Habar wanaJF,
Aliyesema kuwa wanawake na mama zetu tusiwaamini hakukosea leo kwani huenda wazazi wetu wa kiume walio tulea sio baba zetu.
Leo Rikardo Momo amesema kuwa mzee Abdul sio baba yake Diamond na kusema kuwa yeye na Diamond wanachangia baba na baba yao anaitwa Mzee Salim Nyange.
Haya yote yanaweza kuwa sawa lakini kwanini Diamond anaitwa Naseeb Abdul na siyo Salim Naseeb Nyange? Hivi inawezekana baba mlezi kupewa hadhi ya ubin wa mtoto au ndio mama Diamond anataka amalize mchezo?
Na kama ni kweli Mzee Abdul sio baba yake Diamond huenda mama Diamond alikataliwa hii mimba na mzee Salim Nyange akaamua kumtupia zigo mzee Abdul na bila shaka mzee alikubali kiroho safi ila huenda alikuwa anaambiwa mengi na ndugu pamoja na rafiki.
Apa hii story sioni kama ina utofauti na story iliyopo kwenye mziki wa Stamina na Profesa Jay maana namuona Diamond anamlaumu Mzee Abdul kwa kutokumlea ilihali Mzee Abdul alijua Diamond siyo mwanae na bado akaendelea kuwa baba kwa uwezo wake.
Ila sijaamini kama Mzee Abdul sio baba yake mzazi Diamond sababu sio rahisi mtoto alelewe na baba wa kambo mpaka abadilishe jina la ubin wake pia na kuwapa mpaka watoto zake jina la babu yao feki walitumia kama babu yao.
Hizi ni faulo zinataka kuchezeka hapa Mama Diamond anataka kumaliza mechi.
======
Maneno ya Mama Diamond
Mama mzazi wa Diamond Platnumz akijibu kuhusu swali la Dida ambaye ni Mtangazaji wa Wasafi FM, ambaye aliuliza kuhusu uhusiano wa Diamond na Ricardo Momo, mama huyo amejibu kwa kuuliza ''Diamond na Ricardo mnawaonaje?, ambapo Dida alisema wanafanana.
Mama Diamond akaendelea kusema kuwa Baba mzazi wa Diamond anaitwa Salum Idd Nyange huku akidai kuwa Mzee Abdul ni baba mlezi wa Diamond kwani wakati wanaingia kwenye mahusiano alimwambia kuwa kuwa ana ujauzito na Mzee Abdul kusema kuwa ahusiki.
Mama huyo amedai kwamba mzee Abdul alimkataa Diamond tokea mimba na hakuwahi kuwa na mchango wowote kwa Diamond kuanzia vidudu mpaka Sekondari.
Mama Diamond amekuwa akimwambia mzee Abdul kwamba bora ungemkubali Diamond tokea mdogo sasa hivi ungekuwa na mtoto, na ndicho amekuwa akimwambia siku zote.
Baba Diamond atoa neno
Adai kuwa amesema mbele ya watanzania wote kuwa kuanzia wakati huo hamtambui tena Diamond kama mtoto wake kwa kuwa imeshatamkwa kuwa yeye si baba wa mtoto.
Na alipoulizwa kuhusu kupima vinasaba (DNA) ili kuipambania haki ya uzazi kwa Diamond alijibu kuwa mtoto hagombaniwi kama ilivyo mpaka wa nyumba haugombaniwi.
Mzee Abdul Amtaka Diamond Aache Kutumia Jina Lake
"Mtoto hagombaniwi… Mimi nimekubali siwezi nikapinga, atakancel jina langu, ataenda kuoneshwa kaburi la baba yake basi inatosha," alisema Mzee Abdul
By
Jackline Mgeni 15 Jan, 2021
0
Mzee Abdul ambaye awali alikuwa anafahamika kama Baba yake mzazi Diamond amemtaka msanii huyo aache kutumia jina lake (Nasib Abdul) kwani sasa sio familia moja tena.
Suala hilo linakuja baada ya Sanura Kassim maarufu Mama Dangote ambaye ni mama mzazi wa msanii wa kizazi kipya, Diamond Platnumz kuweka wazi kuwa baba halisi wa Diamond si Abdul Juma bali ni Salum Iddi Nyange ambaye pia ni baba mzazi wa Ricardo Momo, Meneja wake msanii Lavalava.
Abdul Juma amekuwa kwa miaka mingi akifahamika kama baba wa msanii huyo wa Bongofleva.
Mama Dangote ameeleza hayo leo Ijumaa Januari 15, 2021 baada ya kupigiwa simu na Dida, mtangazaji wa kipindi cha Mashamsham kinachorushwa na redio ya Wasafi kueleza kuhusu uhusiano kati ya Diamond na Ricardo Momo aliyekuwa akihojiwa na redio hiyo.
Katika majibu yake, mama Dangote amesema Ricardo na Diamond ni ndugu na baba yao ni Nyange ambaye kwa sasa ni marehemu.
Akizungumza na Simulizi na Sauti baada ya kumalizika kwa mahojiano hayo, Mzee Abdul amesema amefurahi kusikia jambo hilo akidai kuwa sasa atakuwa huru kwani sasa anajua nafasi yake ndani ya familia hiyo.
“Kama muhusika akishakwambia hauhusiki basi mi naamini hamna haja ya kujiforce…mtoto hagombaniwi…mimi nimekubali siwezi nikapinga, atakancel jina langu, ataenda kuoneshwa kaburi la baba yake basi inatosha” Mzee Abdul akijibu swali la mtangazaji lilimtaka ajibu kama amekubali suala hilo kwasababu alikuwa hasaidiwi kama anavyodai ama kwa sababu ni kweli kwamba mtoto huyo siyo wa kwake.
“Nadhani mhusika ameshazungumza sawasawa kabisa,” amesema Abdul na alipoulizwa kama alikuwa anafahamu suala hilo alijibu, “hapana” Amesema kuanzia leo amekubali kuwa Diamond si mwanaye na kuongeza kuwa huenda ndio sababu msanii huyo alikuwa hanitimizii mahitaji yangu, “nashukuru sasa kwa kulijua suala hilo kwa undani na nampa big up sana kwa kuliongea hilo” aliongeza.
View attachment 1678472