Mkuu ukweli ni malkia mgumu zaidi. Kwa bahati mbaya unarudia hapo juu maneno ya uwongo; ni kawaida ya bwana Mathanzua kuchota kwenye akiba yake kubwa ya fake news.
Hotuba ya Bwana Scholz ilikuwa na maneno yafuatayo:
Hatuwezi kutazama tu wakati nchi yenye silaha za nyuklia na mwanachama mwanzilishi wa Umoja wa Mataifa ambayi ni pia mwanachama wa kudumu wa Baraza la Usalama la Umoja wa Mataifa - inapotaka kupanusha mipaka kwa kutumia vurugu.
Hakuna uhalali wowote wa vita ya uvamizi ya Urusi dhidi ya Ukraine. Rais Putin anaendesha vita hiyo akiwa na lengo moja: kuiteka Ukraine.
Kujitawala na uhuru wa kisiasa havina maana kwake.
Kuna neno moja tu kwa hili. Huu ni ubeberu waziwazi! Kurudi kwa ubeberu sio tu janga kwa Ulaya. Pia ni janga kwa mfumo wetu wa amani duniani, ambao ni kinyume cha ubeberu na ukoloni mamboleo.
Ndiyo maana ilikuwa muhimu sana kwamba, hapa katika chumba hiki, nchi 141 zililaani vita ya uvamizi ya Urusi. Lakini hiyo pekee haitoshi!
Ikiwa tunataka vita hiyo iishe, basi hatuna budi kujali jinsi inavyoisha. Putin ataacha tu vita yake na matamanio yake ya ubeberu ikiwa atagundua kuwa hawezi kushinda.
Hii ndiyo sababu hatutakubali amani inayoamriwa na Urusi - na hatutakubali kura za maoni za udanganyifu pia.
Hii ndiyo sababu Ukraine lazima iweze kujilinda dhidi ya uvamizi wa Urusi. Tunasaidia Ukraine kwa nguvu zetu zote - kifedha, kiuchumi, kwa usaidizi wa kibinadamu na pia kwa silaha.
Pamoja na washirika wetu kote ulimwenguni, tumeweka vikwazo vikali vya kiuchumi kwa uongozi wa Urusi na uchumi wa Urusi. Hivi ndivyo tunavyotimiza ahadi ambayo kila nchi yetu ilitoa wakati wa kujiunga na Umoja wa Mataifa, yaani kuunganisha nguvu "kudumisha amani na usalama wa kimataifa".
Ona tovuti rasmi: Speech by Olaf Scholz, Chancellor of the Federal Republic of Germany, at the 77th general debate of the United Nations General Assembly, New York, 20 September 2022
