Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Kwa nini ujisumbue na kifungua
kinywa? Kundi la jopo la madaktari na
wanasayansi huko Marekani wametumia
miaka 10 wakitafiti matokeo ya
kuchunguza aina ya vifungua kinywa
mbalimbali na matokeo ya wale
wasiopata kifungua kinywa kabisa, kwa
watu wa rika zote. Kifungua kinywa
kizuri, wamebaini kuwa ni kile ambacho
kinachoweza kumsaidia mtoto na mtu
mzima awe msikivu na mtulivu na pia
kina uwezo wa kumpa nguvu darasani
na kazini.
 
Kifungua kinywa kimewawezesha
wanafunzi kufaulu vizuri mitihani yao na
kupata maksi za juu kwa mitihani
waliofanya kabla ya mapumziko yao ya
mchana. Nguvu walizozipata
zimeimarisha kiwango chao cha sukari
kwenye ubongo, zimeimarisha uwezo
wa kufikiri, na pia walikuwa wasikivu.
Hata hapa nchini Tanzania, kwa utafiti
uliofanywa na Profesa Charles Kihamia
wa Muhimbili, imejionesha na
kudhihirika kuwa wanafunzi wanaopata
kifungua kinywa aidha nyumbani au
shuleni, wanafunzi hao wameimarisha
mahudhurio yao shuleni na matokeo
yao ya darasani katika usikivu na
kufaulu mitihani.
 
Wanafunzi hao hupewa uji, viazi vitamu
au muhogo, magimbi, ndizi za
kuchemsha na vyakula mbali mbali
vipatikanavyo nyumbani au shuleni. Enzi
hizo sisi tulipokuwa shuleni kabla na
mara tu baada ya uhuru, tulipewa uji wa
ngano toka Marekani, na karanga
ambazo zilikuwa zikilimwa kwa wingi
tulipokuwa shule za sekondari.
 
Huo ndio uliokuwa mlo mzuri kwa
kifungua kinywa. Ndio mlo au kifungua
kinywa kinachokubalika kwa upande wa
lishe kwa vijana walioko mashuleni.
Utafiti mwingine umehusisha vifungua
kinywa viletavyo afya ya kuaminika na
kupungua kwa idadi ya magonjwa sugu
na kufanya wahusika kuwa na maisha
marefu yenye afya nzuri na iliyoimarika.
 
Kifungua kinywa kinachozungumziwa
hapa ni kile ambacho kitaweza kukupa
nishati lishe (kalori ) yenye theluthi moja
ya nishati lishe inayotakiwa kwa siku ile.
Anza kunywa uji wa dona asubuhi au
kunywa uji wa mtama au ngano ambayo
haikukobolewa sana, kula magimbi,
 
muhogo uliochemshwa, au kama kuna
viazi vitamu vile vyenye rangi ya njano
hapo mambo ndipo yatakapo noga.
Ukipata kipande cha tunda la msimu
kama embe, nanasi, tikiti maji, chungwa.
Kwa wale wanaoishi ukanda wa pwani,
uji kwa mafenesi ni chakula kizuri sana
kwa mtoto aendae shuleni asubuhi au
baba au mama aendae shambani au
kwenye ajira yoyote ile. Ukipata karanga
kiasi kidogo tu, mlo wa asubuhi wenye
mkusanyiko huo ndio mlo unakubalika
kiafya.
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register