Follow along with the video below to see how to install our site as a web app on your home screen.
Note: This feature may not be available in some browsers.
Mkuu huwa nafarijika sana unapoweka comment yako kwenye hili jukwaa hata kama wewe ni mnazi wa yanga ila mpira unaujua sana hakika hili jukwaa lingekuwa na mvuto zaidi wangepatikana watu 10 tu dizaini yakoPamoja na yote lakini Nabi pia akubali kuwa yeye ndiye aliyechangia wana Yanga kutolewa klabu bingwa. Kwasababu ya makosa yake kiufundi. Kwanini?
Mosi ni kitendo chake cha kuwachezesha Aucho na Feisal kwenye eneo la kiungo. Hii pair ya kiungo ni ajabu inafanywa kwenye michezo mikubwa ya kimataifa lakini hauoni ikifanyika kwenye michezo ya ligi kuu. Laiti kama ingekuwa ndio wanaocheza kwenye ligi kuu tungesema kaona ni partnership nzuri kwenye safu ya kiungo lakini kocha kaamua kucheza kamari anaacha kuwachezesha viungo ambao wanajulikana ndio walioifanya Yanga waonekane imara msimu uliopita. Aucho & sure boy au sure boy & Bangala au Bangala & Aucho. Lakini yeye kaja na kituko cha kulazimisha Aucho na Feisal wakati unae Sure boy.
Pili ni kitendo cha kulazimisha Lazima Aziz K aanze nalo limekuwa ni tatizo, mechi tatu zote ni makosa ya kimfumo na uchaguzi wa wachezaji ndio iliyoifanya Yanga kutopata matokeo. Jana Nabi karekebisha baadhi ya makosa yake ndio maana Yanga imeweza kupata matokeo. Yanga wakipata mipira wanaonekana wanatafuta kitu. Walikuwa wanashambulia kwa kasi na accuracy ya pasi ilikuwa ni kubwa.
Sent from my Redmi Note 9 Pro using JamiiForums mobile app
Igweeee igweeee!!
Napenda kwanza kukiri kuwa mimi ni shabiki kindakindaki wa Simba Sc, timu ambayo ni mahasimu wakubwa wa klabu ya Yanga hapa nchini Tanzania.
Bila ya kupoteza muda, napenda niwamwagie salamu za pongezi timu ya Yanga SC, viongozi na mashabiki wake kwa ujumla kwa kufanikiwa kufuzu kuingia hatua ya makundi ya Kombe la Shirikisho barani Afrika.
Pongezi nyingi zaidi nazielekeza kwa Kocha Nasrideen Nabi, kwa mara nyingine ameonesha kuwa ni kocha anayelielewa soka la Afrika. Jana amewaduwaza Watunisia wenzake pale Tunis. Mashabiki wa Club Africain hawakutegemea kuiona timu yao ikicheza kama 'underdog' ndani ya ardhi yao ya Tunisia.
Yanga walipiga mpira mkubwa sana, nimekoshwa sana na uchezaji wa Sure Boy pale kati na sijui kwanini huyu jamaa anawekwa benchi pale Yanga, hata hivyo hayo niwaachie wenyewe wana Yanga.
Nabi amefundisha jinsi ya kucheza na Waarabu ndani ya ardhi yao, alichokifanya ni kuuchukua mchezo walioucheza Club Africain hapa Dar wiki moja iliyopita na kwenda kuuhamishia kwa Yanga kule Tunisia. Zile zile mbinu za kupoteza muda walizokuwa wakizitumia Club Africain ndiyo amezitumia kwenda kuwaumiza nazo pale Tunisia.
Mara zote nimekuwa nikisema kuwa mimi ni muumini wa soka la kasi, wachezaji wanatakiwa wakimbie muda wote, wakiwa na mpira au wasipokuwa na mpira. Timu yangu ya Simba ina la kujifunza kutoka kwa Yanga na naamini kuwa kama Simba isipobadili aina ya soka la kobe (polepole) inalolicheza basi Yanga wana muda mrefu sana wa kutawala Ligi Kuu ya NBC hapa Tanzania.
