Kwasababu hajawahi kuitawala AFRIQUE
Sent using
Jamii Forums mobile app
Mkuu, maneno huwa na maana. Ufafanuzi wa beberu hautegemei Afrika ya pekee. Koloni zilikuwepo kwenye mabara yote.
Urusi ilikamata koloni zake kwa njia ya nchi kavu, si kuvukia bahari kama kisiwa cha Uingereza. Hivyo Urusi ilienea katika Ulaya na Asia hadi kuifika Amerika tu, ilikosa nguvu wakati ule kufikia Afrika.
Hii haipunguzi tabia yake ya ubeberu hata kidogo.
Urusi iliwahi kuneza himaya yake katika Asia ya Magharibi kwa kujitangaza kama mlezi wa Wakristo Orthodoksi walioishi chini ya serikali za Waislamu Waturuki-Waosmani na Iran. Iliangalia pia Waorthodoksi wa Ethiopia kwa shabaha ya kuwaweka chini ya ulezi wa kanisa la Kirusi.
Hali halisi kulikuwa na jaribio moja la kuunda koloni ya Kirusi Afrika kwenye mwaka 1888. kikosi cha
Wakozaki Warusi chini ya Nikolai Ivanovich Ashinov kilifika kwenye pwani la Ghuba ya Tadjoura kwenye pwani la Bahari ya Shamu (Red sea). Walikamata kijiji cha Sagallu na kuikiita "Moscow Mpya".
Ashinov aliwahi kuwasiliana na viongozi wa Kanisa Urusi, mawaziri wa serikali na viongozi wa jeshi. Lakini waziri wa mambo ya nje alihofia matatizo na nchi nyingine hivyo Ashinov alienda na misaada wa viongozi wengine lakini bila idhini rasmi ya serikali.
Alikuta upinzani mkali wa Italia iliyoandaa mipango yake ya ukoloni katika Eritrea. Bila kujua -maana hakuandaa vizuri mipango yake- alikamata kijiji cha Sagallu na kuunda "Moscow Mpya" katika eneo lililodaiwa na Ufaransa - leo hii iko ndani ya Jibuti. Wafaransa walikuwa tayari kumruhusu aingie Sagallo na kuendelea Ethiopia lakini Ashinov alidai alikamata eneo litabaki kwake.
Warusi walilalamika rasmi kwa serikali ya Urusi. Urusi hikuwa tayari kuingia katika ugomvi na Ufaransa wakajibu kundi la Ashinov si wawakilishi wao rasmi. Kwa hiyo Wafaransa walituma manowari, wakapiga kituo cha Warusi kwa mizinga na Warusi walisalimisha amri wakarudishwa Urusi.
Koloni ya Urusi katika Afrika ilidumu wiki 4 tu.
