KAMA NI HIVI, TUMEYARUDIA MATAPISHI.
Mhe. Tundu Antiphas Lissu alishawahi kuapa bungeni kuwa: Hata bure, hawezi kupokea ushauri wa kisheria kutoka kwa Bwn. George Masaju aliyekuwa mwanasheria mkuu wa serikali ya awamu ya nne.
Leo hii, sifa za kijinga, kwamba
#hapa_kazi_tu , ameteuliwa tena yule yule George Masaju, ambaye alikuwa mtetezi wa sheria mbovu ndani ya bunge, moja wapo ni ile ya Uhuru wa kupata habari, gesi na petroli, nk.
Hatutarajii jambo lolote jipya kwani hakuna cha kuleta upya, wabunge wa CCM ni walewale ambao watateuliwa kuwa mawaziri, business as usual, ndiyo maana walituimbia nyimbo "CCM ni ile ile", nasi tukaitikia. Tulitaka mabadiliko, baadhi wakajidanganya kuwa hata wao wangeleta mabadiliko, bila kufahamu kuwa CCM ilikwisha kuyakataa mabadiliko ya kweli tangu kwenye bunge maalum la Katiba.
Hatuna matatizo na magufuli yeye kama yeye mbali na kuapa kwa ushindi ambao haukuwa saizi yake, ila tuna tatizo na uwezo wake kama rais, pia na chama chake kitakachounda serikali, chama cha mapinduzi CCM, chama kilichofikia ukomo wa kufikiri kwa niaba ya taifa, na kilichoshindwa kutetea maslahi ya watanzania wote.
Inachosikitisha ni kwamba baadhi ya wananchi wameamua kuyarudia matapishi yao, vijana wasio na ajira rasmi wamekuwa washabiki wakubwa wa siasa bila kufikiri hatma yao miaka ishirini-thelathini ijayo, vijana wasio na elimu wamejikuta kwenye wimbi la ujinga kushabikia siasa bila kutafakari tulikotoka na tunapokwenda, wazazi wameshindwa kua,mua vema kwa manufaa ya vizazi vyao, wakaangalia maslahi yao yanayowanufaisha leo....
Taifa linaingia matatizoni siku ya kwanza, na naamini tutajuta sana siku za usoni, lakini tukumbuke kuwa "Majuto ni mjukuu. Mlijuta....mnajuta...mtajuta...mtakujajuta