Nimesoma mara tatu huu uzi wako nikawa najishauri nikujibu au nisikujibu au nijibu kwa namna gani,lakini nafsi ikasita,nikajisemea nina kitu cha kusema hapa kisha nitatoa msimamo wangu mwishoni.
Kwamba je haya anayoyasema ni ya uongo au sababu yeye ameeleza yale ambayo hatukuyasikia au hatukupenda kuyasikia ? Nafsi ina maajabu yake sana.
Hivi mathalani mimi nikitetea haki yangu na kueleza sababu ya kukosa haki yangu ni dini yangu,nitakuwa mdini ?
Je haya anayoyasimulia mzee wetu ushawahi kujiuliza kwanini hayakusomeshwa vitabuni mwetu ? Je walifanya makusudi au kwa bahati mbaya ? Kama walifanya kwa bahati mbaya kwanini waliandika Historia bila kuchunga misingi ya kuandika Historia ?
Kila elimu ina takiwa ifate misingi 10,narudia tena kila elimu inatakiwa ifate misingi 10,ukiikosa misingi hiyo kaa ukijua hutaipata elimu hiyo. Misingi hiyo sitaitaja kwa sasa,kama ikibidi huko mbeleni nitaitaja. Maneno haya aliyasema mwanachuoni mkubwa Ali Swabaani.
Kila fani ya kielimu ina namna yake ya ukosoaji ila kwenye asili ndiko majambo hurudishwa.
Leo hii wewe ukitaka kuikosoa historia ambayo aliiandika mtu fulani basi na wewe rudi kule kule kwa wenye Historia yao kisha uikosoe ili ambayo iko dhidi.
Pia,kuna maneno ya uongo unayasema na haya bila shaka umeandika kwa chuki pia hali ya kuwa unataka kujaribu kuamisha ya kuwa huna chuki,ya kwamba muarabu ana dini,Muarabu hana dini,sababu kwa waarabu kuna wapagani,washirikina na wasio kuwa hao. Hili umelisema lakini ukiombwa ushahidi naamini hata ukipewa miaka mia hutaweza kuthibitisha ya kuwa Uislamu wa waarabu. Kwahiyo unatakiwa ukiandika uandike kwa haki.
Mathalani mnaposema Historia aliyoiandika mzee wetu ina Udini,basi mlitakiwa kuonyesha au kuandika Historia ya kweli ambayo inaonyesha haina Udini huku mkirejea kwa wenye Historia.
Hili na wewe linakuhusu bali hata mimi,na wale pia. Huu uzi wewe ndio umeziruhusu hisia zikuongoze ndio maana umeandika ya uongo mengi na moja wapo ni hilo la kusema Uislamu ni wa waarabu.
Hivi mfano wewe ukitaka ukiandika Ukweli labda kuhusu watu wako lakini katika ukweli huo kuna madhila na dhiki kubwa sana zilizo wakuta watu wako,ukweli huu ukitaka kuuwasilisha unauwasilishaje ? Je kwenye huzuni utaweka bashasha ?
Kwangu mimi mtu kama huyu hakupaswa kuruhusiwa kuandika makala kama zile au kwanza apewe masharti kabla ya kutuma makala zake wahakikishe ameweka na marejeo,kwani Elimu ni amana na amana huwa inarudishwa kwa watu wake,kama kweli watu wanapenda kusoma na kujifunza mambo. Tatizo kubwa la muandishi huyu ni kuwa maandiko yake hayarudishi kwenye asili yaani hana marejeo,pili mambo ya uhalisia anayasimulia kama kama habari za kubuni,mwisho wake anakuwa anapunguza au kuzidisha. Uzi huu naukumbuka na kuna nukta kadhaa nilimkosoa na kuna swali nilimuuliza lakini hakujibu,sijui kama labda huo ndio utaratibu wake au la ! Mimi namdhania kheri.
Kwanza alichokosea yeye ni jambo la kidini kulizungumza kihuni kwa kutaka kutenganisha dini na jambo lile,inaonekana huko anakochukua ambako huwa hatuonyeshi ni kuwa wtu hao hawaijui dini.
