Jamani hebu tujadiliane, Mama Samia alianza vizuri sana katika utawala wake-what happenned?

Mukuu wewe imeandika maneno muhimu kabisa.
Lakini kwa sasa hivi perception ya maendeleo ni corruption first, na nani anafaidika na maendeleo hayo.
 

Mkuu, hoja yako ni ya msingi sana na inatafakarisha wengi. Ni kweli kabisa kwamba baada ya kifo cha JPM nchi ilipata unafuu wa kisiasa na kiuchumi, na falsafa ya 4R ya Rais Samia Suluhu Hassan (Reconciliation, Resilience, Reforms, and Rebuilding) ilileta matumaini mapya ya mabadiliko ya kimfumo nchini.
Swali la msingi ni: Kumetokea nini katikati ya safari hadi mwelekeo uonekane kubadilika?
Uchambuzi wa kina wa masuala ya kisiasa unaonesha kuwa kinachotokea si jambo la bahati mbaya. Haya ni matokeo ya kile kinachoitwa "Siasa za Kujilinda" (Political Survival) na nguvu ya mfumo wa chama dola kujihami. Tunaweza kugawanya muktadha huu katika mambo makuu manne (4):

1. Hofu ya Uchaguzi na Kasi ya Upinzani
Wakati Rais Samia anaingia madarakani mwaka 2021, alionyesha nia ya dhati ya kufungua uwanja wa kisiasa (political space). Aliruhusu mikutano ya hadhara na kuweka mazingira ya maridhiano na vyama vya upinzani. Lengo lilikuwa ni kuiponesha nchi. Hata hivyo, kadiri mlolongo wa chaguzi (Chaguzi za Serikali za Mitaa na Uchaguzi Mkuu wa 2025) ulivyokaribia, maslahi ya kubaki madarakani yalichukua mkondo wake. Kasi na nguvu kubwa iliyoonyeshwa na upinzani (hasa CHADEMA) kwenye mikutano ya hadhara ilitishia ustawi wa chama tawala. Ili kulinda ushindi na mamlaka ya dola, mfumo ulilazimika kurudi kwenye mbinu zake za asili za kudhibiti upinzani.

2. Mapambano ya Makundi Ndani ya CCM (Internal Factions)
Rais Samia aliingia madarakani kwa mujibu wa Katiba na si kwa kupigiwa kura moja kwa moja na wananchi kama mgombea urais. Hali hii ilimfanya akumbane na changamoto ya uhalali (legitimacy) kutoka kwa makundi yenye nguvu ndani ya CCM, hususan wale wenye msimamo mkali wa zama zilizopita (Magufulists). Ili kudhibitisha kuwa yeye ni kiongozi madhubuti anayeweza kukilinda chama kisipoteze dola, alilazimika kuwaridhisha wahafidhina hao. Mabadiliko ya safu za uongozi na kurudishwa kwa makada wenye misimamo mikali serikalini kulilenga kuimarisha udhibiti wake ndani ya chama.

3. Shinikizo la Mikataba ya Kimkakati na Ukosoaji wa Kijamii
Ujio wa miradi na mikataba mikubwa ya kiuchumi—kama ule wa uwekezaji wa bandari kupitia DP World—ulileta mtikiso mkubwa wa kisiasa. Uhuru wa kujieleza aliouleta mwanzoni uliwapa nguvu wanaharakati, viongozi wa dini, na wanasiasa kuikosoa serikali waziwazi. Serikali ilipoona kuwa ukosoaji huo unahatarisha miradi ya kimkakati na taswira ya utawala wake, iliamua kuchukua hatua za kimabavu, ikiwa ni pamoja na kuzuia maandamano na kuwakamata wakosoaji ili kurejesha udhibiti.

4. Ulaghai wa Kisiasa na "Political Hangover" ya Wananchi
Kipengele hiki kinaibua mtazamo mwingine mchungu lakini wa kimkakati zaidi. Inawezekana kabisa kwamba tabia na mfumo wa Rais Samia haujawahi kubadilika, bali wananchi ndio waliokuwa kwenye "hangover" ya kisiasa na kudanganyika kirahisi (fooled). Wakati akiwa Makamu wa Rais, alilazimika kucheza nafasi yake kwa unyenyekevu na upole kutokana na ukali wa utawala wa awamu ya tano. Hali hiyo iliwajenga wananchi kuamini kuwa yeye ni kiongozi wa kijamii na kidemokrasia (soft leader).
Hata hivyo, baada ya kushika hatamu kamili za ukamilifu wa mamlaka ya urais, sura yake halisi na asili ya chama dola imefichuka. Tulipokaushwa kiu kwa muda mrefu, kila hatua ndogo ya uhuru tuliona kama mapinduzi makubwa, tukasahau kuwa misingi ya sheria zetu, Katiba yetu, na vyombo vyetu vya usalama bado vimeundwa kulinda dola na si kukuza demokrasia ya ushindani.
Hitimisho:
Mabadiliko tunayoshuhudia sasa si kwamba Rais "amepoteza nia njema," bali ni kwamba uhalisia wa kulinda kiti cha Urais na kulinda chama dola (CCM) umeshinda nadharia na falsafa za 4R. Ni dhihirisho kuwa huwezi kupanda mbegu ya demokrasia ya kweli kwenye udongo wa kimfumo unaotaka ushindi wa asilimia 100 kwa gharama yoyote.
 
