KERO UDOM matokeo yametoka ila kwa baadhi yamekuwa 'Withheld' japo tumemaliza kulipa ada

KERO UDOM matokeo yametoka ila kwa baadhi yamekuwa 'Withheld' japo tumemaliza kulipa ada

Hii ni kero ambayo mwananchi ameiwasilisha JF akitaka wahusika kuchukua hatua

Liham

New Member
Joined
Oct 6, 2026
Posts
1
Reaction score
0
Screenshot_20261006-203856.jpg


Habari, mimi ni mwanafunzi wa Chuo Kikuu cha Dodoma (UDOM). Matokeo ya mwaka huu yametoka, lakini kwa baadhi yetu yamewekwa kwenye mfumo kama “withheld”, licha ya kuwa tumekamilisha malipo yote ya ada na hatuna deni lolote la chuo.

Chuo kimetoa namba ya Bursar ambayo wanafunzi wenye changamoto hizi wanatakiwa kuwasiliana nayo kwa ajili ya kupata ufafanuzi. Hata hivyo, unapopiga simu kwenye namba hiyo, mara nyingi inakuwa busy na baadaye inakuelekeza kwenye namba nyingine ambayo haipokelewi.

Kinachotia wasiwasi zaidi ni kwamba mitihani ya marudio (supplementary examinations) inaanza Jumatatu, lakini hadi sasa baadhi yetu bado hatujaweza kuona matokeo yetu kwa sababu yamewekwa “withheld”.

Tunaomba UDOM itoe ufafanuzi kuhusu sababu ya matokeo hayo kuzuiwa kwa wanafunzi ambao wameshakamilisha malipo yao, pamoja na kuweka utaratibu wa haraka wa kushughulikia changamoto hii kabla ya kuanza kwa mitihani ya marudio.

Mwanafunzi anapaswa kujua matokeo yake kwa wakati ili aweze kujipanga ipasavyo kwa hatua inayofuata ya masomo. Tunaomba suala hili lishughulikiwe haraka.
 
Anha. Sawa! Subiri litashughulikiwa
 
Takribani mwezi mmoja tangu matokeo ya muhula wa pili kutangazwa katika Chuo Kikuu cha Dodoma, zaidi ya wanafunzi 2,000 bado wanakabiliwa na changamoto ya matokeo yao kuonesha ujumbe wa “Result Withheld” wanapoingia kwenye akaunti zao.

Hali hii inazua hofu zaidi kwa kuwa mitihani ya marudio ilianza Oktoba 12, 2026. Wanafunzi wana wasiwasi kwamba huenda wakakosa kufanya mitihani hiyo na kuishia kufukuzwa chuo (disco).

Kila siku kumekuwa na matangazo kwamba suala hilo linafanyiwa kazi, lakini hadi sasa hakuna muafaka unaoonekana. Wanafunzi wanaendelea kuwa na wasiwasi huku muda wa kufanya mitihani ukiendelea kuyoyoma.
 
Back
Top Bottom