Mwanajeshi, Kapteni Tesha ajitoa muhanga kuongea hatari ya Taifa linapoelekea

[Lamomy]

Tafuta ubini mwingine

Wabongo mnapenda sana kuiga ubunifu wa wengine

Tafuta lako

Au kama vipi sikilizia interview ya mwanajeshi mwingine uchukue hapo.

Wala sibadilishi kwanza kina Tesha ndio wanaonikaza mi Mrs Tesha 😹😹

 

[Scars]

Wala sibadilishi kwanza kina Tesha ndio wanaonikaza mi Mrs Tesha 😹😹

Jiite hata Lamony Mulilo mbona hili limekaa unyama sana

 

[Lamomy]

Ulikuwepooo 😄

Hivi nyie hamjiulizi slow slow ujasiri aliutoa wapi? Na clip zake zote anawataja sana hao mabaka ni wanae 😹

 

[JokaKuu]

Akamatwe na nani?

..atakamatwa na POLISI WA JESHI ambao huku mtaani mnawaita MP na atawekwa katiba mahabusu za jeshi.

 

[Bagamoyo]

Jeshi Kuchukua Nchi: Anashauri Jeshi la Ulinzi wa Wananchi (JWTZ) lichukue nchi haraka ili kuweka mambo sawa, akidai kuwa imani pekee ya Watanzania imebaki kwenye jeshi [02:34]. Anataka uchaguzi uzuiwe kwa sababu una mtego na umejaa makashfa [01:00:25].

Hawa chama dola kongwe tunawaambia kuwa hili sasa linaweza kufanikiwa. Mazingira na visababishi vipo vingi kwa jambo hili kufanikiwa 2025 na historia kuandikwa.

TOKA MAKTABA:

Kesi ya uhaini 1985: Washtakiwa tisa wahukumiwa kifungo cha maisha jela- mwisho​

By William Shao
Hatimaye siku ya hukumu ilifika baada ya kesi kusikilizwa mahakamani kwa takribani mwaka mzima.

Desemba 26 Jaji Kiongozi Nassor Mzavas alianza kutoa maelezo ya hukumu ya kesi ya uhaini kwa kuchambua ushahidi wa pande zote za mashtaka na utetezi hadi alipotoa hukumu Jumamosi ya Desemba 28, 1985.

Baada ya kutumia saa tano Desemba 26 kuchambua ushahidi wa pande hizo, Desemba 27, aliendelea kusoma hukumu hiyo wakati Mahakama ilipoendelea na kikao chake.

Kabla ya kuanza kusoma hukumu, Jaji Kiongozi alieleza msingi alioutumia katika hukumu yake kuwa upande wa mashtaka ndio unabidi udhihirishe wazi kuwa washtakiwa wote kwa pamoja walikubaliana kutenda kosa la uhaini bila shaka.

Alisema ingawa washtakiwa wote wameshtakiwa kwa kosa la pamoja, ushahidi utatafakariwa kwa kila mmoja peke yake na si kwa wote.

Jaji Kiongozi alisisitiza kuwa, jukumu la kudhihirisha hatia liko upande wa mashtaka na hawawezi kutiwa hatiani kutokana na kushindwa kwao kujitetea vizuri.
Alisema ushahidi wa kula njama ulipaswa kuungwa mkono na ushahidi mwingine peke yake.

Pia, alisema yale maungamo ya washtakiwa wenyewe kuwa walikiri kuhusika na mpango huo na papo hapo wakatajana wao wenyewe, yaliweza kuzingatiwa tu na Mahakama iwapo inaamini maungamo kama hayo yalitolewa na washtakiwa kwa hiari zao wenyewe bila kuteswa.

Kwa upande wa ushahidi wa mazingira, Jaji Kiongozi alisema ili kuiwezesha Mahakama kuzingatia ushahidi wa namna hiyo, upande wa mashtaka uliwajibika kudhihirisha kuwa ushahidi kama huo haukuonyesha kitu kingine bali hatia ya washtakiwa wenyewe.

Katika hukumu yake aliyoanza kuisoma Desemba 27 na kuhitimisha Desemba 28, 1985, Jaji Kiongozi alisema ni kweli kulikuwa na njama za kutaka kuiangusha Serikali kama ilivyodaiwa na upande wa mashtaka.

