Hao maaskofu wanasiasa kuna namna ya kushughulika nao..kanisa haliizidi serikali maana hata andiko limetoa maelekezo kwa waamini kutii mamlaka sio mamlaka kunyenyekea kanisa..
Unapotosha.
Hilo neno limeandikwa wapi kama sio kwanye vitabu vya dini?
Kwa nini mnatumia hilo andiko moja tu wakati mengine kama haki ,hekima, na kumtii Mungu mnayakwepa?
Vitabu vya dini vimeelekeza kutendea wengine kama ambavyo kila mtu angependa yeye atendewe.
Je, mnatenda mema kwa wenzenu kama ambavyo mngependa nanyi siku mkiwa nje ya madaraka mngetaka mtendewe?
Kutii Mamlaka ni neno pana sana.
Mamlaka zimewekwa kwa misingi ya katiba sio misingi ya vitabu vya dini! Kila MTU anapaswa kuheshimu na kuilinda katiba. Mamlaka zina na dola na katiba yake.
Kutii mamlaka ni kulinda ,kuitetea na kuheshimu katiba.
Kufichua uhalifu wa kuvunja sheria na katiba ni kuitii mamlaka mana ndivyo serikali inavyoelekeza kuwa watu wafichue uhalifu.
Uhalifu ni pamoja na ule unaotokea kutokana na watendaji wa serikali kuwa waovu.
Kutii mamlaka ni kufuata sheria zilizowekwa na mamlaka . Zipo sheria nyingi. Sheria za ndoa,sheria za ardhi ,sheria za usalama barabarani, sheria za biashara,sheria za vyama vya siasa,sheria za uchaguzi, sheria za mambo ya nje, sheria za uhamiaji, sheria za mambo ya anga,sheria za mambo ya fedha sheria za utumishi wa umma. n.k. Mtu yeyote anayetii mamlaka anafuta sheria hizo na kuzitii.
Viongozi wa dini na waumini wao duniani kote wanatii sheria zinazowekwa na mamlaka.
Sasa nikuulize swali:
(1).Watu kupotea na kutekwa ni sheria zilizowekwa na mamlaka ili kwamba MTU akipinga utekwaji aambiwe kuwa hajatii mamlaka?
(2) Je,Mkurugenzi kuvuruga uchaguzi ni sheria zilizowekwa na mamlaka ili watu wore watii na kuheshimu hiyo hali wasije wakatenda dhambi ya kutoitii mamlaka?
(3)Je, watu kukatana mapanga wakati wa uchaguzi ni utaratibu uliowekwa na mamlaka ili watu wote wakae kimya wasiseme wasije wakaingia katika dhambi ya kutoitii mamlaka.
Bila shaka wasiotii mamlaka ni wale wasiotii sheria na katiba ya nchi. Mtu yeyote anayevunja sheria kwa maana yoyote ya ama kujinufaisha kisiasa au kimadaraka huyo ameshindwa kuitii mamlaka.
Na mtu yeyote anayetenda dhambi ya kutoitii mamlaka anakemewa na viongozi wa dini kama ilivyokuwa kwa Mussa kupambana na Faraoh ,Samweli Kumkemea Mfalme Daudi. Yesu kumkemea mfalme Herode na Pia Yohana kumkemea Mfalme Herode hadi kuuawa.
Imetokea kwa muda sasa watu wanavunja sheria na kushindwa kutii Mamlaka kwa kisingizio cha kusema yule hajatii mamlaka asulubiwe na hata kutoa maneno machafu bila kujua kuwa mamlaka ina vyombo vyake vya ulinzi vilivyosomea kwa kiwango cha juu kabisa ,vinapaswa kuachiwa majukumu yake ya kujua nani hajatii na nani ametoa maoni na nani amekemea kama wajibu wa mwananchi na raia mwema.