Nakumbuka nilimkosoa katika kichwa habari,katika Kiswahili hakuna sentensi "....mbele ya kadamnasi..." kuandika hivi ni kufanya makosa. Tamko "kadamnasi" limejitosheleza kwa lenyewe kwani ni muunganiko wa atamshi mawili nayo ni "kadamu" kwa maana ya mbele ya kitangulia na tamko la pili ni "nasi" kwa maana ya watu,makosa hayo ni sawa na kuandika "......mbele mbele ya watu ....." hakuna Kiswahili cha namna hii.
Angalizo anatakiwa akiwa anazungumzia mambo ya dini basi ahakikishe ana ujuzi na maarifa mapana juu mambo hayo.
Kuna mambo mengine kutokana na umaarufu wake hata kama una hila ya kwapa,huwezi kuuficha ukweli zaidi ya kujibaraguza kwenda na hatua na mirindimo husika. Hapa kuna tegemeana.
Hilo jambo mpaka umelijua wewe ujue watu wengi wamelijua,lakini kuhusu Historia hiyo ya uhuru wengi hawakuwa wakiujia Ukweli,sasa hapa ndipo utakapo jiuliza kama nilivyo gusia huko,je walifanya makusudi kuificha au walikuwa naaarifa machache juu ya uandish wa Historia na kama walikuwa na maarifa machache juu ya kuandika Historia kwanini waliiandika na kuitawanya ?
Hu ni mtazamo wangu tu,kwangu mimi sijaona udini katika maandiko yangu,na mwisho nitatoa msimamo wangu juu ya maandiko ya mzee wetu.
Mimi nilicho kiona ni kuwa mzee wetu ametuoyesha ya kuwa kumbe kuna watu wengine hawatajwi japokuwa walicheza nafasi kubwa sana katika jambo hilo la uhuru.
Hivi kwani wewe hapo kabla hao wazee alio wazungumzia mzee wetu ulikuwa unawajua ? Kama ulikuwa huwajui kwanini ulikuwa huwajui ? Je tatizo ni lako au tatizo ni la wale walio andika Historia ?
Au jalia tukwamba hao wazee hawakutoa mchango mkubwa kihivyo je ni kwa lipi hawakutajwa ?
Je hawakustahili kutajwa na kwanini ?
Kawaida katika wengi lazima wawepo wawakilishi kwanini umtaje yeye Nyerere pekee kwani kule alipewa uhuru baada ya kupigana au aliupora au alipewa tu baada ya muda kufika ? Hii hata lugha inakataa kukata na kumuweka yeye pekee.
Hili sio lengo bali ni matokeo,kwani lengo la sisi kuumbwa ni kumuabudu Mola pekee,haya mengine yanayotokea ni sehemu ya maisha wala hutokuja kuulizwa kwanini hukupigania uhuru wala kwanini wewe ulipigania uhuru.
Huu ni uongo,mkubwa sana,je kusudi huwa unalijua kabla au baada ?
Hii sio hoja bali ni malalamiko,huu ni uwakilishi ambao ulikuwa na sababu.
Hapa uko sahihi kabisa lakini wale wote walio kuwa bega kwa bega na mitume tunawajua na michango yao inajulikana tangu mwanzo mpaka kiyama kinasimama na tunawaombea dua kila kukicha,je hao waliomsaidia Nyerere mbona hawatajwi,mpaka mzee wetu alipokuja kuelezea upande wa pili au wewe uliwasoma hao hapo kabla ?
Kutetea hila na uongi wa watu wa ovu kuna ujasiri na kujitoa akili.
Sasa haya ndio mahaba niue na aya yako ya mwisho imesisitiza hilo.
Sisi huwa tunasema hivi "Kitengeneze kiti chako kwanza kabla ya kukitia nakshi"
Mimi binafsi nimekupa udhuru sababu umetumia hisia sana kuliko ukweli na maarifa. Hisia zako nimekuachia mwenyewe.
MSIMAMO WANGU.
Waislamu tukiona tunakuwa wadhaifu sana na kuhisi tunaonewa basi tukae tukijua kwamba sisi ndio sababu basi lazima turudi nyuma na kujitathmini upya.
Kama kuna lolote ambalo nimekosea basi ni kwa udhaifu wangu.