Yanga siyo kwamba wana wachezaji wenye vipaji sana kuliko Simba. Yanga wana wachezaji wanaocheza soka la kisasa, soka la kasi kitendo kinachofanya mpira kuwa na 'actions' nyingi ndani ya dakika 90.
Simba tuna kawaida ya kucheza soka la taratibu sana, napenda kuliita soka la kizamani kutokana na aina ya wachezaji mafaza (wasiotaka kukimbia uwanjani) tuliokuwa nao, kitendo kinachowapa wapinzani wetu kujipanga katika kujilinda na kushambulia. Kwakweli hatupo 'aggressive' kama walivyo Yanga SC.
Narudisha tena pongezi kwa Kocha Nabi kwa kutumia akili kubwa ya kumuanzisha Aziz Ki benchi, nadhani hii iliwastua pia Club Africain, hawakutegemea kukutana nalo hili. Walikutana na kiungo flani pale kati aliyewapelekesha sana, naye si mwingine bali ni Sure Boy huku juu wakikutana na Feisal sehemu waliyotegemea wangemkuta Aziz Ki.
Nabi anajua kupanga mabadiliko yenye athari, alimuingiza Aziz Ki kipindi ambacho waarabu wamechanganyikiwa kwa kuona muda unakwenda, huku hawapati walichokuwa wakikitaka nacho ni ushindi. Aziz Ki akawafunga mdomo ndani ya ardhi ya Tunis.
Mwisho napeleka wito wangu kwa Yanga SC kuwa wasijiroge kusikiliza kelele za mashabiki kuwa wamfukuze kocha Nabi. Huyu Kocha dumuni naYe hata miaka mitano, hakika atakuja kuwafikisha mbali. Viongozi muungeni mkono kipindi cha usajili ili atoe mapendekezo yake awaletee wachezaji wa maana watakaoendana na falsafa zake.
Nimekuwa kisoka nadhani kutokana na umri kunitupa mkono kiasi ya kuwa sina ushabiki maandazi wa kukandia wapinzani wetu pindi wanapofanya vizuri. Huwa napenda kuuangalia mpira katika taswira tofauti na ya kishabiki.
Asanteni kwa kuwa nami.
Yes nakubali ulichokiandika...nlipokuwa mdogo nilikuwa napenda sana mpira yaani yale mapenzi ya kuumia moyo kabisa. Ila kuna siku nlikaa chini nikatafakari nikagundua ni upuuzi kuumia kwa kitu ambacho hakina manufaa kwangu wachezaji wanacheza ovyo, wanafungwa ila game ikiisha huwa wanacheka na kupeana mikono ila mashabiki tunatoka tukihuzunika na kulia. So nliacha ushabiki huo ,now m watching it for funMkuu ToniXrated hongera kwa bandiko lililoonyesha ukomavu mkubwa.
Uandishi kama huu unaweza kuwafanya wadau wengi wa JF wanaopenda ku "urgue Objectively" kuanza kuchangia mada za kimichezo. Mkuu ToniXrated sijui Imani yako hata hivyo naomba uniruhusu niseme kwamba usipokuwa mwangalifu kwenye football unaweza kumkufuru Muumba wako. Nikuhakikishe kwamba "There is a spirit operating behind football addiction" ndio maana unakuta watu hata wasomi na shahada zao wanatetea timu zao za Simba na Yanga kuliko hata wanavyotetea Imani zao. Ukitaka kuthibitisha nilichosema, hebu angalia mahudhurio ya Ibada au fellowships zinazofanyika siku ambazo kuna mechi za Yanga au Simba.
Naomba kuwasilisha.
Ahsante
Hapana hakuwepo, game ya Sudan ndo hata kusafiri hakusafiri kabisa mkuu..Ila benchi mbona alikuwa anawekwa kwenye orodha ya sub au niliona vibaya?
Sent from my Redmi Note 9 Pro using JamiiForums mobile app