Hata hivyo, Jaji Kiongozi aliahirisha kikao cha Mahakama na kusema atamalizia kuisoma hukumu yake siku inayofuata.

Wakati Mahakama inaahirisha kikao chake, Jaji Kiongozi alikuwa anaanza kuchambua jinsi upande wa mashtaka ulivyoeleza kuhusika kwa kila mshtakiwa.

Hadi kuahirishwa huko, Jaji alikuwa ameshatumia zaidi ya saa 10 kusoma hukumu hiyo ambayo pamoja na uchambuzi ilichukua siku tatu mfululizo.

Baada ya kuchambua ushahidi wa upande wa utetezi kwa washtakiwa saba waliobaki, maelezo ya mwisho ya upande wa utetezi na maelezo ya mwisho ya upande wa mashtaka, Jaji Kiongozi alielezea maoni ya wazee wa baraza na kuanza kutoa maoni yake.

“Kutokana na ushahidi uliotolewa, ni kweli kulikuwa na njama. Sasa nitaingia katika maelezo ya upande wa mashtaka,” alisema Jaji Kiongozi.

Akianza kutoa maoni yake, Jaji Kiongozi alisema kuwa sababu za njama hizo za kutaka kuangusha Serikali ni kurekebisha hali mbaya ya uchumi iliyokuwapo na kwamba uongozi ndio uliosababisha hali hiyo.

“Shahidi wa kwanza wa upande wa mashtaka, Abdallah Mhando ambaye ni dereva teksi alisema katika ushahidi wake kuwa aliambiwa hayo na mshtakiwa wa kwanza, Hatty McGhee,” Jaji Kiongozi alisema.

Pia, alisema shahidi aliambiwa na mshtakiwa wa kwanza kuwa hali ya uchumi nchini ilikuwa mbaya, hakuna chakula, barabara mbaya na uongozi ulikuwa mbaya na kwamba kulikuwa na haja ya kuiangusha Serikali na kumuua Rais.

“Sababu zilikuwa ni zile zile za kiuchumi. Hiyo pia ilielezwa na shahidi Luteni Ndejembi,” alisema Jaji Kiongozi.

Luteni Ndejembi alikuwa shahidi wa tatu upande wa mashtaka.
Jaji Kiongozi alisema Luteni Ndejembi alieleza aliwahi kuambiwa sababu hizo na mshtakiwa wa tisa, Luteni Badru Rwechungura Kajaja, walipokutana Novemba 1982. “Luteni Ndejembi aliambiwa kuwa baada ya Serikali kuangushwa, maduka yatajaa bidhaa katika muda wa miezi mitatu tu,” alisema Jaji Kiongozi.

Katika maelezo yake hayo ya hukumu, Jaji Kiongozi alisema hata ushahidi wa shahidi wa pili wa upande wa mashtaka, Luteni Iddi Stambuli, ulikuwa unahusu sababu za hali ya uchumi.

“Shahidi huyo alisema aliambiwa na mshtakiwa wa pili, Kapteni Christopher Kadego kuwa kulikuwa na mpango wa kuiangusha Serikali kwa kuwa hali ya uchumi ilikuwa mbaya, askari wanakula chakula bila mafuta, hawana nguo, spea za magari hakuna,” alisema Jaji Kiongozi.

“Ilionyesha kuwa nia ilikuwa ni hali mbaya ya uchumi, ushahidi wa shahidi wa 46 wa upande wa mashtaka, Kapteni Suleiman Mape, ulizungumzia hali hiyo.”

Mapema Jaji Kiongozi alikumbusha maoni yaliyotolewa na wazee wa baraza ambao waliona washtakiwa kadhaa wana hatia na baadhi yao hawana hatia.

Jaji Kiongozi alisema washtakiwa ambao mzee wa tatu wa baraza, Anne Kirundu aliwaona wana hatia ni saba wa mwanzo na mshtakiwa wa nane, Kapteni Zacharia Hans Poppe na wa tisa, Luteni Kajaja (kwa kosa la kujua njama na kutotoa ripoti).

Hata hivyo, mshtakiwa wa 11, Luteni John Chitunguli; mshtakiwa wa 13, Christopher Pastor Ngaiza, wa 15 Luteni Otmar Haule, wa 16 George Banyikwa; mshtakiwa wa 17 Zera na mshtakiwa wa 19 Livinus Maximillian Rugaimukamu walionekana na Anne Kirundu kuwa hawana hatia.

