Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

KATIKA mkutano mkubwa wa hadhara, bwana mmoja aliyekuwa amesimama katikati ya umati wa wahudhuriaji, alitoa bango kubwa (pana na refu) na kulinyanyua juu akilielekeza jukwaa kuu (mbele). Bango hilo kubwa liliwakera waliosimama nyuma yake, kwa sababu kwanza liliwakinga, na pili hawakuweza kuusoma ujumbe ulioandikwa kwa mbele. Na waliosimama mbele ya jamaa huyo, pia hawakutambua kama kuna mtu nyuma yao amenyayua bango lenye ujumbe f'lani. . Kwa bahati, viongozi walioketi meza kuu ndiyo waliliona vizuri bango hilo na kuusoma ujumbe wake. Kwa ujumbe ule, wapo waliocheka na wapo waliostaajabu. Hali hiyo, ikawafanya waliosimama mbele ya jamaa, kugeuka nyuma na kusoma kilichoandikwa. Nao, kama ilivyokuwa kwa wale wa meza kuu, walicheka ilhali baadhi yao wakistaajabu. Haikuwa rahisi kwa waliosimama nyuma kwenda mbele ya jamaa ili kuusoma ujumbe, hivyo waliendelea kusimama bila ya kujua kilichoandikwa huku wakipata taabu ya kukingwa na bango hilo. . Bango lilisomeka hivi: NIMENYANYUA HILI BANGO ILI TU KUWAKINGA WALIO NYUMA!. . Na kwenye maisha kuna watu wako vivyohivyo wankuwekea bango kubwa maishani ili kukuzuia, bila sababu ya msingi, usifanikiwe. Usipojiongeza hutafanikiwa na hutagundua kama umekingwa na bango kubwa ajabu.
 
INAUMA SANA . Kijana mmoja alifanya maamuzi ya kumpeleka baba yake ambaye, alikuwa amezeeka sana, kwenye makazi maalumu ya kulelea wazee ya Kanisa Katoliki. . Kijana alifanya hivyo, baada ya kushauriwa na mkewe, aliyekuwa akiona kero kumlea baba mkwe wake nyumbani kwao. . Ofisa katika sehemu ya mapokezi, alimuomba mzee huyo achague chumba kama anataka chenye TV na Kiyoyozi, au la; mzee akasema hahitaji chumba chochote Chenye TV wala Kiyoyozi. . Mwanaye alipokwenda kwenye Gari kuchukua begi la baba yake; mkewe aliyekuwa muda wote kwenye gari, akasisitiza kuwa kijana amwambie huyo mzee wake asiwe anarudi nyumbani kabisa, hata siku za Sikukuu, kwa sababu yeye hataki usumbufu wowote wa kumhudumia. . Kijana huyo ambaye ni mtoto wa pekee kwa mzee yule, alishangaa alivyorudi na mizigo ya baba yake, na kumkuta mzee wake akizungumza kwa furaha na bashasha na Padre, tena wakionekana kufahamiana sana. Walionekana wakiongea kwa kukumbushana mambo ya zamani ambapo, mzee alionekana mchangamfu isivyo kawaida. . Mtoto akamuuliza Padre, "Unafahamiana na baba yangu?". . Padre akajibu, "Ndiyo, namfahamu sana mzee huyu. Ni mtu mwema sana; alikuja hapa miaka 30 iliyopita, tukampatia mtoto yatima wa kiume akamlee, maana Mtoto huyo alitelekezwa. Na kwakuwa yeye na mkewe hawakuwa wamebahatika kupata mtoto, wakamchukua.". . Mabegi aliyokuwa kayashika mkononi kijana yule yalimdondoka bila kujijua. Alibaki ameduwaa huku machozi yakimtoka. Kumbe baba aliyemlea kwa wema na upendo hadi naye akafanikiwa maishani, hakuwa baba mzazi, alikuwa ni mlezi tu aliyemsitiri. Lakini yeye ameamua kumuondoa nyumbani kwake kwa sababu ya ushauri wa mke.
 