Kama ile kauli inayosema pata pesa tujue tabia yako basi Kuna hii pia ya pata madaraka tuijue tabia yako, madaraka yalivyomkolea hakuweza tena kuficha uhalisia wake, ndiyo kilichotokea
 
Ndugu yangu veve naongea maneno mazito.
Tunashangaa hata CCM inamzodoa mzee Warioba, back bone ya hata mapendekezo ya Katiba Mpya.
 
Hanaga aibu,hanaga uoga, ni mwizi! Ni muongo kumbuka 4R zake!
 
Huu ni mjadala mzuri, kwa vile ni rais wetu, ndie mkubwa wetu, kuna watu kwa ajili ya kumheshimu sana, wataona kumjadili bosi wako sio heshima, watu hao watakuwa ni hawaijui katiba ya TZ, kwa mujibu wa katiba yetu, the big boss ni mwananchi, ndie mwenye nchi na mwenye katiba, rais wa JMT ni mtumishi wetu, mwananchi ndie mwajiri wake, aliyemuajiri kwa kura yake na kumlipa mshahara kwa kodi yetu, hivyo sisi ni mabosi wake tuna haki kumjadili. Hii kazi akina sisi tuliisha ianza

Ili kuisaidia nchi na kumsaidia Rais Samia, je tumfanyie an honest MTR based on SMART Objectives za tulipotoka, tulipo to determine tunapokwenda?​

P
 
Nakubaliana percent mia kwa mia!
Lakini aliwa yeye boss, kifanya mbaya inakuwaje sasa!
 
amekopy kutoka kwa Jakaya na John walianza kwa kuwapa watu matumain baadae ikawa maumivu mbere kwa mbere
 
Hakuanza vizuri.

Kulikuwa na usanii wa maigizo fulani unafanyika ili ajiimarishe katika power, power consolidation.

Kumbuka interview ya General Mabeyo alivyosema kuna watu hawakutaka Samia awe Rais, Mabeyo na jeshi wakasimamia katiba. Kwa hiyo mwanzoni Samia alihitaji kuungwa mkono na watu wengi ili ajiimarishe kwenye position yake.

Ila Watanzania wengi hawajui tofauti ya hayo mambo mawili, kiongozi kufanya vizuri, na kiongozi kucheza mchezo kuonekana anaanza vizuri ili apate muda wa kufanya power consolidation.

Ndiyo maana hata Polepole Watanzania hawa wengi wamemuona kama shujaa mtetezi wao, wakati Polepole alikuwa anapigania kundi lake ndani ya CCM kumtoa Samia tu.

Ni vile Watanzania walikuwa desperate kuona mabadiliko tu, wakaanza kumuwekea matumaini kwamba atakuwa bora, kama mateka waliobadilishiwa mlinzi wanavyoanza kumuangalia mlinzi mpya kuwa huyu anatabasamu tabasamu labda atakuwa mzuri zaidi.

Wakisahau kuwa wao bado ni mateka wamefungiwa. Na huyo bado ni mlinzi, mtesi wao tu. Alijifanya anatabasamu tabasamu ili kusoma mazingira vizuri na kujiimarisha katika position yake.

Ukirejea kauli za Tundu Lissu za wakati huo, ingawa alikuwa anaonesha matumaini kidogo, utaona alionya kuhusu watu kujisahau sana na kuona Samia ndiye jibu la matatizo yetu.
 
Sasa hivi anaelekea kuwa the worst!
 
..kosa lake ni kuachana na 4R na kurudisha siasa za kikatili za mtangulizi wake.

..hivi kwa mfano, Mzee Mwinyi angeendeleza misimamo ya migumu ya kiuchumi ya Mwalimu Nyerere, nchi ingekuwa wapi? Wananchi wangemuelewa?

..kila Rais anapoingia wananchi humtarajia atutue tatizo linaloisibu nchi kwa wakati husika. Rais au kiongozi yoyote hatarajiwi apewe kiti halafu mambo yaharibike kuliko alivyoyakuta.

..wananchi walitaka na walitarajia Mama Samia atakomesha ukatili wa dola, na sio kuuzidisha.
 
Hii hali kuna watu waliita, "The realities of governing"

Uhalisia na uongozi na fikra kuhusu uongozi huwa haviko sawa.

Sidhani kama kuna Rais aliyeingia madarakani huku Watanzania wakiwa na matumaini mengi kuliko JK

Hata Magufuli alivyoingia watu walisema sasa tumepata Rais

Obama aliingia madarakani akiwa na ndoto za kufunga Guantanamo, mpaka leo ipo.

The Realities of Governing, ndio zinawafanya wabadilike, wanafika juu pale halafu wanagundua hawana nguvu kihivyo, kwamba ili mambo yaende wanawahitaji watu, mara nyingine hao watu ni wa hovyo etc etc
 

..hoja yako ni nzuri sana.

..lakini pamoja na uliyoyasema kiongozi hapaswi kukuta tatizo fulani halafu akafanya maamuzi yanayopelekea hali kuwa mbaya kuliko alivyoikuta.

..Kwa mfano Mzee Mwinyi hakupaswa kufanya maamuzi ambayo yangepelekea hali ya uchumi ya Tanzania kuwa mbaya kuliko wakati anapokea uongozi toka kwa Mwalimu Nyerere.

..Vivyo hivyo kwa Samia Suluhu. Haikutarajiwa kwamba atasababisha madhara na mauaji makubwa kuliko kipindi cha Magufuli. Wananchi walitarajia Mama atakomesha utekaji, utesaji, na mauaji, na sio kuzidisha udhalimu huo.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…