Ilipofika Jumamosi ya Desemba 28, 1985, Jaji Kiongozi Mzavas akawahukumu Watanzania tisa, wakiwamo maofisa wanane wa jeshi na rubani wa ndege za ATC Hatty McGhee, vifungo vya maisha gerezani baada ya kupatikana na hatia ya kupanga njama za kuipindua Serikali miaka mitatu iliyokuwa imepita.

Washtakiwa wengine sita, pamoja na balozi Christopher Ngaiza, ambaye alikuwa mshauri wa zamani wa Rais Julius Nyerere, waliachiwa huru.

Wakati akitoa hukumu yake, Jaji Nassor Mnzavas alisema nia ya washtakiwa hao wa njama za uhaini ilikuwa kurekebisha kile walichofikiria kuwa ni hali mbaya ya kiuchumi isiyo na matumaini inayosababishwa na uongozi duni wa Serikali ya Kijamaa, “lakini siwezi kufumbia macho ukweli kwamba ikiwa mapinduzi yangefanyika, watu wengi wangepotea,” alisema Jaji Kiongozi, Nassor Mzavas.

Waliohukumiwa kifungo cha maisha ni Luteni Eugene Maganga, Kapteni Metusela Suleiman Kamando, Kapteni Zacharia Hans Pope na Kapteni Vitalis Gabriel Mapunda.

Wengine ni Kapteni Dietrich Oswald Mbogoro, Luteni Badru Rwechungura Kajaja, Hatibu Gandhi au Hatty McGhee na Kapteni Christopher Kadego.

Kwa jumla washtakiwa 19 waliofikishwa mahakamani kujibu shtaka la uhaini ni Hatty McGhee, Kapteni Christopher Kadego, Luteni Eugene Maganga na Suleiman Kamando, Kapteni Vitalis Mapunda, Kapteni Roderic Roberts, Paschal Chaika, Luteni John Chitunguli, Luteni Mark Mkude, Kapteni Oswald Mbogoro na Kapteni Zacharia Hans Pope.

Wengine ni Luteni Badru Kajaje, Christopher Ngaiza, Luteni Gervas Rweyongeza, Luteni Otmar Haule, George Banyikwa, Zera Banyikwa, Luteni Nimrod Faraji na Livinus Rugaimukamu.

Hata hivyo, baada ya wengine wanne kuachiwa huru Agosti 1985 na kubaki 15, siku ya hukumu wengine waliachiwa huru wakati wenzao wakihukumiwa kifungo cha maisha gerezani.

 

[Scott junior]

Kwanini anamuomba CDF wakati yeye aneshakuwa compromised?

Kama kutetea nchi, watetezi watatoka ngazi za chini siyo kwa CDF, IGP, au mkuu wa usalama.

Nafikiri hili kauli ni onyo kwa kwahuni.

Nimeshangaa mkuu

 

[Scars]

Nitulie sasa nikusanye nguvu za kwenda kunya ikulu

 

[Lamomy]

Tarehe 29 ntaandamana kwenye mwili wako siku hiyo jiandae.

Hiyo siku naandamana huku Kapteni Tesha yupo nyuma analinda wowowo langu..!!
Raha ilioje 😹😹😹
Just imagine andamano litakavyonoga 🤣

 

[100 others]

..atakamatwa na POLISI WA JESHI ambao huku mtaani mnawaita MP na atawekwa katiba mahabusu za jeshi.

Halafu na wanao muunga mkono kipindi hiko wapo wapi?

 

[Lamomy]

Jiite hata Lamony Mulilo mbona hili limekaa unyama sana

Wewe hilo ajiite Lucha labda mi na watu wa aina hiyo hatupatani 😹😹

 

[camerlengo]

Hakuna mwanajeshi ana uwezo wa kuongelea serikali, democracy lazima iendelee lakini sio kwa sababu wanajeshi wamesema

UVCCM katika ubora wake!

 

[Superbug]

Wala sibadilishi kwanza kina Tesha ndio wanaonikaza mi Mrs Tesha 😹😹

Kumbe unakazwa! Nimepatwa na genye.