MAPENZI YA DHATI KATIKATI YA UMASIKINI. . SIKU moja wakiwa wamejilaza kitandani, mke alimwomba mumewe amnunulie chanuo kubwa kwa ajili kuchania nywele nyingi ili kuzipendezesha. Kiuchumi, hali ya mume ilikuwa dhoful'hal, asingaliweza kugharamia chanuo aliloombwa. . Kwa simanzi na huzuni kubwa, mume alimjibu mkewe, "Mpenzi wangu, si kama sitaki upendeze, la hasha. Hali yangu kifedha ni mbaya sana. Hebu tazama, ni zaidi ya mwezi sasa tangu mkanda wa saa yangu ya mkononi ikatike, lakini nimeshindwa hata kununua mkanda mwingine.". . Kama ameshindwa tu kujinunulia mkanda wa saa ulioharibika, ataweza kununua chanuo kubwa? Siku ikapita ilhali mke akiwa mnyonge kabisa. Lakini kwa kawaida, wanamume si watu wa kukubali kushindwa na kuonesha udhaifu mbele ya wake zao. Kwa kuumizwa na kitendo cha kushindwa kumnunulia mkewe chanuo tu, siku iliyofuata baada ya kutoka kazini, mume alipita mjini akaiuza ile saa yake, na fedha aliyopata akaenda kumnunulia mkewe chanuo. . Jioni ya siku hiyo, mume aliingia ndani akiwa na shauku ya kumshangaza mkewe kwa kumletea zawadi ya chanuo alilohitaji, lakini katika hali asiyotegemea alimkuta mkewe akiwa amenyoa nywele zake zote. Kuona chanuo alilonunua kwa gharama ya saa yake, likiwa halina kazi tena, kulimuumiza sana mume. . Alipomuuliza mkewe kwanini aliamua kunyoa nywele zake, akiwa ametabasamu mke alijibu: "Nimeuza nywele zangu ili kukununulia mkanda mpya wa saa yako!". . Mume aliupokea mkanda wa saa huku akibubujikwa machozi ya furaha, wakati huo mke naye akipokea chanuo lake huku machozi yakitengeza mifereji mashavuni mwake. Kila mmoja alikubali kuuza kitu chake cha thamani ili kumridhisha mwenzi wake.Ooh! Mahaba ya sayari gani haya!.
 
Numbisa said:
INAWEZEKANA Bwana mmoja akiwa katika hifadhi ya wanyama, alistaajabu kuona Tembo wakiwa wametulia sehemu moja, kwa muda mrefu ilhali hawajafungiwa kwenye vibanda madhubuti wala hawajafungwa minyororo. Kilichowazuia wasizagae na hata kutotoroka kambini, ilikuwa ni kipande tu cha kamba ambacho, kila mmoja alifungwa mguuni. Tembo ni mnyama mwenye nguvu sana, anayeweza hata kuvunja ukuta. Sasa kilicho mstaajabisha mtalii yule, ni kuona Tembo wale wanashindwa kutumia nguvu zao, kukata kamba na kutokomea mtaani. Akiwa ameshikwa na wahaka wa kutaka kupata majibu, ilimlazimu kumuuliza mkufunzi aliyekuwa karibu, kwanini Tembo wamesimama tu pale bila kukata kamba na kuondoka. Mkufunzi alimjibu: "Kipindi Tembo wanapokuwa wadogo kabisa, huwa tunatumia kamba hizohizo kuwafunga ili wasizagae. Wakiwa katika umri huo mdogo, kamba hizo hutosha kuwadhibiti. Na kadiri wanavyoendelea kukuwa, hukuwa wakiamini kwamba, kamba ile ingali na uwezo wa kuwazua mahala hapo, hivyo fikra zao ndizo huwazuia hata wasijaribu kukata kamba na kuondoka." Sababu ya msingi, Tembo kushindwa kukata kamba na kutokomea, ni ile fikra waliyokuwa nayo kwamba HAWAWEZI kukata kamba na kutoka eneo lile. Hivyo, FUNZO la hadithi hii ni kwamba; bila kujali ni vizuizi vingapi vinavyokuzuia kupiga hatua, endelea kupambana ukijaribu hatua kadha wa kadha kuyafikia mafanikio. Huenda uwezo unao ila umeathiriwa na fikra kama za wale Tembo. Kuamini HAIWEZEKANI kupiga hatua ni sumu, na kuamini INAWEZEKANA ni kujitanzua katika vizui ni nusu ya mafanikio
Click to expand...
 
