Uzi maalum wa kupeana Likes: Comment chochote upate "Like"

Vile vile supu hupunguza matumizi na upotevu wa mabaki ya vyakula. Mara nyingi mchuzi utumikao kutengeneza supu auhitaji vyakula kama vilivyo. Mathalani nyama au samaki vyaweza kuchunwa na mifupa yake huchemshwa kupata mchuzi. Au badala ya kutupa mifupa au majani basi unayatumia tena.
Hivyo ni muhimu ndugu wasomaji kujenga mazoea ya kutumia supu.
 
Kuku ni miongoni mwa nyama nzuri sana kwa afya zetu. Unaweza kula nyama ya kuku kupitia mapishi mbalimbali na mitindo mbalimbali- kuchemsha, kukaanga, kuchoma, kupika na kadhalika – na ukapata ladha nzuri na virutubisho vya kutosha kabisa.
 
FAIDA ZA NYAMA YA KUKU

Kwanza kabisa jua kwamba zamani supu ya kuku ilikuwa dawa nzuri sana kwa ajili ya kutibu homa. Kwa hiyo ilikuwa mtu akiwa na homa anapewa supu ya kuku na tatizo lake linaondoka. Faida za nyama ya kuku ni pamoja na
 
Nyama ya kuku ina kiasi kingi cha protini – Hii ni nzuri sana kwa kujenga na kukarabati miili yetu, pia kusaidia kinga ya mwili. Watu wote wenye mahitaji makubwa ya protini wanashauriwa kula nyama ya kuku
 
Nyama ya kuku ina kiasi kingi cha vitamini – Niacin na Vitamini B6Â -Vitamini hizi mbili husaidia sana mwili kufanya kazi zake vizuri na kutengeneza nguvu ya kutosha. Niacin husaidia mwili kudhibiti kiasi cha sukari na huhitajika na mwili ili kubadilisha mafuta, protini na wanga kuwa nishati (nguvu) . Vitamini B6 husaidia mwili kubadilisha wanga na kuwa nishati (nguvu)
 
Nyama ya kuku ina kiasi kidogo cha mafuta (Hususan ikipikwa na mafuta kidogo tu na kutolewa ngozi ya nje) – Hii husaidia kupunguza matatizo yatokanayo na mafuta mengi mwilini na kuweza kutumika hata na watu wenye mafuta mengi mwilini na magonjwa yatokanayo na tatizo hilo
 
USHAURI

Punguza ulaji wa nyama nyekundu kama vile nyama ya ng’ombe, mbuzi, kondoo na badala yake kula nyama ya kuku. Kula zaidi kuku wa kienyeji na wapike au wachome ili wasiwe na mafuta mengi. Kwa kuku wa kisasa hakikisha hauvunji na kutafuna mifupa yao maana mabaki mengi ya dawa huachwa huko, utakuwa unakula na dawa zilizotumika kuwakuzia na kuwatibia.
 
Sote tunakula mafuta. Na sote tupo katika hatari ya kupata au kuendelea kuwa na matatizo yanayosababishwa na mafuta mengi mwilini. Tunajua kwamba mafuta mengi ni mabaya mwilini na tunapenda kupunguza kula mafuta. Hii ni kutokana na ukweli kwamba mafuta mengi huleta matatizo na kumuweka mtu katika hatari ya kuwa na unene na uzito mkubwa na uliopitiliza, kupata na shinikizo kubwa la damu, kupata kisukari, kupata magonjwa ya moyo na kadhalika. Yote hayo unaweza kuyaepuka au kusaidia kuyatibu kwa kupunguza mafuta mwilini.
 
JINSI YA KUPUNGUZA ULAJI WA MAFUTA

Njia nzuri zaidi ya kudhibiti mafuta ni kujizuia usile mafuta mengi. Unaweza kufanya hivyo kwa

Kutumia maziwa yaliyopunguzwa au kuondolewa mafuta
Kutumia kiasi kidogo tu cha mafuta katika mapishi
Kuepuka kukaanga vyakula kwa mafuta, na badala yake kutumia njia zingine za kuandaa vyakula kama vile kuchemsha, kuchoma, kuoka, kupika kwa mvuke nk
 
Toa mafuta yanayoonekana kwenye vyakula na mboga
Punguza ulaji wa vyakula vilivyokaangwa kwa mafuta na vile vyenye mafuta mengi kama vile soseji, nyama ya kusaga, keki, vitumbua, chipsi, nyama za kukaanga nk
Kula zaidi kuku (Ondoa ngozi ya nje) na samaki
 
FAIDA ZA KUPUNGUZA MAFUTA

Kupunguza mafuta kutakusaidia kufanikisha mambo yafuatayo

Kukukinga dhidi ya hatari zinazoletwa na mrundikano wa mafuta mengi mwilini
Hatari za mrundikano wa mafuta mengi mwilini ni pamoja na kuganda kwenye mishipa ya damu na moyo na kupelekea kupungua kwa njia ya kupita damu na moyo kutumia nguvu nyingi sana kusukuma damu. Hatima yake ni magonjwa ya moyo, presha na magonjwa mengine ya mishipa ya damu.
 
Pia mafuta mengi humfanya mtu kuwa na uzito mkubwa na unene uliopitiliza, kuweza kupata magonjwa mbalimbali kama vile kisukari, shida katika upumuaji, mwili kuwa mvivu na kushindwa kufanya kazi vizuri, matatizo ya miguu na kadhalika
 
2. Kudhibiti Uzito mkubwa na Magonjwa yanayosababishwa na Mafuta mengi mwilini

Kupunguza mafuta husaidia sana kudhibiti matatizo mbalimbali kama vile uzito mkubwa na unene uliopitiliza, kisukari, presha, matatizo ya moyo nk. Ni muhimu sana kwa watu wote ambao wanaendelea na matibabu kujitahidi sana katika suala hili na kupima maendeleo yao mara kwa mara. Husaidia wagonjwa kupata afadhali, husaidia kuongeza ufanisi wa dawa na matokeo mazuri kuonekana haraka.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…