 

[stakehigh]

UVCCM katika ubora wake!

we ushawahi kuona mwanajeshi anamuita raisi mama 😂

 

[Lamomy]

Tesha akitokea kwa pembeni km Captain Traore 😍

 

[stakehigh]

Kumbe unakazwa! Nimepatwa na genye.

amesema atarudi tena 😂

 

[baby s]

Wasanii tafuteni kwa kwenda kenge nyie

 

[kitalembwa]

Maji _ mma! Studio waletee

 

[Lamomy]

Kumbe unakazwa! Nimepatwa na genye.

😹😹 Kina Tesha wana kitu aisee..!!

 

[Lucha]

Hiyo siku naandamana huku Kapteni Tesha yupo nyuma analinda wowowo langu..!!
Raha ilioje 😹😹😹
Just imagine andamano litakavyonoga 🤣

Ntalilinda mimi hukohuko juu ya dari maana we ni mtaalam sana wa kujificha juu ya dari bila kutumia ngazi

 

[Bagamoyo]

TOKA MAKTABA: KESI YA UHAINI

Kapteni Mstaafu Rodrick Roberts : Sitasahau nilipohukumiwa maisha jela

Kapteni mstaafu Rodrick Roberts

Rubani wa ndege aliyeonja kifo kwa ajali ya ndege na kifungo cha maisha, Rubani huyu ni Kapteni Mstaafu Rodrick Roberts (69). Picha na Maktaba

Na Lauden Mwambona, Mwananchi

Posted Alhamisi, Novemba 28 2013 saa 13:0 PM

KWA UFUPI
Rubani huyu ni Kapteni Mstaafu Rodrick Roberts (69) mrefu, mweupe ambaye si mnene na wala si mwembamba akiwa na nywele laini zinazoashiria wazi kwamba mmoja wa wazazi wake alikuwa mtu wa nje ya Bara la Afrika.
Nje kidogo ya Mji wa Songea, kipo kijiji kinachoitwa Mateka. Bila shaka jina la kijiji hicho lina historia yake, lakini kubwa ni kwamba ndiko anakoishi rubani wa ndege aliyeonja kifo kwa ajali ya ndege na kifungo cha maisha.

Rubani huyu ni Kapteni Mstaafu Rodrick Robert (69) mrefu, mweupe ambaye si mnene na wala si mwembamba akiwa na nywele laini zinazoashiria wazi kwamba mmoja wa wazazi wake alikuwa mtu wa nje ya Bara la Afrika.

Ni mara ya kwanza kumwona alipokuwa akifungua mlango, lakini anatoka na tabasamu baada ya kuona wageni nje wakiwa na mkewe aitwaye May Daud Robert aliyeniongoza kufika hapo mara ya pili baada ya kumwomba aachie kidogo kazi yake mjini Songea na kunipeleka nyumbani kwake nikaonane na mumewe.

Kwa kweli ilikuwa mara ya pili kwangu kufika pale saa 11.00 jioni baada ya mara ya kwanza ya saa 4.00 asubuhi ya siku hiyo kuwakosa nilipopelekwa na msamaria kwa pikipiki mbili.

Robert anatukaribisha ndani huku akisema alipata taarifa za kuwapo kwa wageni wanaomtafuta tangu asubuhi. Tunaingia ndani na kufika kwenye sebule ikiwa na makochi ya kawaida na hatimaye Robert, mkewe na mimi tunaketi.

Akiwa anamwangalia mkewe aliyeketi upande wa kushoto kwake, Rubani Robert ananikaribisha.

Anasimulia kidogo historia yake.

Rubani: Nilizaliwa Mtaa wa Mtini mjini Songea mwaka 1944 na baba yangu alikuwa mhandisi wa kujenga barabara na nyumba za Serikali na alishiriki kujenga Uwanja wa Ndege za Jeshi Dar es Salaam.

Nilisoma chekechea mjini Songea, Shule ya Msingi Songea na Peramiho baadaye Sekondari ya Wavulana Songea kabla ya kujiunga St Michael ya Iringa ambayo baadaye ikawa Mkwawa Sekondari na sasa ni chuo.

Baada ya kumaliza Mkwawa nilingia Chuo Kikuu cha Dar e Salaam kuchukua Sayansi ya Jamii, lakini nilisoma mwaka mmoja nikaacha.

Mwandishi:Ni sababu zipi zilikuachisha chuo?

Rubani: Sikumbuki.

Mwandishi:Baada ya kuacha chuo kikuu ulikuwa unafanya nini?

