Little Fingers
Member
- Sep 23, 2023
- 22
- 44
Baadhi ya wajumbe walioshiriki katika kura za maoni za uteuzi wa Mgombea Ubunge Jimbo la Isimani kupitia Chama cha Mapinduzi (CCM) wameibuka na malalamiko wakidai kutoridhishwa na mchakato uliotumika kuwashindanisha wagombea hao.
Wajumbe hao wamesema kuwa kuna viashiria vinavyoibua wasiwasi juu ya uwepo wa rushwa katika mchakato huo hali ambayo imeathiri matokeo yaliyopatikana kwa makada watatu walioongoza kura hizo za maoni.
Aidha wamelalamikia kukosekana kwa fursa kwa wagombea kujinadi sera zao mbele ya wajumbe katika kila kata, hali iliyopelekea wajumbe hao kutokuwa na ufahamu wa kutosha kuhusu wagombea hao kabla ya kupiga kura kuteua mgombea atakayeiwakilisha CCM katika uchaguzi huo mdogo.
"Imekuwa jambo la kushangaza kuona baadhi ya wagombea wakipata ushindi wa kishindo ilhali wajumbe wengi hawawafahamu wala hawakusikia sera zao," amesema mmoja wa wajumbe aliyeshiriki zoezi hilo.
Kutokana na hali hiyo wajumbe hao wamekitaka Chama cha Mapinduzi kurejea mchakato huo kwa maslahi mapana ya Chama na wananchi wa Isimani wanaotarajia kuchagua muwakilishi wao ili kuhakikisha haki inatendeka na taratibu zote zinazotakiwa ikiwemo wagombea kujieleza na kujibu maswali ya wajumbe zinafuatwa kikamilifu.
Wamesisitiza kuwa kurejewa kwa kura hizo za maoni kutasaidia kurejesha imani ya wanachama na kuhakikisha kuwa mgombea atakayepatikana anawakilisha kweli matakwa ya wajumbe.
Wajumbe hao wamesema kuwa kuna viashiria vinavyoibua wasiwasi juu ya uwepo wa rushwa katika mchakato huo hali ambayo imeathiri matokeo yaliyopatikana kwa makada watatu walioongoza kura hizo za maoni.
Aidha wamelalamikia kukosekana kwa fursa kwa wagombea kujinadi sera zao mbele ya wajumbe katika kila kata, hali iliyopelekea wajumbe hao kutokuwa na ufahamu wa kutosha kuhusu wagombea hao kabla ya kupiga kura kuteua mgombea atakayeiwakilisha CCM katika uchaguzi huo mdogo.
"Imekuwa jambo la kushangaza kuona baadhi ya wagombea wakipata ushindi wa kishindo ilhali wajumbe wengi hawawafahamu wala hawakusikia sera zao," amesema mmoja wa wajumbe aliyeshiriki zoezi hilo.
Kutokana na hali hiyo wajumbe hao wamekitaka Chama cha Mapinduzi kurejea mchakato huo kwa maslahi mapana ya Chama na wananchi wa Isimani wanaotarajia kuchagua muwakilishi wao ili kuhakikisha haki inatendeka na taratibu zote zinazotakiwa ikiwemo wagombea kujieleza na kujibu maswali ya wajumbe zinafuatwa kikamilifu.
Wamesisitiza kuwa kurejewa kwa kura hizo za maoni kutasaidia kurejesha imani ya wanachama na kuhakikisha kuwa mgombea atakayepatikana anawakilisha kweli matakwa ya wajumbe.
