ministrant
You ask, ‘So what?’ OK sir, and that simple question opens the door to something much deeper...
Usipozama deep, habari ya kuonekana kwa safina ya Nuhu unaweza kufikiri inawahusu walokole tu. Ngoja "nikuchanue!" Habari hiyo inatufundisha mambo ya msingi sana yanayoweza hata kutusaidia kiuchumi:
Kwanza, inatufundisha kuhusu utii na maandalizi. Nuhu alitii maagizo ya Mungu na akafanya maandalizi ya jambo ambalo wengine waliona ni upuuzi. Kiuchumi, hiyo inatufundisha umuhimu wa kuwa na maono ya mbali. Taifa lolote lisipojifunza kutii kanuni za kiuchumi na kufanya maandalizi ya dhati, litabaki tegemezi.
Pili, inatufundisha kutokukata tamaa hata tukionekana wendawazimu. Nuhu alidhihakiwa kwa miaka mingi, lakini hakukata tamaa. Sisi pia, Afrika, hatupaswi kukata tamaa mbele ya changamoto za utegemezi wa nje. Tuanze na mambo madogo: uzalishaji wa ndani, nidhamu ya matumizi, na uwajibikaji, bila kujali wanaotubeza.
Tatu, habari hiyo inatufundisha ukweli wa kihistoria. Inajenga imani na uthubutu. Ukiwa na imani kwamba Biblia sio hadithi bali kitabu chenye habari na historia halisi, unapata nguvu ya kuamini hata ahadi za Mungu kuhusu kuinuliwa na kufanikiwa (Kumbukumbu 28:1-13). Hii imani inachochea pia uthubutu wa kiuchumi.
Kwa hiyo, ndugu yangu
ministrant, habari hiyo ni sehemu ya ukombozi wetu: kiroho, kiakili na hata kiuchumi. Ukombozi huanza na kufunguka kwa akili!
Curious to hear your take!!
