Nasema hakuna, ni sawa na mama kwa mwanaye, hawezi kuyafuta mema ya mzazi wake, wala chochote juu yake.*
*Kitendo cha kumlea tangu akiwa tumboni, kumnyonyesha na kumfundisha lugha miaka miwili, akakua na kuufahamu Ulimwengu hakiwezi kufananishwa na chochote duniani.
Hata kama mama huyo atampiga na kumtusi vipi mwanaye lakini bado kosa lake haliwezi kufuta wema aliomfanyia.*
*Hivyo hivyo kwa Paul Makonda* ambaye leo hii ni Mkuu wa Mkoa, huyu amepigana vita kubwa kubwa zilizowashinda wengi, vita za Makonda ni sawa kama zile za Goliathi aliyetajwa katika Biblia, Masalakulangwa na Jing'weng'we waliotajwa katika simulizi za kale.
Makonda naye amesambaratisha makundi mbalimbali likiwemo maarufu kama kundi la Mafia la wauza madawa ya kulevya yalioangamiza vijana wa kitanzania na wengine kufungwa jela huko nje ya nchi, mfano nchini China, zaidi ya vijana takribani 200 walishitakiwa na wengine wamefungwa jela, nchini Brazil vijana wasiopungua 200 walishitakiwa na wengine wamefungwa jela, Afrika Kusini vijana wasiopungua 200 walishitakiwa kwa makosa ya biashara haramu na wengine wamefungwa jela, achilia mbali nchi nyingine na waliongamia na kushitakiwa hapa hapa nchini kwa sababu ya biashara hii haramu.
Jana, vyombo vya habari vimeripoti kuwa Mkuu wa Mkoa wa Dar es Salaam amesaidia watoto 60, wanaotoka familia masikini ktk Taasisi ya Moyo ya Jakaya Kikwete (JKCI).
Mkurugenzi mwendeshaji katika kitengo cha Moyo Profesa Mohamed Janabi amesema mapaka sasa watoto 30 kati ya 60 wamefanyiwa upasuaji ndani ya miezi mitatu na kadiri siku zinavyokwenda imeripotiwa kwamba, hadi sasa kuna zaidi ya watoto 500 wenye tatizo la moyo lakini wazazi hawana uwezo wa kumudu gharama za matibabu.
Pamoja na ripoti hiyo ya taasisi ya moyo ya Jakaya Kikwete imemshukuru Mkuu wa Mkoa Paul Makonda kwa kuwajali watoto hao ambao anawalipia kila awamu watoto kumi 10.
Mkuu wa Mkoa Paul Makonda ameishukuru taasisi hiyo ya Moyo ya Jakaya Kikwete na vile vile ameishukuru Wizara ya Afya chini ya Waziri Mhe. Ummy Mwalimu kupitia Serikali chini ya Uongozi wa Rais Dk. Magufuli kwa fedha zinazotolewa na serikali kwa ajili ya matibabu kama hayo na kuongeza kuwa, anamshukuru Balozi wa Jumuiya wa Falme za Kiarabu kwa kumuunga mkono na kwa kuleta Madaktari Bingwa kutoka nje ya Nchi ili kuja kufanya upasuaji wa watoto hao wanaotoka familia duni za kimasikani.
Sambamba na hilo, Mkuu wa Mkoa Ndg. Paul Makonda amesema kwamba, mwezi wa 11 hadi wa 12 mwaka huu utakuwa mwezi wa kushukuru wananchi wa Dar es Salaam kwa namna wanavyotoa ushirikiano mbalimbali kwa serikali katika mkoa. Lengo kuu la tukio hilo ni kufanikisha upatikanaji wa fedha bilioni moja itakayokusanywa kutoka taasisi za kibenki, makampuni na wadau mbalimbali ili fedha hizo zikagharimie matibabu ya watoto hao.
Lakini pia, ameongeza kuwa, anatamani sana kuona watoto hao wanafurahi pamoja na jamii katika siku kuu mbalimbali zinazowakutanisha watu na kufurahi.
Akiongea mbele ya waandishi wa habari, Makonda alikusia juu ya maswali mbalimbali yanayoulizwa na baadhi ya watu wanaohoji ni wapi Mkuu Makonda anapata fedha za kugharamia matibabu ya watoto na misaada mbalimbali anayoitoa kwa wahitaji/watu masikini?
