Mume ni mmoja, lakini ana wake wawili: mke mkubwa na mke mdogo. Mke mkubwa aliokoka. Baada ya mume wake kusikia mafundisho ya Injili, alimwacha na kukimbia, akamuacha kanisani.Baadaye, alipooa mke mwingine, huyo mke naye akaokoka.
Anafanya kazi katika eneo lake, anachanga na anashiriki katika shughuli mbalimbali za kanisa. Maisha yao yanaendelea, lakini ukweli unabaki kwamba yeye ni mke wa pili.Sasa, Biblia inatufundisha wazi kwamba mume anapaswa kuwa na mke mmoja.
Lakini katika hali hii, huyu mume ameingia katika ndoa nyingine wakati ndoa yake ya kwanza bado ipo.Mke wa kwanza analia, na watoto wake wanaumia. Wanaishi katika hali ambayo mume amemtelekeza mama yao, huku yeye akiishi na mke mwingine, akimpenda na kumhudumia pamoja na watoto wake.
Hata hivyo, wote bado wanaendelea kusali kanisani.Sasa swali ni: Kanisa linapaswa kufanya nini katika hali kama hii? Linapofundisha kuhusu ndoa, linapaswa kufundisha kwa msingi wa Neno la Mungu, lakini pia lizingatie kwa hekima hali halisi ya watu walio katika mazingira kama haya.
Je, ni sahihi kumlazimisha mtu katika hali hii kufanya jambo fulani bila kwanza kumwelekeza kwa upendo, hekima na mafundisho sahihi ya Biblia?