Unasema unapenda mvua, lakini ikinyesha unatembea chini ya mwamvuli. Unasema unapenda jua, lakini likiwaka unatafuta kimvuli. Unasema unapenda upepo, lakini ukivuma unafunga madirisha. Ndo maana huwa nina wasiwasi unaposema unanipenda. - Robert Marley
 
INAWEZEKANA Bwana mmoja akiwa katika hifadhi ya wanyama, alistaajabu kuona Tembo wakiwa wametulia sehemu moja, kwa muda mrefu ilhali hawajafungiwa kwenye vibanda madhubuti wala hawajafungwa minyororo. Kilichowazuia wasizagae na hata kutotoroka kambini, ilikuwa ni kipande tu cha kamba ambacho, kila mmoja alifungwa mguuni. Tembo ni mnyama mwenye nguvu sana, anayeweza hata kuvunja ukuta. Sasa kilicho mstaajabisha mtalii yule, ni kuona Tembo wale wanashindwa kutumia nguvu zao, kukata kamba na kutokomea mtaani. Akiwa ameshikwa na wahaka wa kutaka kupata majibu, ilimlazimu kumuuliza mkufunzi aliyekuwa karibu, kwanini Tembo wamesimama tu pale bila kukata kamba na kuondoka. Mkufunzi alimjibu: "Kipindi Tembo wanapokuwa wadogo kabisa, huwa tunatumia kamba hizohizo kuwafunga ili wasizagae. Wakiwa katika umri huo mdogo, kamba hizo hutosha kuwadhibiti. Na kadiri wanavyoendelea kukuwa, hukuwa wakiamini kwamba, kamba ile ingali na uwezo wa kuwazua mahala hapo, hivyo fikra zao ndizo huwazuia hata wasijaribu kukata kamba na kuondoka." Sababu ya msingi, Tembo kushindwa kukata kamba na kutokomea, ni ile fikra waliyokuwa nayo kwamba HAWAWEZI kukata kamba na kutoka eneo lile. Hivyo, FUNZO la hadithi hii ni kwamba; bila kujali ni vizuizi vingapi vinavyokuzuia kupiga hatua, endelea kupambana ukijaribu hatua kadha wa kadha kuyafikia mafanikio. Huenda uwezo unao ila umeathiriwa na fikra kama za wale Tembo. Kuamini HAIWEZEKANI kupiga hatua ni sumu, na kuamini INAWEZEKANA ni kujitanzua katika vizui ni nusu ya mafanikio
 
