Kaka ulijaribu kupinga hoja yangu kwamba mataifa ya Ulaya wana sababu zao kushikamana na Ukraine. Maana yana historia na Urusi inayotangulia kuundwa kwa NATO na Marekani kuonekana huko Ulaya. Kama historia yako inaanza kwenye vita baridi (au kwenye hatua za nchi za Ulaya Mashariki-Kati kujiunga na NATO), historia ya mataifa ya Ulaya na Urusi ni ndefu zaidi. Finland, Poland na nchi za Baltiki zinajua jinsi zilivyovamiwa na kufanywa kuwa koloni za moja kwa moja tangu karne ya 18 na 19.
Poland (1939, 1945) Chekoslovakia (1946, 1968) na wengine wanajua jinsi walivyolazimishwa kupokea ukomunisti wa Urusi na kuwa nusu koloni hadi 1990.
NATO yenyewe haikuundwa kama umoja wa kushambulia Urusi, iliundwa kama jibu la upanuzi wa himaya ya Urusi baada ya 1945 na uvamizi wa nchi za mashariki.
Wakati wa kuporomoka kwa himaya ya ukoloni ya Urusi (=Umoja wa Kisyoveti) mnamo 1990 hakuna aliyetaka kupanusha NATO.
Lakini mataifa yaliyoondoka katika ukoloni wake walipanga foleni kwa hiari yao kujiunga.
Ukipenda kujionyesha kama mtu anayejua historia na mandharinyume, si vibaya ukujaribu kunyosha elimu yako kidogo, sivyo?
Maarifa hayo yote yameingia katika maazimio na mabadiliko yaliyotokea sasa katika Ujerumani, Uswidi na Finland, ambazo zilikuwa imara sana dhidi ya madai ya Marekani hadi Machi 2022, walipoona Putin haaminiki .