*RC. Makonda amesema ya kwamba, "Nchi hii ni tajiri na watu wa nchi hii ni matajiri, wanachohitaji ni mtu mwaminifu, mwadilifu anayeomba fedha kwa matumizi sahihi."*
*Sasa nauliza, Mungu awape nini watanzania ikiwa vijana kama huyu Makonda wanafanya mambo makubwa ya kitume katika taifa hili?*
*Kuna kosa gani laweza kufuta wema anaoufanya Paul Makonda kwa watanzania?*
*Mimi nafikiri kama kuna jambo la kufanya ni watanzania kumuombea Makonda ktk njia zake na kumuomba pia Rais wa nchi Dk. John Magufuli ampe kiti/dhamanaa kubwa zaidi ya hapo alipo huyu "Paul Makonda" ili apate nguvu ya kuhudumia taifa zima akiwa kiongozi wa kitaifa. Hii ni kwa sababu, anayoyafanya Makonda si ya Mkuu wa Mkoa, kimkoa pekee, bali ni zaidi ya Mkoa.*
*Tumepata Rais mzuri, na tunapata vijana wazuri sana katika taifa letu, ni muhimu sana kuwashikilia kwa mikono miwili maana bahati haiji mara mbili mbili.*
Asante mkuu kwa hoja yako tukufu juu ya mkuu wetu wa mkoa Mh. Paul Makonda.
Ilibaki kidogo nikupigie makofi ya kukushukuru kwa jitihada zako za kutoa maelezo matam ya kumpa sifa RC wetu Mh. Paul Makonda. Baada ya kuingalia kiundani ikabidi nisitishe ghafla tendo hilo.
Kwa mtazamo wangu nafikiri kuna kitu kimoja kikubwa sana kina kosekana katika hoja yako uliyo tuletea. Umesahau au umekosa kutambua au kutathmini kuwa Mh. Makonda kama RC anawajibu gani katika Mkoa wake.
RC Makonda kwa vile ana mwakilisha Rais wa Tanzania katika mkoa wetu basi itambulike kuwa yeye ni Rais wa mkoa wetu. Mambo yote yanayotendeka katika mkoa huu yakiwemo mambo ya kimaendeleo na usaalama yeye ndiyo commander in chief kama ilivyo kwa Rais Magufuli kwenye nchi.
Kwa hiyo mkuu ukiondoa hiyo mada inayo husu madawa ya kulevya hayo mengine yote uliyo ya eleza juu ya engagement yake katika kutafuta pesa kwa ajili ya matibabu ya watoto masikini wenye matatizo ya moyo na kadhalika hiyo ni charity work. Naomba ieleweke kuwa Charity Work ni party ya maisha yake kama mtawala lakini sio ya kuipa kipao mbele kikubwa sana, kwani kuna wizara na idara zinazo husika. Kipao mbele chake kikubwa kiwe kwenye maendeleo ya kimkakati ya mkoa wake.
Nachotaka kukuambia hapa ni kuwa RC Makonda anajukunu kubwa sana katika mkoa huu mbali na charity work. Huu mkoa una wakazi wengi sana kuliko mkoa wowote mwingine nchini, zaidi ya hayo huu mkoa ni Gateway la kutuunganisha sisi na Outside world. Kwa hali hiyo nguvu kubwa inatakiwa itumike kuufanya huu mkoa kama jiji kuwa dynamic.
Ukiangalia uwingi wa idadi ya wakazi wa huu mkoa ambao mpaka hivi sasa wako na wale ambao kila siku wanaongezeka kutoka mikoani na vijijini na hata nchi nyingine za ulimwengu, utaona kuwa the dynamism au kasi ya utekelezaji wa mipango na miradi mingi ya maendeleo ili kukidhi mahitaji na matakwa ya wakazi wa huu mkoa, haiendani, ni ndogo mno.
Charity activities za mkuu wa mkoa kwa uzito wa majukumu wa huu mkoa naona ni kaji tone tu cha maji kwenye mawe mengi kubwa,
ukilinganisha na speed la ongezeko la watu. Huu mkoa unahitaji nguvu kubwa sana ambayo mimi bado sijaiona kutoka kwa Mh. Makonda. Anahangaika na vitu ambavyo, ndiyo kwa upande mmoja unaweza sema kwamba ni muhimu, lakini sio kihivyo.