USIHUKUMU KWA HISIA. WAKIWA ndani ya treni, kijana mmoja mwenye takribani miaka 23 alisimama dirishani akitazama nje na kupaza sauti: "Baba, tazama huku, miti inarudi nyuma yenyewe." Baba alitabasamu, huku abiria wengine wakiangua vicheko vya haja, kuona kijana wa umri ule, akishangazwa na jambo la kipuuzi namna ile. Kabla hawajatanabahi, kijana alipaza tena sauti: "Heee! Baba, tazama na mawingu yanavyotufuata kwa kasi!" Baada ya abiria kuamini kwamba, kijana yule alikuwa na matatizo ya akili, mmoja alijaribu kumshauri baba wa kijana: "Sidhani kama imeshindikana kumtibu. Kwanini usitafute daktari mzuri?" Akiwa ametabasamu, baba alijibu: "Nimeshatafuta, na hapa ndo tunatokea hospitali tulikolazwa kwa miezi mitatu sasa. Kijana wangu alizaliwa kipofu, ni juzi tu ndo amewekewa hayo macho na kuanza kuona. Hivyo, kila kitu kwake ni kigeni machoni." Abiria wote wakapigwa butwaa. Kila aliyefikiri kwamba kijana alikuwa na matatizo ya akili, alifadhaishwa na majibu yale. Kimsingi, kila umuonaye tofauti hapa duniani, huwa na sababu zake za kuwa hivyo. Usimhukumu mtu kabla hujajua uhalisia wa mambo.
 
UNAWEZA KUACHA 'FURSA' NA KUSAIDIA? Kuna kipofu alikuwa ameketi kando mwa barabara, kwa bahati akasikia mchakato wa nyayo za mtu akipita, akasimama na kuanza kuita kama anayehitaji msaada: "Habari! Habari ndugu!" Bwana aliyekuwa akipita, akaitikia salamu na kumsogelea karibu: "Salama ndugu, kwema?" "Kwema ndugu," kipofu alijibu huku akitoa pesa mfukoni na kumkabidhi mzee, "tafadhali, nina shilingi elfu mbili hapa, kuna mtu amenipa msaada, naomba unisaidie kuichenji." Yule bwana, kuangalia vizuri mkononi mwa kipofu, akaona si shilingi elfu mbili, ni dola 100. Akaangaza huku na kule kama kuna mtu anamwona kisha akaipokea. Akaingiza mkono mfukoni, akatoa chenji ya shilingi elfu mbili na kumpa kipofu kisha akaondoka na ile dola mia. Bwana mkubwa aliona kama nyota ya jaha imemwangukia, hakumtazama kipofu yule kwa jicho la msaada. Badala yake, akatumia mwanya huo kumdhulumu. Ikawa hivi: yule bwana kabla hajafika mbali, akashangaa kumwona yule kipofu akimjia mbio na kumsimamisha. Kwa hofu na mashaka, akasimama. Kipofu alipomfikia, akavua miwani yake myeusi na kumwambia: "Samahani bwana, mimi siyo kipofu; ninafanya utafiti kuona ni watu wangapi wana uungwana wa kumsaidia mtu dhaifu - hata kama hawaonekani hadharani, na wangapi wana ushenzi wa kutatumia udhaifu wa mtu ili kumdhulumu - wakidhani hawaonekani. Umefeli mzee!" Uso ukiwa umemshuka kama mbuzi, yule bwana akatoa ile noti ya dola mia na kumrudishia mwenyewe huku akisema: "Samahani kaka, ni hali ngumu tu tulizonazo." Kijana akachukua pesa yake na kumwonesha yule bwana upande wa pili wa barabara. Huko walikuwapo watu kama watano hivi na kamera zao, wakirekodi video ya hilo tukio zima. Nilipoona video ya mkasa huu, nilijihisi aibu utadhani mimi ndiye yule bwana. Je, ungekuwa wewe ungefanya nini?
 
