki ni kisa kirefu na
kinamuhusu na mama yake Bi. Mluguru biti Mussa.
Nadhani tumalizie hapa ikiwa utaona unahitaji zaidi Insha Allah tutazungumza
lakini nadhani haya niliyoeleza yanaeleza mambo yalivyokuja kugeuka baada ya
uhuru kupatikana mwaka 1961.