Ikumbukwe tu kuwa Dar es salaam hivi sasa kulingana na takwimu nilizo nazo kwa wastani ina wakazi wapatao zaidi ya milioni 5, mpaka kufikia 2030 tunaweza tukafika milioni 10. Je, tuna nini ambacho tumejiandaa mpaka sasa? Wakati mitaani vijana wasomi na wasio wasomi wamejaa kibao wakiwa hawana ajira.
Sikatai vipaji vyake vya kuwa attractive na talkative kwa watu na hasa vijana, wakina mama na wasanii, lakini hata hivyo ana ukosefu mkubwa wa Vision na innovation drive kama ya Rais Magufuli.
Kama ushauri wangu tu kwake na kwa wote wanao husika, Makonda anatakiwa ajishughulishe zaidi na maadalizi ya vijana wenye talents tofauti ambao ni potential ya watoa ajira ya leo na kesho kwa vijana wenzao kwa kuwa kusanya hao vijana wenye hizo talents na kuwajengea facilities na funds ambazo zita wawezesha ku improve hivyo vipaji vyao na kuona jinsi gani wanavyoweza kuusaidia mko wetu kiajira kwa vijana.
Mfano talent ya huyu kijana Moses Mbaga ambaye ameweza kutengeneza App yake;
Makonda anatakiwa katika kuwa hamasisha vijana hao wenye vipaji vya pekee kushirikiana na walimu, maprofessor, mawaziri na Rais mwenyewe.
Makonda anatakiwa ashirikiane na timu yake ya wataalam kutafuta na kubuni miradi midogo midogo na mikubwa ya maendeleo ambayo itawawezesha wananchi kutengeneza na kupata ajira. Asijikite sana na upande mmoja tu wa kukusanya pesa kwa ajili ya charity work na wasanii peke yake.
Kitu kingine ambacho ningependa kumshauri ni usimamizi wa miradi. Asipende sana kutumia njia za zamani ambazo hazija leta mafanikio yeyote kwetu ya kusimamia kazi kwa kila mara kuitisha mikutano kama kwenye hii clip;
Rais Magufuli kipindi cha awamu ya nnewakati akiwa waziri wa ujenzi, uchukuzi na mawasiliano alifanikisha miradi mingi mikubwa ya barabara kwa sababu yeye mwenyewe alikuwa site na kujiona mwenyewe kitu gani kinaendelea.
Kwenye hiyo clip nasikitika kusema sijamwona akionyesha seriousness ya hilo onyo alilopewa kwa mara ya pili. Inaaminika kuwa yeye na RASI wake wamepoteza mda mwingi kuwakusanya watendaji wake kwenye kikao badala ya kuwaambia wakutane site. Hayo maandalizi da COCO Beach ameyaonabkwenye clip.
Yeye kama mkuu wa mkoa angeweza hata tumia Helikopter ya jeshi au polisi kama hana ya kwake mwenyewe, I mean ya mkoa, kurash kwenye hiyo sites za miradi mbali mbali badala ya kuitisha kikao na kupiga siasa za kuunda tume da usimamizi. Anaunda tume leo? Hilo alitakiwa alifanye mwezi wa tatu wakati alipo kutana nao na kuwapa maagizo.
Mkuu wa mko wa jiji hili kulingana na uzito na ukubwa wa majukumu anatakiwa permanently awe angani na helikopta kuangalia na kusimamia miradi mbali mbali inayo fanyika jijini. Haya mambo ya kwenda kuji show off kwenye matukio ya matatizo kama ya mafuriko na kadhalika na hatimaye hakuna kitu kinacho endelea baadae cha kutatua tatizo lisitokee tena, haina tija kubwa kwa wana Dar es salaam na imepitwa na wakati.
Hali hii ikiendelea hivi hivi, nakataa katakata kama itaweza kuwa na mafanikio chanya siku moja. Watanzania hasa wabongo tuna mind sana starehe za hanatha kuliko kuumiza vichwa katika kufanya kazi za maendeleo yetu. Tunataka pesa za haraka haraka ili tuende kwenye vimada vyetu na mkubali kusifia maendeleo ya wenzetu!
www.jamiiforums.com
