Nijibu kwanza swali langu kabla hujaniuliza swali.
Mungu mjuzi wa yote, mwenye uwezo wote na upendo wote, uwepo wake unapingwa na hali halisi ya ulimwengu huu tunaoishi.
Ukitumia logic, utajua kwamba, baba mwenye uwezo, ujuzi na upendo, akiwa anajenga nyumba ya kuishi watoto wake, anaijenga nyumba iwe salama kwa kadiri ya uwezo wake.
Haitegeshei mabomu na mitego ya mishale ili watoto wake walipukiwe na mabomu wafe.
Sasa, imekuwaje Mungu mwenye uwezo wote, ujuzi wote na upendo wote aumbe ulimwengu ambao mabaya, njaa, matetemeko ya ardhi, vifo, magonjwa, vita, na dhiki nyingi zinawezekana kuwepo, wakati aliweza kuumba ulimwengu ambao mabaya hayo yote hayawezekani kuwepo?
Jibu moja ambalo napewa mara nyingi ni kwamba, Mungu hakuumba mabaya, ila mabaya hayo yameletwa na uasi/ shetani.
Jibu hili haliridhishi. Kwa kweli ni jibu la mtu ambaye hajaelewa swali.
Mimi nauliza, Mungu, alipokuwa anaumba ulimwengu, alishindwa kuumba ulimwengu ambao uasi hauwezekani kuwapo, shetani hawezi kuwapo na mabaya hayawezekani kuwapo, hata kufikirika tu?
Halafu mtu ananijibu kwamba mabaya yametokana na uasi.
Siyo tu hajajibu swali, hata kuelewa hajaelewa swali.
Sasa na wewe nakuuliza, kwa nini Mungu mjuzi wa yote, mwenye uwezo wote na upendo wote kaumba ulimwengu ambao mabaya yanaweza kuwepo, popote, muda wowote, kwa sababu yoyote?