Hamjambo Wote!
Mimi Niko fresh Kabisa, nashukuru Mungu anasaidia.
Kwenye Mada.
Nilikuwa nafuatilia kwa ukaribu Kabisa Sababu ya upole au tuite Ulofa kama alivyosemaga Hayyati Benjamin Mkapa.
Nikagundua kuwa Watanzania wengi upole wao( Ulofa) sio tabia wanaoipenda au kujivunia nayo na Wala sio tabia ya Asili Bali Tabia ambayo inatokana na Moja ya mambo haya au yote kwa pamoja yaani Umaskini, ujinga na maradhi
Mbaya zaidi uwe Maskini alafu uwe mjinga huna ujanja hapo lazima uwe Mpole tuu.
Wewe ni Maskini alafu hujasoma, hujui mambo mengi Ukali na ukorofi utautolea wapi.
Ukifuatilia kwenye huduma za kijamii zinazotolewa katika taasisi za serikali kama Hospitalini au hata Jeshi la Polisi utaliona tatizo Hilo kirahisi zaidi.
Watanzania sio wapole kiasili Bali wengi wao ni Maskini na wajinga. Hivyo upole unaonekana kwa sehemu kubwa ni hawana namna nyingine ya kufanya zaidi ya kuwa wapole.
Mtanzania anaweza akawekwa kwenye benchi hata masaa matatu bila Sababu za maana na akatulia tuu. Sio kwamba ni Mvumilivu au Mpole hapana. Hapo atakuwa aidha ni Maskini asiye na lolote au Mjinga ambaye hajasoma akaelimika.
Fikiria mtu anafika hospitalini, yupo foleni anaona foleni haitembei, haulizi Sababu, kumbe Ofisini Daktari anapiga Stori au anachat na simu.
Au Mteja(Mgonjwa) anahudumiwa mara anatokea Daktari mwingine anakuja hapo Ofisini wanaanza kupiga Stori sio chini ya dakika tano.na Stori zenyewe hazina uhusiano na mambo ya Kazi ya Udaktari. Mgonjwa yupo hapohapo tuu anashangaa shangaa kwa ujinga wake.
Nenda Mwendokasi pale, mnaweza kukaa Lisaa hata limoja, mmejaa haswa. Watanzania wamekaa kwa upole wa bandia, hawana chakufanya.
Wahudumu wa Mwendokasi hawawajibiki kwa Sababu walishawadharau Watanzania.
Viongozi wa taifa nao wanajifanya hawaoni kwa Sababu wameshawadharau Watanzania kwani watafanya nini hao watu maskini na wajinga wasioweza kufanya lolote lile kujisaidia.
Twende kwenye Ajira.
Ndugu zangu jamani wanateseka haswa.
Hakuna cha upole hapo ni Ulofa.
Watu wanaajiriwa ni waalimu madaktari tena wadegree lakini mishahara Yao ukiambiwa utacheka kwa kuwahurumia.
Hivi MD au Mwalimu wa degree ni wakulipwa Laki 3 na serikali IPO, vyama vya wafanyakazi vipo, Dola IPO, usalama wa taifa upo, CCM IPO, chadema ipo. Viongozi wa Dini wapo 😂😂.
Kweli!
Mtu wa degree alipwe Laki Tatu na jamii IPO inaona kawaida. KWELI!
Unajua maana yake hiyo?
Kama mtu wa degree yaani mwenye elimu ya juu kabisa analipwa pesa za namna hiyo vipi Yule ambaye hajasoma Kabisa.
Unajua kimantiki ni kwamba Yule ambaye hajasoma atakuwa kwenye Hali mbaya zaidi.
Maana waajiri watatumia msemo na nahau kusema kama WA degree analipwa laki Tatu wewe nikulipe Laki Tatu ya nini na uliishia kidato cha nne au hukusoma Kabisa.
Alafu kuna Yale majitu majinga Kabisa na bila Shaka yametokea familia zile Fukara Kabisa na sio maskini utayasikia yakisema tafuta Pesa.
Huwezi mkuta mtu mwenye akili timamu na ambaye katoka familia iliyonyooka akaongea misemo ya kipunguani kama hiyo ya Tafuta pesa.
Wenye Akili wote na matajiri wanajua pesa inahitaji Mifumo Bora ya Sheria katika utafutaji ikiwemo kujiajiri na kuajiriwa hapo utahusisha na mambo ya Kodi, ulinzi wa Mitaji n.k.
Sasa mtu unamwambia atafute pesa, anakuuliza kwa namna ipi,aajiriwe alipwe Laki mbili itamtosha?
