The Supreme Conqueror
JF-Expert Member
- Feb 13, 2017
- 609
- 1,584
Mahakama Kuu ya Tanzania, Masjala ndogo ya Dar es Salaam, leo Jumatatu (29.09.2025) imetoa uamuzi mdogo katika kesi namba 8322/2025 iliyofunguliwa na aliyewahi kuwa Makamu Mwenyekiti wa CHADEMA Zanzibar, Said Issa Mohamed na wenzake wawili dhidi ya Bodi ya Wadhamini na Katibu Mkuu wa chama hicho.
Waleta maombi walikuwa wameiomba Mahakama kuamuru wapatiwe nyaraka mbalimbali za chama hicho kuanzia mwaka 2019 hadi 2024, ikiwemo muhtasari na ajenda za vikao vya Bodi ya Wadhamini na Kamati Kuu, pamoja na taarifa za mali na fedha za chama. Walidai kuwa nyaraka hizo zitawasaidia kuendeleza hoja zao katika kesi ya msingi.
Upande wa CHADEMA kupitia mawakili wake ulipinga ombi hilo, ukidai kuwa Said Issa hakuwa na uhalali wa kuwasilisha maombi hayo kwa kuwa hana tena nafasi ya uongozi ndani ya chama, na kwamba nyaraka alizoziomba tayari anazijua kutokana na nafasi yake ya uongozi wa muda mrefu.
Hata hivyo, Jaji Hamidu Mwanga ameridhia sehemu ya maombi hayo. Ameamuru CHADEMA kuwasilisha tamko la mali za chama, taarifa za fedha za Benki ya NBC pamoja na ripoti za Mdhibiti na Mkaguzi Mkuu wa Hesabu za Serikali (CAG) kwa kipindi cha miaka mitano, kuanzia 2019 hadi 2024. Mahakama imekataa maombi ya nyaraka nyingine, ikisema hayakuainishwa kwa ufasaha na kwamba baadhi ya taarifa za vikao haziwezi kuwekwa hadharani.
Kwa mujibu wa uamuzi huo, Chadema imetakiwa kuwasilisha nyaraka hizo ndani ya siku 14, huku waleta maombi wakipewa siku 9 za kuzichambua kabla ya kesi ya msingi kuendelea Oktoba 30, 2025.
Katika kesi hiyo ya msingi, Said Issa na wenzake wanaituhumu Chadema kwa kutenga Zanzibar katika shughuli zake, kutokuwepo kwa usawa kwenye mgawanyo wa mali na fedha, pamoja na kutoa kauli zinazodaiwa kuchochea udini na ubaguzi wa kijinsia.
Waleta maombi walikuwa wameiomba Mahakama kuamuru wapatiwe nyaraka mbalimbali za chama hicho kuanzia mwaka 2019 hadi 2024, ikiwemo muhtasari na ajenda za vikao vya Bodi ya Wadhamini na Kamati Kuu, pamoja na taarifa za mali na fedha za chama. Walidai kuwa nyaraka hizo zitawasaidia kuendeleza hoja zao katika kesi ya msingi.
Upande wa CHADEMA kupitia mawakili wake ulipinga ombi hilo, ukidai kuwa Said Issa hakuwa na uhalali wa kuwasilisha maombi hayo kwa kuwa hana tena nafasi ya uongozi ndani ya chama, na kwamba nyaraka alizoziomba tayari anazijua kutokana na nafasi yake ya uongozi wa muda mrefu.
Hata hivyo, Jaji Hamidu Mwanga ameridhia sehemu ya maombi hayo. Ameamuru CHADEMA kuwasilisha tamko la mali za chama, taarifa za fedha za Benki ya NBC pamoja na ripoti za Mdhibiti na Mkaguzi Mkuu wa Hesabu za Serikali (CAG) kwa kipindi cha miaka mitano, kuanzia 2019 hadi 2024. Mahakama imekataa maombi ya nyaraka nyingine, ikisema hayakuainishwa kwa ufasaha na kwamba baadhi ya taarifa za vikao haziwezi kuwekwa hadharani.
Kwa mujibu wa uamuzi huo, Chadema imetakiwa kuwasilisha nyaraka hizo ndani ya siku 14, huku waleta maombi wakipewa siku 9 za kuzichambua kabla ya kesi ya msingi kuendelea Oktoba 30, 2025.
Katika kesi hiyo ya msingi, Said Issa na wenzake wanaituhumu Chadema kwa kutenga Zanzibar katika shughuli zake, kutokuwepo kwa usawa kwenye mgawanyo wa mali na fedha, pamoja na kutoa kauli zinazodaiwa kuchochea udini na ubaguzi wa kijinsia.
