Mwanamwana
Platinum Member
- Aug 1, 2011
- 9,604
- 22,722
Msajili Msaidizi wa Vyama vya Siasa, Sisty Nyahoza, amethibitisha kuwa ujio wa ofisi hiyo katika Makao Makuu ya CHADEMA leo Jumatatu, Juni 1, 2026, ulikuwa na agenda moja tu ya kisheria inayohusu uundaji wa sera na madawati ya jinsia, huku akigoma katakata kujibu maswali ya wanahabari kuhusu kwanini chama hicho kimekuwa kikiandikiwa barua nyingi za mashitaka kuliko vyama vingine.
Akizungumza mara baada ya kumalizika kwa kikao hicho jijini Dar es Salaam, Nyahoza amepongeza uongozi wa CHADEMA kwa kutekeleza vyema sheria hiyo na kuwakaribisha vizuri ofisini kwao.
Nyahoza ameweka wazi kuwa kikao hicho kiliwashirikisha pia washirika wao kutoka Mtandao wa Mashirika ya Kutetea Haki za Wanawake (WiLDAF), na kimeenda kwa ufanisi mkubwa bila kugusia misuguano ya kisiasa iliyopo mahakamani.
Soma pia Sisty Nyahoza: Ofisi ya Msajili Hajakiuka amri ya Mahakama kuwaandikia barua CHADEMA