Rubani:Nilikuwa nyumbani nikijishughulisha na uandishi na pia kuchora jambo ambalo lilinifanya niitwe kwenye mafunzo ya siku sita kuhusu uandishi Chuo Kikuu cha Makerere ambako nikawa mmoja wa watu wa kwanza tulioandika jarida la kwanza la chuo hicho. Niliporudi nchini nilipata kazi kwenye Shirika la British America Tobacco Company (BAT) ambako nilifanya kazi karibu mwaka mmoja na baadaye niliacha.

Mwandishi: Ni kwa nini uliacha?

Rubani: Sikumbuki.

Mwandishi: Baada ya hapo ulikwenda wapi?

Rubani: Nakumbuka mwaka 1970 nikiwa nyumbani Songea, alikuja Jenerali Luis ambaye alikuwa mwenyeji wa Mkoa wa Rukwa na kuniambia kwamba walikuwa wakihitaji vijana waliosoma ili wawe marubani wa jeshi. Hoja hiyo niliipenda na nikakubali, hivyo aliniandikisha na kunitaka niende kwenye mafunzo ya kijeshi (TMA) Dar es Salaam kwa ajili ya uofisa.

Nilimaza mafunzo kwenye kikosi cha anga Dar es Salaam na baada ya hapo pamoja na wenzangu karibu 14 tuliendelea na mafunzo ya kuendesha ndege kwa chini (Ground School) kwa mwaka mmoja na baada ya hapo tulianza mafunzo ya awali ya kurusha ndege.

Mwandishi: Tangu mafunzo hadi kuanza kazi, je uliwahi kupata ajali?

Rubani: Ndiyo, nilipata ajali mwaka 1978 nikiwasafrisha askari 26 kutoka Dar es Salaam kwenda Beira Nover Freesco Msumbiji ingawa sikujua askari wale walikuwa wakienda nchi gani. Sijui walikuwa wa Zimbabwe au Angola sijui. Injini ya kushoto ilizimika ghafla na baadaye injini ya kulia ikazima hivyo nililazimika kutua kwenye shamba dogo porini na askari wote tulitoka salama isipokuwa mmoja alipata michubuko kutokana na bawa la ndege kugonga kichuguu. Kipande hiki (anainuka kuchukua na kukionyesha kichuma cha bawa la ndege) nilipewa kama kumbukumbu.

Baada ya ajali hiyo, mwishoni mwa mwaka 1978 nilikwenda Uingereza kusoma utaalamu wa ndege aina ya Hauca Cidre748.

Mwandishi:Je, vita dhidi ya Idd Amin Dada ulishiriki?

Ruban: Tangu mwanzo hadi mwisho mimi nilikuwa mmoja wa walioshiriki mchana na usiku hadi vilipoisha.

Mwandishi: Unakumbuka nini kwenye vita hivyo?

Rubani: Nakumbuka siku moja nilikuwa off (napumzika kidogo), nikaamua kunywa bia. Na ratiba ilikuwa ikionyesha nitakuwa kazini kesho yake. Lakini ghafla kiongozi wangu alinijia na kunitaka nirushe ndege. Mimi nilikataa katakata kwa sababu nilikuwa nimekunywa pombe. Niliwahi kumwendesha Nyerere.

Mwandishi: Je, ni kweli ulimwendesha Nyerere? Na kazi ya jeshi iliendelea hadi lini?

Rubani: Ni kweli baada ya vita vya Amini niliendelea kurusha ndege za jeshi na pia kufanya kazi ya kuendesha ndege ya Rais Nyerere. Mwaka 1983 Januari 7, nilikamatwa na wanajeshi wengine wengi kwa tuhuma za uhaini. Tulidaiwa tulitaka kumuua Rais Julius Nyerere. Nilikamatwa nikiwa eneo la Airwing Dar es Salaam. Tulikaa kizuizini hadi Julai mwaka 1983 Mahakama ilipotangaza kwamba hatukuwa na kesi ya kujibu. Lakini cha kushangaza mwaka 1984 watu tisa kati ya wale walioshikiliwa mara ya kwanza, tulikamatwa tena na kufikishwa mahakamani kwa kosa la kutaka kumuua Rais Nyerere.

Mwandishi: Je, kiukweli mpango huo ulikuwapo?

