Mwanasheria na Mwakilishi wa Kampuni ya Sandaland Fashion Wear Limited, Cletus Tharcisiusy Nziku ametoa ufafanuzi kuhusu sintofahamu iliyojitokeza juu ya ubora wa jezi za Timu ya Taifa, huku akisisitiza kuwa kauli zilizotolewa zikiponda ubora wa mavazi hayo si za kiungwana na hazipaswi kufumbiwa macho.
Amesema hakuna taratibu wala sheria zilizokiukwa na kwamba masuala ya viwango na ubora wa jezi yana mifumo yake rasmi ya kisheria na kikataba ya kuyashughulikia badala ya kuyajadili bila msingi.
Akiwasilisha vipengele vya kisheria, mwanasheria huyo amerejea Sera ya Maendeleo ya Michezo ya Mwaka 1995 pamoja me Kanuni za Shirikisho la Mpira wa Miguu Duniani (FIFA Statutes), hasa Ibara ya 19(1).
Eleza kuwa vifungu hivyo vinataka kila shirikisho la soka nchini kuendesha na kusimamia shughuli zake za kibiashara, kiwekezaji na uendeshaji kwa uhuru kamili bila kuingiliwa au kupewa maelekezo na upande wa tatu (third party).
Ameongeza kuwa Waziri wa Michezo, Paul Makonda, ni upande wa tatu katika mkataba huo wa kibiashara ulilotiwa saini halali kati ya Kampuni ya Sandaland na Rais wa TFF, Wallace Karia.
Soma:
Sandaland Kuiburuza Mahakamani Wizara ya Michezo Kuhusu Jezi za Taifa Stars