Mimi labda sijaelewa.
Unakuta shule ya msingi A, ina wanafunzi 123 waliomaliza darasa la saba na wamafaulu wote kuingia kidato cha kwanza mwaka 2023.
Cha kushangaza wanafunzi wote wa hiyo shule ya msingi A wamepangiwa shule moja tu ya sekondari iliyopo kwenye hiyo kata kujiunga na kidato cha kwanza mwaka 2023.
Sasa kwanini wamehamishwa wote kutoka msingi moja kwenda sekondari moja iliyopo kiji hicho hicho na kata hiyo hiyo?
Kwanini wasingebakia hapo hapo msingi waendelee na kidato cha kwanza kwa shule ya msingi kuongezewa madarasa, walimu na vitendea kazi? Kulikuwa na haja gani kujenga shule jirani ya kuhamishia watoto wale wale , wa kijiji kile kile, kata ile ile?
Kulikua na haja gani kukopa mikopo ya Bank ya Dunia kujenga madarasa mapya kibao shule ya jirani na ilipo shule ya msingi kwa ajili ya kuhamishia hapo watoto?
Je Prof, huoni kuwa mitihani ya darasa la saba unaofanyika kwenda kidato cha kwanza sasa ni ya kufutwa na kuboresha shule za msingi ziwe hadi kidato cha nne?
Huoni sasa ni wakati wa shule za sekondari za kata kugeuzwa kuwa vocational training kwa ajili ya wanaomaliza kidato cha nne na kushindwa kuendelea na masomo ya kidato cha tano?