Pole sana mkuu, kwa hali unayoipitia, najua kwa hali unayoipitia sasa msaada pekee unaouhitaji ni shughuli/kazi ama pesa/mtaji lakini acha niandike haya machache kama faraja yangu kwako na hata kwa wengine.
Kuna kipindi nilipoteza kazi nikayumba vibaya mno, nilikonda hadi nikikutana na watu ambao tulionana muda mrefu ikawa wananishangaa. nikiwa katika harakati za kuweza kupata kitu cha kufanya ili mkono uende kinywani, nikapata wazo la kufanya biashara ya kuuza bidhaa ndogo ndogo (dawa za meno, subuni, mafuta nk) ndani ya stendi ya magari.
Changamoto ikawa ni mtaji, nilihitaji angalau shilling elfu thelathini hadi hamsini tu kwa ajili ya kuanzia.
Baada ya kuwaza sana nitafanya nini ili kupata mtaji nikapata wazo nikamshawishi mama mkubwa anipe debe la karanga kwa mali kauli/mkopo.
Nikamshauri bimkubwa nae akanipatia.
Ilikuwa vigumu sana kuingia mtaani kuuza karanga lakini nikiwa katika hali ngumu sikutaka kuipa akili yangu muda wa kuchakata kwamba nani ataniona vipi.
NITAIFUPISHA KIDOGO KUOKOA MUDA MTU AKIWA NA SWALI ATANIULIZA.
Nikazikaanga karanga za maganda na kuingia mtaani, nikawa nauza faida nakula kidogo nyingine naweka, baada ya siku chache nikapata wazo la kwenda kuziuza katika fukwe za bahari muda ambao wavuvi wanarudi baharini, hapo ndipo nilipoanza kujipata, nilikuwa nauza ndoo kubwa mbili kwa siku nakunja elfu 15, debe la karanga lilikuwa ni elfu 10, kipimo changu nilikadiria faida ya elfu 7500-8000 kwa kila debe moja
Yale mawazo ya biashara za stendi yakafa yenyewe. Nikanunua na baiskeli kwa ajili ya kusombea kuni na kuuzia karanga mtaani siku ambazo wavuvi hawaendi bichi.
Nikajisahau kwamba karanga ni za msimu tu zilivoanza kuwa adimu nikayumba kidogo lakini nilikuwa na pakuanzia hivyo sikurudi kwenye sufuri tena.
Lengo la kuandika hii ni nini?
ni kuiunga mkono ile kauli inayosemwa sana na motivation speaker kwamba ANZA NA ULICHONACHO.
Najuwa hata hii jamiiforums ni miongoni mwa vitu ambavyo unavyo kwa sasa ila pia angalia na vitu/watu hapo mtaani ambao/ambavyo vinaweza kukufanya upate shughuli yoyote ile ya kuifanya.
Mungu akufanyie wepesi kwenye hili kaka.
min -me Intelligent businessman Eli Cohen
