Tindo
JF-Expert Member
- Sep 28, 2011
- 63,730
- 111,542
Ndugu zangu Ni ngumu Sana kuongoza watu walio kata tamaa,walio jaa hasira , wanaolia na kuvuja machozi mioyoni mwao, Ni ngumu kuongoza na kusikilizwa na watu wasioona mbele kwa matumaini, Ni ngumu Taifa kutulia na kuwa lenye amani na mshikamano ikiwa limejaa watu ambao hawajuwi hatima ya maisha yao ya kesho, Wala hatima ya watoto wao , Wala namna watakavyoinuka kiuchumi kutoka katika Hali zao,
Rais Samia Amefanikiwa kwa asilimia zote kuwa fanya watanzania kuwa na matumaini ya maisha yao ya kesho, watanzania kwa Sasa mioyo yao imejaa amani na furaha kwa kuwa kila mtu ameguswa na utumishi wa mh Rais wetu, kila mtanzania mwenye kero au shida anamatumaini kuwa kesho itapatiwa suluhisho na atasikilizwa,
masikio ya mama yanamsikiliza kila mtu, macho ya mama yanamtazama kila mtu kwa huruma upendo na uwajibikaji, mikono ya Mama inamgusa kila mtanzania mwenye kuhitaji kushikwa mkono na kuinuliwa, miguu ya mama inamfikia kila mtu mwenye kuhitaji kufikiwa, Sauti ya mama inasikika na kufika kwa watu wote na kwa kila mtu, Tabasamu la mama Ni kwa watu wote, moyo wa mama Ni kwa watanzania wote, akili ya mama Ni kwa kila Raia wa nchi hii, Kauli za mama Ni za haki na upendo kwa mtanzania, Ulimi wa mama Ni wa upendo kwetu sote, maamuzi ya mama Ni kwa maslahi yetu watanzania
Ndio sababu husikii watu wakimlaani mh Rais wetu mpendwa zaidi ya kila mtu kumwombea Afya njema na maisha marefu yenye heri na baraka,husikii watu wakiwa wamekata Tamaa kimaongezi maana wanaona juhudi za mh Rais wetu mpendwa katika kushughulika na kero yoyote inayojitokeza mbele yetu,
Wakulima wanamatumaini na maisha yao kuwa Bora kesho kwa kuwa wanaona juhudi za mh Rais wetu kuwainua kiuchumi kwa kutoa Ruzuku ya billion Mia moja hamsini iliyopelekea kushuka kwa Bei ya mbolea sokoni,lakini pia kwa Sasa soko ni la uhakika kwa mkulima Tangia wakati wa mavuno
Ukienda kwa vijana nako unakuta mh Rais wetu mpendwa ametupatia matumaini makubwa Sana ya kesho yetu kuwa njema hasa baada ya kuona akijitahidi kwa nguvu zake zote kutoa ajira kwa kadri Hali ya uchumi inavyoruhusu hivyo kujenga matumaini kwa vijana kufaidika na ukuaji wa uchumi katika nchi yetu
Ukienda kwa wafanyabiashara nao pia wanamatumaini makubwa na mh Rais wetu mpendwa baada ya kuwa mazingira ya kibiashara na kiuwekezaji kuwa yameboreshwa vizuri na kuwa rafiki kwa wafanyabiashara, Biashara zinazidi kufunguliwa kila Kona ya nchi hii na siyo kufungwa kila siku, Jambo linalochochea kuongezeka kwa mapato yatakayosaidia kuwekeza katika huduma za kijamii na uendeshaji wa serikali
Huduma za kijamii pia zimeendelea kujengwa na kusogezwa karibu ya mwananchi na kumpunguzia mtanzania adha ya kusafiri umbali mrefu kutafuta huduma, hivyo kufanya watanzania kutumia muda wao katika shughuli za kiuchumi
Ukienda katika Elimu utakuta mama amefanya makubwa Sana hasa baada ya kutoa hakikisho hata kwa watoto wanaotoka familia maskini kupata Elimu bila shida baada ya uamuzi wake wa kugharamia Ada kwa wanafunzi wote wanaojiunga na Elimu ya msingi Hadi sekondari, hata kwa wa Elimu ya juu nako ameongeza bajeti ili kuwafanya wengi kupata mikopo ya Elimu ya juu
Kwa ufupi Ni kuwa mh Rais wetu mpendwa mama Samia suluhu Hassani amefanikiwa kugusa kila eneo na kumgusa kila mtanzania kwa utumishi wake uliotukuka na uliyoleta nuru na matumaini kwa maisha ya watanzania
Kazi iendeleee, Mama Ametufikia na kuwafikia watanzania kwa utumishi wake uliotukuka
Lucas Mwashambwa, kijana mzalendo na mpenda nchi yangu
Majizi ya kura shughuli mnayo. Naona mnalazimisha kukubalika.