WEWE NI WA PEKEE. Hivi unajua kwamba, tangu kuumbwa kwa dunia, kati ya mabilioni ya watu waliopita na wajao, hajawahi kutokea na hatotokea mtu kama ulivyo WEWE? Kati ya wote waliopata kuishi juu ya mgongo wa ardhi au watakaokuja kuishi, hayuko mwenye mjumuiko wa vipaji, mwonekano, uwezo, huzuni, marafiki, furaha, maadui na fursa kama ulivyo WEWE. Kama ukuaji wa nywele zako tu, haufanani na wa yeyote; kama alama za vidole (fingerprints) vyako tu hazishabihiani na za yeyote, unashangaa nini kwamba hakuna kama WEWE? Hakuna mwenye siri n dhahiri sawasawa na zako, wala hayuko anayepitia mapito ya kifamilia na kijamii kama WEWE. Baadhi ya wapuuzi wachache wanaokucheka kwa kufanya mambo tofauti na wanavyotaka, wameshindwa kujua kwamba WEWE siyo wao. Acha wakucheke, acha wakununie; duniani hayuko anayependwa na watu walewale wanaokupenda WEWE, na akachukiwa na walewale wasiokupenda WEWE; hayupo, hajapata kuwapo na hatotokea. Sasa, thamini na furahia huo upekee; ni tunu Maanani aliyokutunukia, zawadi kwa ajili yako wewe tu. Haupaswi kuigiza maisha kwa kuongea, kutembea, kuimba, kucheza au kufanya lolote ili tu uonekane kama fulani. Haukuletwa duniani kuja kuwa kama fulani; ndo maana ukaumbwa tofauti na huyo unayetaabika kujifananisha naye. Hakuna popote katika kumbukumbu ya dunia, vitu vilevile unavyowaza na kuvifanya wewe, vikazunguka katika mtindo huohuo, kichwani kwa mwingine. Hakuna anayeweza kufungamana na jamii kwa namna hiyo hiyo unayofungamana nayo WEWE. Hayuko awezaye kuyazungumza maneno yako. Hakuna awezaye kustarehe kwa kiwango kilekile unachostaladhi wewe uwapo stareheni. Hakuna awezaye kuuchukua ufahamu wako na kuupandikiza kwa mwingine. Hakuna anayeweza kuwa na wivu na hasira kama vilivyo kwako. Wewe ni wewe tu. Kama utautumia vema upekee ulionao, katika kuyaenenda mambo yako, hakika utapaa katika kilele cha ubora. Kama unaimba, usijifananishe na Diamond; kama unacheza ndondi, usijifananishe na Mike Tyson; kama unaandika, usijifananishe na Shaaban Robert; kama wewe ni mtangazaji, halafu unajiigiza kwa Masoud Kipanya, si ni bora nizime idhaa unayotangaza - nikamsikilize huyo Kipanya mwenyewe? Itoshe tu kujifunza toka kwao ili kuuboresha upekee ulionao.
 
UNAOGOPA NINI? Ukichunguza utagundua, wengi wetu tumejawa hofu bila sababu za msingi; hofu ya kupoteza vile tulivyonavyo, tunahangaika kutumia nguvu nyingi kuvidhibiti visituponyoke ili asitokee mwingine wa kuvigusa. Tunafikiri kwa kuvificha, vitaendelea kubaki nasi na kuwa vyetu milele. Tunajidanganya. Mambo hayako hivyo, hayajawahi kuwa hivyo, na hayatokuwa hivyo kamwe. Kama unafikiri kuna kitu chochote ulichonacho, kitadumu chini yako; iwe pesa, gari, nyumba, mpenzi, ni kujipumbaza akili. Ipo siku isiyokuwa na jina, vyote vinaweza kutoweka kwa pigo moja tu. Pigo moja tu, mtu wangu. Pesa kama ilivyotoka kwa wengine ikaja kwako, pia yamkini ikahamia kwa mwingine; binti yako kipenzi, siku akiolewa atakuacha na kwenda kuwa chini ya milki nyingine; mpenzi wako asipokuacha basi siku atakufa na hatokuwa wako tena. Shida kubwa, wengi tunaogopa kuanza upya pale tunapopoteza vile tulivyokuwa navyo, ndo maana tunajilazimisha kuvizuia visiguswe na wengine. Kama leo umepata kitu cha thamani l, basi weka akilini kwamba, hakuna unachoweza kukipata halafu ukashindwa kukipoteza, hata iwe roho. Ni suala la muda tu. Hata uwe tajiri, bado hujafikia bado ukwasi kiasi cha kushindikana kuishiwa ndani ya dakika tu. Hata upendwe vipi au uwe mzuri vipi, hujafikia ujanja wa kumzuia akupendaye kuondoka muda wowote. Kumbuka: Ulichonacho leo, jana hakikuwa chako na pengine kesho kisiwe chako tena. Kila unachokipata, utakiacha papahapa. Ulikuja mtupu na utaondoka mtupu. Sasa unaogopa nini? Vinavyotaka kuondoka acha viondoke. Madhali mapigo ya moyo yangali yanadunda vizuri, maadamu tundu za pua zingali zikinyonya hewa vizuri, alimradi damu inaendelea kupenya vizuri katika mishipa, basi unaweza kusimama - ukapamabana na kupata zaidi ya ulichopoteza. Kama uliweza kukipata mara ya kwanza, hutashindwa kukitwaa mara ya pili.
 
