Kwa somo alilofundisha Kahama wiki iliyopita, alikuwa ameingia ndani muno; kwa watu ambao bado ni wachanga kiroho kama nilivyo mimi hapa ilikuwa ni ngumu kuweza kumeza sawia kile alichokuwa anaongea.
Imagine alipokuwa anasema kuwa mtu anapokuwa ana upako wa wito wa kumtumikia Mungu; halafu anaingia kwenye utumishi wa Mungu na kuendelea kutumia upako huo huo wa wito, wakati kumbe upako wa wito ni upako wa mara moja tu kwa ajili ya kumuingiza mtu huyo kwenye huduma; halafu mtu huyo akishaingia kwenye huduma, anahitaji tena upako mwingine wa kumbeba kwenye mchakato mzima wa utumishi wake
Sasa hapa unaweza kuona namna madini haya yalivyokuwa magumu kumeza kwa muumini wa kawaida kama mimi. Madini kama haya yaliwafaa sana wale ambao tayari ni watumishi wa Mungu, au wale ambao wanajiandaa kwa ajili ya utumishi wa Mungu
Huyu mtumishi kwa kweli ameshatembea na Mungu katika namna ambayo asipoangalia, atakuwa anaingia kwenye darasa la wanafunzi wa darasa la saba halafu anaanza kufundisha integration ambazo wanatakiwa kufundishwa wanafunzi wa chuo kikuu. Mimi kwa upande wangu sina kabisa tatizo na hilo na kwa vyovyote atakavyofanya mimi nitajitahidi kumsikiliza na kuchukua kile nitakachoweza kuchukua