Alime tikitiki au korosho kuna soko la uhakika? Au ndio abeti?
Njoo kwenye Viwanda huko ndio utajua kuwa Watanzania sio kwamba ni wapole Bali ni umaskini na ujinga ndio adui aliyewamaliza.
Mtu anafanya Kazi masaa zaidi ya 12. Hicho kimshahara usitake kukisikia kwani itakuwa murder Case. Utakufa nakuambia.
Nilishawahi kusema na kuandika ni Bora tusiwe na kiwanda hata kimoja kuliko kuwa na maviwanda yanayogeuza Mwananchi hata Mmoja kuwa Msukule au mtumwa.
Lazima tujali watu wetu. Huo ndio Uongozi na utawala Bora.
Nilishasema kama Mtibeli hatuwezi epuka sera za UVAMIZI kama kweli tunataka kupiga Hatua.
Hayo maviwanda kama yanaulazima wa kuwepo tafuteni vibarua kutoka mataifa mengine wafanye hizo Kazi.
Wanaosema hivyo viwanda vinaleta Ajira nataka kuwaambia hakunaga Ajira za kuumiza watu na kuwafanya wawe Watumwa katika nchi Yao wenyewe. Hizo Kazi ngumu za shokoa zinahitaji ziwekewe Sheria inayoeleweka na maslahi ya wafanyakazi yawe Bora.
Kama haiwezekani vifutwe tuu.
Hao vijana wafanye shughuli zao zingine.
Serikali, usalama wa taifa, vyama vya siasa, Hatuwezi kujiona Tupo salama katika nchi yetu hii ambayo imejaa mvamvuli wa upole kumbe ni Ulofa uliosababishwa na Umaskini na Ujinga.
Nchi Ile iwe Salama sio kuwa na Jeshi IMARA lenye silaha IMARA.
Nchi Ile iwe Salama lazima wananchi wake wawe HURU.
Wasiwe Watumwa kwa wageni.
Wasifanyane Watumwa wao kwa wao.
Nchi ambayo wananchi wao wapo Huru lazima iwe na ulinzi na usalama Mkubwa.
Na Vita yoyote lazima watoboe. Iwe vita ya mapigano ya silaha za kiteknolojia, au vita ya Magonjwa, au Vita yoyote Ile.
Lakini nchi ambayo watu wake hawapo Huru. Kwa falsafa za Kitibeli tunasema nchi hiyo haiko Salama na Wala haina ulinzi wa maana.
Ni kwamba, nchi au taifa hilo lipo mikononi mwa maadui. Ingawaje kwa Nje wengi wanaweza wasilione Hilo lakini Kwa jicho la ndani au macho ya kimedani au jicho la kifalsafa tunaweza kusema taifa hilo halipo Huru na Uhuru wao upo mikononi mwa maadui. Na ikiwa maadui ndio wameshika taifa lolote lile hiyo itamaanisha taifa husika halipo salama isipokuwa kuna kiini macho.
Haishangazi kusikia utekaji, mauaji ambayo hayafanyiwi uchunguzi wowote, na watu wapo Kimya kana kwamba hakujatokea chochote. Hahitaji uwe na akili nyingi sana kugundua hatari iliyopo.
Tunahitaji Tanzania ambayo watu wanapendana Sana.
Kwa sababu kwenye upendo kuna umoja na ushirikiano na furaha.
Tunahitaji Tanzania yenye HAKI kwa Sababu Haki ndio utaifa wenyewe.
HAKI baina yetu wenyewe kwa wenyewe. Mtanzania Kwanza.
Mabadiliko haya yaanze na mtu Mmoja Mmoja.
Maana kuna watu wanataka tuu watu Fulani wabadilike labda viongozi huku wao hawataki kubadilika.
Mabadiliko unaanza nayo wewe.
Sio unahudumia wananchi labda fundi nguo unachelewesha Kazi za watu. Huna tofauti na hao wengine,
Au fundi Mwashi unaiba vifaa vya Ujenzi na kuihujumu nyumba ya Mteja wako.
Au upo hospital ni Daktari au Nurse, hudumia watu Kwa haraka na ufanisi watu waendelee na mambo mengine.
Mwalimu, sio unapigapiga kelele,unatukana Wanafunzi wako na kuwatolea Maneno yasiyo na kichwa Wala miguu kama mwendawazimu. Hufundishi vizuri na unategea. Taifa halijengwi hivyo.
Taifa lenye UKWELI na akili.
Mtibeli Acha nipumzike sasa
Robert Heriel
Taikon Master.
Kwa sasa Dar es salaam