Numbisa said:
WEWE NI WA PEKEE. Hivi unajua kwamba, tangu kuumbwa kwa dunia, kati ya mabilioni ya watu waliopita na wajao, hajawahi kutokea na hatotokea mtu kama ulivyo WEWE? Kati ya wote waliopata kuishi juu ya mgongo wa ardhi au watakaokuja kuishi, hayuko mwenye mjumuiko wa vipaji, mwonekano, uwezo, huzuni, marafiki, furaha, maadui na fursa kama ulivyo WEWE. Kama ukuaji wa nywele zako tu, haufanani na wa yeyote; kama alama za vidole (fingerprints) vyako tu hazishabihiani na za yeyote, unashangaa nini kwamba hakuna kama WEWE? Hakuna mwenye siri n dhahiri sawasawa na zako, wala hayuko anayepitia mapito ya kifamilia na kijamii kama WEWE. Baadhi ya wapuuzi wachache wanaokucheka kwa kufanya mambo tofauti na wanavyotaka, wameshindwa kujua kwamba WEWE siyo wao. Acha wakucheke, acha wakununie; duniani hayuko anayependwa na watu walewale wanaokupenda WEWE, na akachukiwa na walewale wasiokupenda WEWE; hayupo, hajapata kuwapo na hatotokea. Sasa, thamini na furahia huo upekee; ni tunu Maanani aliyokutunukia, zawadi kwa ajili yako wewe tu. Haupaswi kuigiza maisha kwa kuongea, kutembea, kuimba, kucheza au kufanya lolote ili tu uonekane kama fulani. Haukuletwa duniani kuja kuwa kama fulani; ndo maana ukaumbwa tofauti na huyo unayetaabika kujifananisha naye. Hakuna popote katika kumbukumbu ya dunia, vitu vilevile unavyowaza na kuvifanya wewe, vikazunguka katika mtindo huohuo, kichwani kwa mwingine. Hakuna anayeweza kufungamana na jamii kwa namna hiyo hiyo unayofungamana nayo WEWE. Hayuko awezaye kuyazungumza maneno yako. Hakuna awezaye kustarehe kwa kiwango kilekile unachostaladhi wewe uwapo stareheni. Hakuna awezaye kuuchukua ufahamu wako na kuupandikiza kwa mwingine. Hakuna anayeweza kuwa na wivu na hasira kama vilivyo kwako. Wewe ni wewe tu. Kama utautumia vema upekee ulionao, katika kuyaenenda mambo yako, hakika utapaa katika kilele cha ubora. Kama unaimba, usijifananishe na Diamond; kama unacheza ndondi, usijifananishe na Mike Tyson; kama unaandika, usijifananishe na Shaaban Robert; kama wewe ni mtangazaji, halafu unajiigiza kwa Masoud Kipanya, si ni bora nizime idhaa unayotangaza - nikamsikilize huyo Kipanya mwenyewe? Itoshe tu kujifunza toka kwao ili kuuboresha upekee ulionao.
Click to expand...
Numbisa...
 
53E3D24B-70CE-475D-89FC-0BE1252533BF.jpeg
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register