Uzi maalum wa kupeana Likes: Comment chochote upate "Like"

Kutokana na hali ya baridi, viongozi wa Simba walipanga kufanya manunuzi ya makoti ya ziada kwa wachezaji watakaokuwa benchi ili waweze kuwa kwenye hali nzuri.

Wachezaji wa Simba pia wengi wao walipewa tahadhari ya kubeba vifaa vya kuzuia baridi kama glovu na fulana za mikono mirefu ambazo wanaweza kuvaa ndani ya jezi zao.
 
TSHISHIMBI,

KAMUSOKO

Watetezi wa Ligi Kuu Bara, Yanga wenyewe watakuwa na kibaruani na Township katika pambano la marudiano ya raundi ya kwanza ya Ligi ya Mabingwa Afrika, huku viungo Papy Kabamba Tshishimbi na Thabani Kamusoko wakipewa kazi maalumu.

Yanga waliofikia hoteli ya Crystal Palace, mjini Gaborone walifanya mazoezi ya mwisho jana Ijumaa na viungo wao mahiri Tshishimbi na Kamusoko ikiwa ni maandalizi ya kucheza pamoja pale kati.
 
Tshishimbi alikosa mechi mbili za ligi dhidi ya Kagera Sugar na Stand United, baada ya kusumbuliwa na maumivu ya kidole na kupewa muda wa kupumzika, huku Kamusoko akirejea kutoka kuwa majeruhi kwa muda mrefu, alicheza mechi ya kwanza dhidi ya Kagera kwa dakika 70 tu kisha nafasi yake ilichukuliwa na Yusuf Mhilu.

Tshishimbi na Kamusoko walifanya mazoezi wakiwa na morali ya juu na uwepo wa viungo hao kwenye kikosi cha Yanga na kama wakiwa fiti wanaweza kupunguza ugumu wa mechi.
 
Tulifanya mazoezi mapesi ambayo tunafanya siku moja kabla ya mechi na nyota wote wapo fiti na wana morali ya kuhakikisha tunashinda na kupata matokeo ya ushindi ambayo tunaweza kusonga mbele,” alisema mmoja wa nyota wa Yanga.

“Benchi la ufundi ndio lina jukumu la kupanga wachezaji 18 ambao, wataiwakilisha timu na nina imani kubwa kuwa yeyote, ambaye atapata nafasi ya kuanza atapambana mpaka dakika ya mwisho kwani wachezaji wote tupo fiti na morali ya hali ya juu sana,” aliongeza.
 
Katika mazoezi hayo ya jana, Kocha Lwandamina aliwapanga kipa Youthe Rostand, Juma Abdul, Haji Mwinyi, Kelvin Yondani, Juma Makapu, Pato, Pius Buswita, Tshishimbi, Obrey Chirwa, Kamusoko na Ibrahim Ajibu, kuonyesha ndio kikosi kitakachoanza, japo inategemea na mabadiliko ya benchi la ufundi kabla ya mechi.
 
ROSTAND

Kipa Mcameroon, Rostand, alifunguka akisema wana kila sababu ya kushinda mechi hiyo kutokana na ushindi mfululizo walioupata katika Ligi Kuu Bara kwani, wimbi hilo limepa mzuka.

“Tulipoteza katika mechi ya kwanza dhidi yao, mashabiki wakaona kama tumeshapoteana, kikubwa zile mechi za ligi ambazo tumepata ushindi zimeturejesha katika mstari na kutuma imani kubwa kuelekea mechi hii,” alisema.
 
Akizungumzia namna ya kucheza na Wabotswana hao, alisema wanatakiwa wacheze kwa kushambulia na wasiwape nafasi ya kucheza wapinzani wao.

“Tukicheza kama ambavyo tumefanya katika mechi zetu za ligi, bila shaka tunawafunga kabisa na kuendelea katika hatua nyingine,” alisema.

Kocha Lwandamina, alikaririwa akitamba kuwa kila kitu kwao kipo vizuri na wataingia uwanjani kuhakikisha wanapata matokeo yasiyotarajiwa.
 
