Wengi waoo (Lumumba People) wanajitoa ufahamu tu siyo kwamba hawajui hali halisi. Mm binafsi nilikuwa na mtumbwi mmoja kwa ajiri ya uvuvi wa dagaa. Nilikuwa nimeajiri watu 5 katika mtumbwi huo, lakini bila huruma: mtumbwi, machine, nyavu za kuvulia (mitego) na makalabai, vyote vilitaifishwa (vilichukuliwa na kuharibiwa) na bado nikawa na kesi ya kujibu, ya kwa nini natumia nyavu zisizoruhusiwa, wakati kwa kipindi hicho hapakuwa na nyavu zingine walizokuwa wanadai ndizo zinafaa.
Kutokana na hayo, sasa hivi nimebaki msaka tonge, wakati nilikuwa nimeajiri watu 5. Watu hawa kwa sasa nao wanalia njaa kali. Sasa, huyu ni mimi wa mtumbwi mmoja. Je aliyekuwa na mitumbwi 5-10, alipata hasara gani?
Kuna jamaa mmoja alinyang'anywa mitumbwi 5 na vifaa vyake, akawa kama mwehu kabisa. Mwanzo alikuwa kada mtiifu wa CCM kwa sasa ni mpinzani zaidi ya hao wewe unaowajua kuwa ni wapinzani wa kweli.
Lakini pia mm nilikuwa nina mabwawa ya samaki kando ya ziwa Victoria, kwa kipindi cha nyuma kabla ya 2015 tulikuwa tumeruhusiwa kufuga samaki sehemu hizo, lakini miaka ya 2016/2017 bila kutaarifiwa walitumwa maaskari wakayabomoa na kuharibu kabisa mabwawa hayo. Mpaka watu wengine walikufa kwa Presha. Haya huwezi kuyajua kama siyo mhusika.
Ebu sasa fikiria mtu alikuwa ana mabwawa 2 yenye samaki 1000 kila moja, na samaki hao wana umri wa miezi 5. Then kufumba na kufumbua yametoweka, hivi unahisi alijikuta ktk hali gani?
Mfikirie mzee wangu pale Kagera anayelima KAHAWA ambaye kipindi cha nyuma aliruhusiwa kuuza kahawa yake kwenye soko huria, kulingana na soko lililozuri ( penye bei kubwa zaidi). Sasa leo analazimishwa kuuza sehemu moja, kwny vyama vya USHIRIKA kwa bei iliyopangwa na serikali tena kwa mkopo. Unahisi anajisikiaje sasa?
Mfano: bei ya kahawa kwenye vyama vya ushirika ni 1000/= kwa kilo hapa Tanzania. Ukivuka Rwanda au Uganda bei ni nzuri zaidi labda 2500/= kwa kilo #thaman y tsh#. Halafu huko kumbuka ni tasilimu. Na huku kwetu ni mkopo na kuzurumiwa kukiwemo. Ukimwuliza waziri utasikia TUNATAKA KUMKOMBOA MKULIMA.
1. Je huo ndo ukombozi kweli?
2. Je Kuna dhamira ya dhati ya kumkomboa mkulima?
3. Je ndo maisha ya wanyonge yameimarika kama tunavyoelezwa?
Yapo mengi sana ya kusema, sema tu hata tukisema bado tuanaonekana ni wachichezi hata kwenye haki zetu.
Maandalizi ya KAWAHA mpaka mtu anavuana kahawa hiyo ni takribani mwaka mzima, bado pembejeo, wafanyakazi (wasaidizi) maana kama una shamba kubwa lazima utoe ajira. Lakini kwa sasa malipo yanayotolewa, MKULIMA hawezi toboa.
Lakini, aidha kwa kujua, kwa makusudi ama kwa kutojua, walioko kwenye mfumo wakiongozwa na MKUU WA MALAIKA hawajali. Wamebaki wanapambana na WAPINZANI, kana kwamba ndo walioharibu UCHUMI wa mtu mmoja mmoja na Taifa kwa ujumla.
Sent using
Jamii Forums mobile app