Jina la Sabaya lasimamisha kesi kwa muda

Mabishano makali ya kisheria yameibuka baina ya mawakili wa serikali na upande wa utetezi katika kesi ya unyang'anyi wa kutumia silaha inayomkabili aliyekuwa mkuu wa wilaya ya Hai Lengai Ole sabaya na wenzake wawili,baada ya upande wa jamhuri kuiomba mahakama kufanya marekebisho jina la mshtakiwa namba moja Lengai Ole Sabaya lililokuwa limeandikwa Lengai ole Sayaba .

Katika hati ya mashtaka aliyosomewa mshtakiwa sabaya na wenzake Julai 16 mwaka huu jina la Lengai ole Sabaya liliandikwa Lengai ole Sayaba na hivyo wakili mwandamizi wa serikali Abdalah Chavula aliiomba mahakama kufanya marekebisho kwenye hati ya mashtaka.

Wakili wa serikali Abdallah Chavula alieleza kuwa kilichotokea ni makosa ya kiuandishi Lakini mshtakiwa ni Lengai Ole Sabaya na si Lengai ola Sayaba kama hati inavyoonesha

Wakili Chavula aliiomba mahakama kupitia kifungu cha sheria namba 234 Kifungu kidogo cha kwanza cha makosa ya jinai ya mwaka 2019 Sura ya 20 .

Naye wakili mkuu wa serikali Tumaini Kweka aliieleza mahakama kuwa maombi yao yana mashiko na kwa sababu suala hilo liko ndani ya mamlaka ya mahakama kisheria hivyo, wanaomba mahakama iruhusu ombi hilo na kupewa ruhusa ya marekebisho hayo.

Wakili wa upande wa utetezi Mosses Mahuna alipinga ombi hilo na kuieleza mahakama hiyo kwamba upande wa serikali ulipaswa kuleta hoja hiyo mapema wakati shauri hilo likianza kusikilizwa .

Wakili Mahuna alieleza kuwa mshtakiwa Lengai ole Sabaya alisomewa mashtaka na kukutwa na kesi ya kujibu na baadaye mashahidi 11 wa upande wa mashtaka kufunga ushahidi wao na mshtakiwa kuanza kujitetea in chief lakini upande wanjamhuri hawakuwahi kueleza mapungufu hayo.

Wakili Mahuna alidai kuwa hawapingi mshtakiwa namba moja Lengai Ole sabaya ila wanampinga mshtakiwa aliyeletwa katika hati ya mashtaka ambaye ni Lengai Ole Sayaba.

Hata hivyo Mara baada ya majibizano hayo hakimu mkazi mwandamizi Adira Amworo wa mahakama ya hakimu mkazi Arusha,aliahirisha shauri hilo kwa muda na baadaye alitoa uamuzi wa kutupa pingamizi hilo lililowekwa na upande wa utetezi.

Hakimu Amworo alieleza kwamba kwakuwa majina ya mshtakiwa wa kwanza yalisomwa sawa haiwezi kuathiri mwenendo wa kesi hiyo,hivyo maombi ya Kurekebisha majina kwenye hati ya mashtaka yamekubaliwa.

Washtakiwa kwa pamoja walisomewa upya mashtaka yao wakituhumiwa kutenda makosa matatu likiwemo la unyang'anyi wa kutumia silaha na kupora mali na fedha ambapo wote walikana mashtaka.

Katika kesi hiyo Sabaya na wenzake, Silvester Nyegu na Daniel Mbura wanashitakiwa kwa kosa la unyang'anyi wa kutumia silaha na kujipatia fedha kiasi cha Sh2.7 milioni mali ya Mohamed Saad.

Kosa la pili ni wizi wa kutumia silaha ambapo Sabaya na wenzake wawili wanatuhumiwa kuiba fedha Sh390,000 mali ya Bakari Msangi, ambaye ni Diwani wa Kata ya Sombetini jijini Arusha.

Kosa lingine Sabaya na wenzake wanatuhumiwa kuiba Sh35,000 pamoja na simu ya mkononi aina ya Tecno mali ya Ramadhani Rashid, ambaye inadaiwa walimtishia kwa silaha kisha kumfunga pingu.

Kesi hiyo inaendelea kwa upande wa sabaya kuhojiwa







 
mshale21 said:
Kukosewa kwa jina la tatu la mshitakiwa wa kwanza katika kesi ya unyang’anyi wa kutumia silaha Lengai Ole Sabaya, kumesababisha malumbano ya kisheria na kuahirishwa kesi kwa muda...
Click to expand...
Nyie endeleeni na usaliti wenu. Mtamhukumu sabaya ila mjue ccm mnapoteza imani na umma wa wananchi. Huyo kweka kwa upande wa serikali kwanza hatuna imani naye...
 

Mawakili wa utetezi ni "smart". Baada ya Serikali kufunga mashtaka ya Sayaba, Mawakili wa Utetezi walimruhusu mteja wao Sabaya ajibu hayo mashtaka ili wawape nafasi ya kuhojiwa na waendesha mashtaka. Naamini hapo ndipo Mawakili wa utetezi walipowastua waendesha mashtaka mshtakiwa ni Sabaya siyo Sayaba.

Ngoma inogile ila ni mchezo mchafu wa kesi ya kubambika
 
blackcornshman said:
Sayaba lazima atafutwe na Sabaya lazima awe huru.
Click to expand...
Kimsingi wa sheria Sabaya ataachiwa huru. Kama ana mashtaka atakamatwa na kushtakiwa upya. Kitakachofuata kinafirikisha. Je, wataanza kesi upya au mwendelezo wa kesi ya Sayaba?
 
Uzembe mkubwa sana, vitu sensitive kama hivi mtu anatakiwa apitie hati mara mbilimbili kujiridhisha isije akasababisha mshtakiwa akakurupuka wao wanaleta utoto
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…