Vikosi SIMBA:

Manula, Gyan, Kwasi, Nyoni, Juuko, Mkude, Kotei, Kapombe, Bocco, Okwi na Ndemla
 
MOJA ya changamoto kubwa kwa wanasoka ni pale makocha wanapobadilishwa kwenye timu wanazocheza. Si unafahamu kila kocha ana mbinu zake na mipango yake tofauti, jambo ambalo ukweli limekuwa liwaathiri wachezaji wengi ama kwa mtazamo chanya au kinyume chake, hasi.
 
Mabadiliko ya kocha yanapofanyika tumeshuhudia mastaa wengi sana wa maana wa soka wakiwa kwenye nyakati ngumu. Lakini, si wote, wengine wamekuwa wakinufaika na ujio wa makocha wapya kama ilivyotokea kwa Mnigeria, Victor Moyes huko Chelsea ambapo baada ya Antonio Conte kutua Stamford Bridge amekuwa mkombozi wake na kuwa mchezaji muhimu katika kikosi cha timu hiyo.
 
Victor Moses alikuwa na nyakati ngumu huko Chelsea wakati kikosi hicho kilipokuwa chini ya Jose Mourinho, lakini baada ya kocha Mtaliano kutua na mfumo wake wa 3-4-3, ulionekana kwenda sambamba na kabisa na Mnigeria huyo na hivyo kuwa sehemu muhimu ya kikosi hicho kilichobeba ubingwa wa Ligi Kuu England msimu uliopita.
 
Christian Benteke v Jurgen Klopp (Liverpool)

Straika wa Kibelgiji, Christian Benteke kiwango chake bora alichokuwa akikionyesha Aston Villa kilimpa dili matata kabisa la kwenda kujiunga na Liverpool huko Anfield.

Kupatikana kwa huduma ya mshambuliaji huyo kuliwapa Liverpool matumaini ya kufanya vizuri zaidi.
 
Hata hivyo, jambo hilo lilitokea wakati Liverpool ilipokuwa chini ya kocha Brendan Rogers. Benteke alikuwa akipata nafasi ya kucheza kwenye kikosi hicho cha Anfield na kutoa mchango wake. Mambo si mambo, Liverpool ikabadili kocha na kumleta Mjerumani, Jurgen Klopp kwenye kikosi chao baada ya kutokuwa na kazi kutokana na kufutwa kazi huko Borussia Dortmund.
 
Ujio wa Klopp huko Anfield haukuwa na mapokeo mazuri kabisa kwa Benteke na akaanza kusugua sana kwenye benchi huku Mjerumani huyo akifanya usajili wa washambuliaji wengine kadhaa ambao kimsingi walikuja kuwa mzigo tu kwenye kikosi hicho hadi kipindi cha karibuni alipofanikiwa kuwanasa wakali kama Mohamed Salah.

Maisha ya Benteke yalikuwa magumu chini ya Klopp na hivyo kutimkia Crystal Palace yenye maskani yake huko Selhurst Park.
 
Juan Mata v Jose Mourinho (Chelsea)

Fundi wa mpira kutoka Hispania, Juan Mata alitajwa kuwa mchezaji bora wa mwaka kwenye kikosi cha Chelsea kwa miaka mfululizo kabla ya Jose Mourinho kurudi kwenye kikosi hicho chenye maskani yake Stamford Bridge.
 
Mata akicheza soka lenye ufundi mkubwa na kuwafanya mashabiki wa Chelsea wote kumpenda maisha yake yaligeuka na kuwa tofauti kabisa baada ya Mourinho kurudi kwenye kikosi cha Chelsea kwa awamu yake ya pili akitokea huko Real Madrid. Mourinho alipotua tu Stamford Bridge akamwondoa Mata kwenye hesabu zake na ndipo akaanza kumweka benchi mchezaji huyo kitendo ambacho kiliwashangaza mashabiki wengi wa Chelsea. Mata alionyesha kiwango bora kabisa nyakati zote alizopewa nafasi na Mourinho, lakini tatizo kubwa la Mourinho na Mata ni kwamba alikuwa akidai Mhispaniola huyo hakabi.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…