Raia wa palestina wasiopungua 30 wameripotiwa kuuawa na wengine kujeruhiwa katika mashambulizi ya anga ya Israel katika Ukanda wa Gaza, ikiwa ni mashambulizi makubwa zaidi tangu kuanza kwa makubaliano ya kusitisha mapigano na Hamas Januari 19.
Luteni Jenerali wa Marekani Alexus Grynkewich amesema mashambulizi ya Marekani dhidi ya Yemen yamesababisha vifo vya wapiganaji kadhaa wa Houthi. Shirika la Umoja wa Mataifa la kuhudumia watoto, UNICEF, limesema watoto wawili, wenye umri wa miaka sita na minane ni miongoni mwa waliofariki.
Waziri wa Israel aonya 'milango ya kuzimu' itafunguliwa Gaza Vyombo vya habari vya Israel vimeripoti kuwa Waziri wa Ulinzi wa nchi hiyo, Israel Katz, amesema milango ya kuzimu itafunguliwa Gaza ikiwa Hamas haitawaachia huru mateka wote ambao bado wanashikiliwa katika ardhi ya Palestina.
View attachment 3274605
Israel itaanzisha vikosi dhidi ya Hamas ambavyo "hawajawahi kuvijua hapo awali", waziri huyo anaripotiwa kusema.
Ofisi ya Waziri Mkuu wa Israel imesema Israel imeanza tena operesheni za kijeshi katika Ukanda wa Gaza baada ya Hamas kukataa pendekezo la Marekani la kuongeza muda wa usitishaji mapigano, kwa mujibu wa mwandishi wa habari wa Axios Barak Ravid.
Israel na Hamas zimekuwa zikishiriki katika mazungumzo ya upatanishi baada ya Israel kukataa kuingia katika awamu ya pili ya makubaliano ya kusitisha mapigano, ambayo yalikusudiwa kuanza kufuatia awamu ya kwanza, ambayo ilidumu kwa wiki sita.