Jaji John Ruhangisa: Wabunge wanapoongea bungeni, wanayoyaongea ni kweli wametumwa na wananchi?

[tucker carlson]

Yaani kwa alichokisema huyu baba kwenye hii video na kinachoendelea ni kwamba TANZANIA HATUNA BUNGE

-----------------------------------

Aliyekuwa Jaji wa Mahakama Kuu ya Tanzania, Prof. John Ruhangisa, amesisitiza kuwa ni wajibu wa kisheria na kikatiba kwa wabunge kurudi kwa wananchi waliowatuma ili kushauriana nao kabla ya kuchangia au kupitisha sheria bungeni.

Akizungumza huku akionyesha kijitabu cha Katiba, Prof. Ruhangisa amefafanua kuwa mbunge hasimami bungeni kwa ajili ya mawazo yake binafsi, bali anawakilisha sauti na matakwa ya wananchi wa jimbo lake.

"Kuingia bungeni lazima uwe unaridhia ya wananchi, ili utakaposimama kusema, liwe kweli. Na kiuhalisia, wabunge wanatakiwa ku-consult, wanatakiwa kurejea kwenda kule kwa wananchi:

'Jamani, ninyi wananchi mlioruhusu mliolituma bungeni, kuna sheria hii na hii na hii inataka kufanya hivi na hivi, mnasemaje? Maoni yenu ni yapi?' Ili mimi nikienda kule, niongee mawazo yenu, kwa sababu hamtakuwa ninyi nyote ila mimi nitakuwepo kwa niaba yenu

Hapo sasa, swali lipo. Ndio utakalojiuliza wewe, je, wabunge wanaposimama kuongeea bungeni, wanakuwa kweli wametumwa waliyoyawaongea? Wanaoyofanya ni jambo moja, waliyotumwa au kwa mujibu wa sheria ni jambo jingine.

Wawe hawafanyi lakini wajibu ni huo, lazima wawe wanaridhia ya watu. Huwezi ukaongeea mambo ambayo hujawa-consult watu. Je, kama uliyoongea sio wanayotaka? Na wao hawana fursa ya kwenda pale, unakuwa umewa... sariti"

 

[Herbert Nkuluzi]

Kashuri vema kabisa

 

[Ngwathra]

Angeenda hatua moja zaidi tunacontrol vipi? Ashauri na metrics za kupima na hatua za kuwajibisha wanaotufanyia usanii!

Ubonge wanajichukulia au kupewa na mamaduro, wanaongea yao ya matumbo yao na kujidai tumewatuma, mamaduro anawapa wanaomsifia zaidi, sisi kenge tufanyeje? Tukisema pia tunatekwa na wengine kupigwa shaba, huyu baba mstaafu anashaurije? Au anaogopa pia, si hana cha kupoteza?

 

[Yoda]

Ni vigumu wabunge ambao hawajawachuguliwa na wananchi kuongea mambo ya wananchi.

Tatizo tunajitoa ufahamu kwamba hawa wabunge wamechaguliwa na wananchi na wana ridhaa ya wananchi kitu ambacho sio kweli. Hawa ni wabunge waliopachikwa na chama na wataongea zaidi maslahi ya chama chao.

 

[Mnama]

Wengi huongea ya kwao na sio ya wananchi...

 

[Tanganian]

Kwanza , wabunge wanaishin Dodoma na Dar. Pale bungni wanaongea yao , ukienda ofisi ya mbunge unakuta imefungwa

 

[UHURU JR]

Ni vigumu wabunge ambao hawajawachuguliwa na wananchi kuongea mambo ya wananchi.

Tatizo tunajitoa ufahamu kwamba hawa wabunge wamechaguliwa na wananchi na wana ridhaa ya wananchi kitu ambacho sio kweli. Hawa ni wabunge waliopachikwa na chama na wataongea zaidi maslahi ya chama chao.

Ila mkuu hawalipwi na chama kule bungeni hivyo hatuwezi kuwapotezea tu.

 

[Ntu Mpyaaa]

Huyu mheshimiwa akili hizi alikua nazo tokea zamani!! au amezipata baada ya kustaafu?

 

[Kimwakaleli]

Ni vigumu wabunge ambao hawajawachuguliwa na wananchi kuongea mambo ya wananchi.

Tatizo tunajitoa ufahamu kwamba hawa wabunge wamechaguliwa na wananchi na wana ridhaa ya wananchi kitu ambacho sio kweli. Hawa ni wabunge waliopachikwa na chama na wataongea zaidi maslahi ya chama chao.

Wanaongea ya kwao,mfano ni huu wa kuijadili Marekani,hatukuwatuma!

 

[Ukwelimtupu00]

"Wabunge" waliowekwa kwa idhini ya samia badala ya kuchaguliwa wanaanzaje ku-consult wananchi