Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Mtu anapoongea huku akimtazama machoni anayeongea naye huonyesha kuwa yeye ni mkweli na mwaminifu. Pia huashiria kuwa anaamini anachosema na ana uhakika nacho.

Yafanye macho yako yakufanyie kazi. Unapoongea yalenge moja kwa moja kwa unayeongea naye ili ujiamini na kuwafanya watu wengine pia wakuheshimu na kuweka kadhi na haiba yako juu.
 
Tembea haraka zaidi

Utafiti unaonyesha kuwa hali na hisia za mtu huweza kutambulika kutokana na mkao wake, jinsi anavyosimama na anavyotembea.

Mtu anaposimama kiuchovu au anapotembea kigoigoi, huonekana waziwazi kuwa ana hisia dhaifu kuhusu haiba yake, yeye mwenyewe na watu wengine, pia mtazamo wake kuhusu kazi na maisha ni hasi.
 
Utafiti umebainisha kuwa tunaweza kubadili namna ya kusimama na kasi ya mwendo. Jaribu kufanya hivyo na ukijichunguza baada ya muda, utagundua kuwa vitendo unavyofanya vinatokana na mwelekeo au hisia za akili yako. Watu wanaoiweka miili yao katika hali legelege na kutembea kwa kuburuza miguu, hujichukulia kuwa dhalili, yaani wa hali ya chini na kwa kawaida huwa hawajiamini.
 
Kwa kawaida wengi hutembea kwa kasi ya wastani. Wenye mwendo wa kasi ya juu ya wastani, kwa kawaida huwa wanakwenda mahali maalumu kwa lengo la kufanya shughuli maalumu. Hawa huwa wamejiwekea muda maalum wa kukamilisha walichodhamiria.

Ongeza kasi ya mwendo wako kama mbinu ya kujenga uwezo wa kujiamini zaidi. Unapotembea rudisha mabega yako nyuma, inua kichwa chako na weka kifua chako mbele na utembee hivyo kwa madaha. Utaona jinsi hali ya kujiamini na matumaini inavyojengeka katika akili yako.
 
Zungumza mbele ya watu

Katika kuchunguza tabia na mienendo ya watu, imebainika kuwa hata watu wanaoonekana wana uelewa mzuri na wenye haiba, wanapotakiwa kuongea mbele ya watu, hushindwa. Hata wanapokuwa kwenye kikundi kidogo huwa wanashindwa kushiriki katika majadiliano. Si kwa sababu hawapendi kuchanganyika na wenzao, bali hawana ujasiri na hawajiamini.
 
Watu hawa wanajidhuru kwa kufikiri “pengine mawazo yangu hayana maana. Nikisema jambo fulani huenda wakalidharau na hata kuniona mjinga. Hivyo, sitasema chochote. Tena wengine hapa wanajua zaidi kuliko mimi”.

Haya ni mawazo sumu katika uhai wetu. Ni lazima tuhakikishe hatuiachi tabia hii ikatuathiri. Kadri mtu anaposhindwa kusema kwenye kundi, ndivyo anavyoendelea kujisikia kuwa ni wa chini na pale anaposakamwa na wengine, asiishie kutoa ahadi kuwa atasema siku nyingine, kwa kuwa ni kujidhalilisha zaidi kwa kuwa siku hiyo ikifika atasema siku nyingine.
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register