Mhe Rais wetu, na viongozi wote wa serikali yako, sisi kama vijana tunayemtazama. Paul Makonda kama chachu ya uongozi katika mioyo ya vijana, tunakuja mbele yako kwa unyeyekevu mkubwa kuomba msamaha wa yale yote aliyoyafanya kinyume na matakwa yako na serikali yako kwa ujumla.
Tunaamini yapo mapungufu mengi aliyonayo na yapo makosa mengi aliyoyafanya hata ambayo sisi tunaweza tusijue, ila tunakujua wewe Mh. Rais kama Baba mwenye upendo, mwenye huruma, kipenzi cha vijana wa taifa hili, mwenye moyo wa kusamehesaba mara sabini maana tumekushuhudia ukitusamehe vijana wa taifa hili. Tunakuomba sana baba msamehe Makonda mpe nafasi nyingine itakayokupendeza ili aendelee kuwatumikia watanzania.
Tunaamini bado anayo akili, utashi, ujasiri na upendo kwa nchi yake. Bado ana vitu vingi sana vya kuwafanyia wanyonge wa nchi hii. Bado tunaamini anayo nguvu ya kuendelea kusimamia utekelezaji wa ilani ya Chama Cha Mapinduzi ambayo kwa 2020-2025 imesheheni mipango mingi na mizuri sana kwa kijana wa nchi hii.
Baba msamehe Makonda mpe nafasi katika serikali yako.Tunakuahidi kukupigia kura nyingi za kishindo, zitakazoonyesha shukrani yetu kwa kazi uliyoifanya kwa nchi hii.Kwa yeyote anayeweza kumfikia Mh. Rais, tunakuomba umwambie tunampenda, tunamuomba amsamehe Makonda, yatima, wajane, maskini, wanyonge na vijana wanchi hii tunamkumbuka na kumuombea msamaha.
Lakini pia tunamuomba Askofu Gwajima amsamehe na kumuondolea laana aliyoitamka madhabahuni kwake ya kumfuta katika siasa za nchi hii juu yake. Bado ni kijana mdogo anayehitaji kusamehewa na kufundishwa. Taifa hili bado linahitaji mchango wake.Mungu awabariki sana.Kwa niaba ya tunaomkumbuka Makonda.
[email protected].
View attachment 1556427View attachment 1556428
NOTE: MLETA MAADA HANA MASLAHI WALA HUUSIANO NA UJUMBE HUSIKA, HIVYO HASIUSISHWE MOJA KWA MOJA NA MADA, YEYE NI MLETA TAARIFA TUU.