Rubani. Aaa...ulikuwapo haukuwapo, it was planned by high official (ulipangwa na baadhi ya maofisa za ngazi za juu), unajua baada ya vita vya Uganda nchi ilikuwa imefilisika. Haikuwa na unga, sabuni, sukari na hata nguo, karibu kila kitu hakikuwapo. Hivyo Watanzania wengi walikuwa wamechanganyikiwa na hali ile.

Mwandishi: Kwa maana hiyo mpango huo ungefanikiwa je bidhaa hizo zingeonekana?

Rubani: Rais wa awamu ya pili Ali Hassan Mwinyi aliiokoa nchi baada ya kuruhusu kila kitu kiingie nchini hata bila ya kutoza kodi. Mwinyi aliituliza nchi. Pia Serikali iligundua kwamba waliokamatwa walitaka mfumo wa vyama vingi vya siasa ili kuishtua CCM ambayo ilikuwa imejisahau na hivyo kuanzishwa kwa vyama vingi jambo ambalo lilitekelezwa baadaye.

Mwandishi: Matatizo yaliyokuwapo enzi hizo na sasa unatofautishaje?

Rubani:Kama nilivyosema, enzi za Nyerere nchi ilifilisika, Mzee Mwinyi aliiokoa nchi, Rais Mkapa akaweka msingi wa kukusanya kodi, hivi sasa sijui kinachoendelea kwa kuwa sisomi sana magazeti kwani sina fedha za kununua.

Mwandishi: Mama Robert ulifanikishaje safari yako kurudi Songea. ?

Mkewe: Mimi niliposikia anafungwa maisha nilipigwa na butwaa na simanzi kubwa. Hivyo sikuwa na nguvu, lakini cha ajabu, baada ya saa 12 kupita, mkuu wa kikosi aliniita na kunitaka niondoke kwenye nyumba ndani ya saa 24. Kumbuka wakati ule mimi nilikuwa nafundisha Chuo Cha Utumishi Magogoni Dar es Salaam, hivyo nilihitaji kupata nafasi ya kuomba uhamisho na kufunga mizigo. Lakini mambo ya jeshi ni amri na nilitolewa mizigo ili nisafirishwe kwa ndege ya Jeshi ambayo nayo iliharibika. Lakini kwa bahati ilipona kabla ya saa 12 kumalizika, nikatakiwa nitaje niende wapi.

Suala hilo lilinifanya nitaje Songea kwa vile nilikuwa na watoto sita na Robert na watoto walikuwa wakiwafahamu ndugu wa Songea.

Hivyo mizigo na watoto walisafiri kwa ndege mimi nikabaki Dar es Salaam nikiomba uhamisho wa kwenda kufundisha Shule ya Sekondari ya Songea Wasichana.

Kwa kweli ilikuwa fedheha kubwa. Serikali inampenda mfanyakazi mzuri, lakini huyohuyo akiteleza kidogo ni takataka. Ipo haja ya kubadilisha msimamo huo.

Mwandishi: Kwako rubani, je unalo neno kwa Serikali?

Rubani:Aaaa , tangu nifike huku sijapata na wala sina senti ya Serikali. Wapo wenzangu waliosema eti Serikali inafikiria kutupatia chochote, lakini mpaka sasa sijasikia lolote.

Mwandishi: Kwa sasa afya yako ikoje na unajishughulisha na nini?

Rubani. Afya yangu nashukuru Mungu naendelea vyema, mambo mengine Mungu anasaidia.

Kapteni Mstaafu Rodrick Robert anasema ni suala la msingi kwa watu kuwa na moyo wa kulitumikia taifa kwani ndio msingi wa kuhakikisha tunakuwa na taifa lenye maendeleo makubwa.

Jambo la msingi ambalo napenda kusisitiza ni moja tu kwamba kwa kila kitu ambacho mtu anafanya, anapaswa kuweka mbele maslahi ya taifa kwanza, anasisitiza akiwaasa Watanzania kujenga tabia ya kuheshimu mila na tamaduni za taifa, pia kujali maadili ya uongozi.

Aidha anawashauri vijana kufanya kazi kwa bidii ili kuharakisha maendeleo nchini, kwani vijana ndio tegemeo kubwa kwa taifa na ulimwengu kwa ujumla kwa vile wana nguvu za kutosha.

Chanzo: Gazeti la Mwananchi