Uzi maalum wa kupeana Likes: Comment chochote upate "Like"

6.Magamba ya chini uwa yana rangi ya uzurungi au zambarau.

7.Pia anakuwa na magamba yenye rangi ya njano na zambarau ubavuni yaliotengeneza maumbo ya pembe tatu.

8.Macho yake yana rangi ya kijivu na mboni ya jicho huponekana kuwa na rangi ya fedha.

9.Jamii yao ambao wanapatikana Afrika ya magharibi wana pea moja ya pembe ambazo zipo katikati ya matundu ya pua.

10.Mwili wa kifutu huwa na rangi ilio pauka.
 
TABIA ZA KIFUTU MSITU

1.Kifutu msitu hufanya mawindo yake usiku kwasababu ana uwezo wakuona usiku zaid kuliko mchana.

2.Ni miongoni mwa nyoka wavivu sana hasa kwenye kutembea.

3.Rangi yake iliyo pauka humfanya asionekane kirahisi na hii hasa humsaidia katika kuwinda na kuwaepuka maadui zake.

4.Ni nyoka ambae huwa haumi mpaka atakapo kuwa kajeruhiwa au kukanyagwa na wakati mwingine unaweza mkanyaga asikuume pia.
 
5.Kifutu msitu ni nyoka ambae huwinda kwa kushitukiza na si kufukuzana na kiumbe amuwindae.

6.Ndio vifutu wavumilivu kuliko vifutu wengine wote hasa kwa upande wa kuuma. Nimara chache sana nyoka huyu kumuuma binadamu.

7.Hutoa sauti pale anapo kasirika na kufafanya kichwa chake kuwa bapa zaidi.

8.Ana macho ambayo yanaweza kuona sehemu mbili tofauti. Jicho moja likiwa linatazama mbele linguine lina uwezo wakutazama nyuma.
 
UWINDAJI NA CHAKULA

Kama tulivyoona hapo juu nyoka hawa hawana uwezo wakukimbizana na wanyama wanaowawinda na hii ni kutikona na uzito pamoja na maumbile ya miili yao. Anapo muona mnyama humrukia ghafla na kumuuma kasha huendelea kumshikilia na meno yake marefu huku akiendelea kuingiza sumu mwilini mwa mnyama huyo na hatimae mpaka ahakikishe kafa ndo humuachia na kummeza. Kwa barani Afrika ndio nyoka mwenye uwezo wakutoa kiwango kikubwa cha sumu kwa wakati mmoja.
 
Kifutu msitu huwinda wanyama wadogo wadogo kama panya na wakati mwingine sungura. Pia huwinda mijusi na vyura hali kadhalika ndege waishio aridhini.

KUZALIANA

Nyoka hawa maranyingi hujamiiana msimu wa mvua na hasa kuanzia mwezi wa 9-12. Ikumbukwe kuwa nyoka hawa hawatagi mayai nje kama walivyo baadhi ya nyoka wengine. Mayai hurutubishwa na kuendelea kukua na kutunga watoto yakiwa ndani ya mwili wa kifutu msitu jike.
 
Mara tu baada yakujamiiana na mayai kurutubishwa kifutu msitu jike huchukua muda wa miezi saba (7) mpaka kuzaa watoto. Mayai hupasukia tumboni kasha kuzaa watoto 8-43 na mara nyingi ni takribani watoto 24 tu ndo hukua mpaka kufikia hatua ya kuzaa. Watoto huzaliwa wakiwa na urefu wa wastani wa Sm25sm- Sm32 na uzito wa wastani wa gramu 25-45.
 
Mara tu baada yakujamiiana na mayai kurutubishwa kifutu msitu jike huchukua muda wa miezi saba (7) mpaka kuzaa watoto. Mayai hupasukia tumboni kasha kuzaa watoto 8-43 na mara nyingi ni takribani watoto 24 tu ndo hukua mpaka kufikia hatua ya kuzaa. Watoto huzaliwa wakiwa na urefu wa wastani wa Sm25sm- Sm32 na uzito wa wastani wa gramu 25-45.
 
Sumu ya kifutu msitu huathiri tishu na mpaka hupelekea tishu kuoza na wakati mwingine kama ni mguuni mtu huweza kukatwa mguu kama alicheleshwa kupelekwa hospitali. Tofauti na vifutu wengine,kifutu msitu yeye uwa hatowi sumu tu mara anapo uma.hukusanya sumu kwa wingi baada yakuuma kutokana na kuwa na matezi yanayo zalisha sumu nyingi kisha huanza kuingiza sumu ile mwilini mwa mnyama aliye muuma,
 
Athari nyingine mbali nakuoza sili na tishu, mara baada ya mtu kuumwa na kifutu msitu hupelekea kizunguzungu,kutembea bila uelekeo,kutokwa na haja kubwa,kutokwa na haja ndogo, ulimi na macho kuwa vizito, kutoka damu mfululizo na wakati mwingine maeneo ya ndani.
 
ANGALIZO

Mara mtu aumwapo na kifutu msitu au nyoka yeyote yule basi awahi haraka hospitali ili apatiwe matibabu kutokana na aina ya nyoka aliye muuma. Matumizi ya mawe ya asili wakati mwingine husababisha vifo visivyo na ulazima wakutokea.
 
UHIFADHI NA CHANGAMOTO

Ikumbukwe kuwa kila kiumbe kina faida yake katika mazingira ambapo kinaishi bila kujali kina athari jinsi gani kwa binadamu.

Kifutu msitu wanapokuwa wadogo huuliwa sana na mijusi,ndege,samaki pale wanaingia kwenye maji. Lakini kama walivo nyoka wengine, adui mkubwa wa kifutu msitu ni binadamu hasa kutokana na ongezeko la watu maeneo ya misitu kutokana nakutafuta makazi yakuishi
 
Binadamu huwauwa nyoka hawa hasa kwa uoga na pia wengine huwauwa kwa ajili ya nyama. Maana kuna makabila mengine hapa duniani hupenda sana nyama ya nyoka.

Jambo jema nikwamba nyoka hawa bado hawajawa tishio la kutoweka duniani kama walivyo baadhi ya nyoka wengine au wanyama wengine.
 
HITIMISHO

Sio kila nyoka ana sumu yakusababisha kifo kwa binadamu na mara nyingi nyoka wenye sumu mbaya huwa hawakai karibu kabisa na makazi ya binadamu. Tusiwe na tabia yakuwauwa nyoka hovyohovyo mana tuna haribu maumbile asili na rasilimali tulizonazo
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…