Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Polisi yafungukia ripoti ya Uchunguzi wa Kifo cha Masogange

MUUNGWANA BLOG / 47 minutes ago




WAKATI kukiwa na shauku kubwa ya kujua sababu za mwili wa marehemu Agness Gerald ‘Masogange’ kufanyiwa uchunguzi wa kipolisi wakati ukiwa Mochwari ya Hospitali ya Muhimbili, Jeshi hilo limefunguka na kutoa ufafanuzi, huku likiwataka Watanzania kuelewa kuwa kufanyia maiti uchunguzi wa kipolisi ni jambo la kawaida.

UCHUNGUZI WA MUHIMBILI
Masogange (28) alifariki dunia Aprili 21, mwaka huu katika Hospitali ya Mama Ngoma iliyopo Mwenge jijini Dar na mwili wake kupelekwa katika Hospitali ya Taifa ya Muhimbili kwa ajili ya kuhifadhiwa.

Baadaye Polisi walifika hospitalini hapo na kuufanyia uchunguzi mwili huo hivyo baadhi ya watu waliowasiliana na gazeti hili walikuwa na shauku ya kupata ripoti ya uchunguzi huo.

KIFO CHENYE UTATA?
Kitendo cha Polisi kuufanyia uchunguzi mwili huo kilizua gumzo kwa baadhi ya watu waliofika hospitalini hapo, huku wengi wakihoji mantiki yake, wakiamini kuwa uchunguzi wa maiti hufanyika kwa watu waliokufa vifo vyenye utata.

“Inakuwaje Polisi wanachunguza mwili wa mtu aliyefariki dunia katika mazingira ya kawaida kabisa na hata ripoti za madaktari zinaeleza kuwa kifo hicho hakina utata?” Walisikika baadhi ya watu wakihojiana wenyewe kwa wenyewe.

Hata hivyo, ikiwa sasa zimekatika takribani siku kumi tangu kifo hicho, Polisi ilikuwa haijaweka wazi matokeo ya uchunguzi huo, jambo ambalo limekuwa likiendelea kuzua mjadala mitaani kiasi cha baadhi ya watu kuanza kuhusisha tukio la kupimwa maiti yake na maisha ya marehemu enzi za uhai wake.

KAMANDA ATOA UFAFANUZI
Kufuatia sakata hilo, Ijumaa Wikienda liliamua kumtafuta Kamanda wa Polisi Mkoa wa Kipolisi wa Kinondoni, ACP Muliro Jumanne na kumwomba atolee ufafanuzi suala hilo ambapo mazungumzo hayo yalikuwa hivi;

Ijumaa Wikienda: Kamanda habari za kazi? Wakati mwili wa marehemu Masogange ukiwa Muhimbili, kulizuka taharuki baada ya Polisi kuuchukua mwili huo na kwenda kuufanyia uchunguzi. Watu walikuwa wakitamani kujua kwa nini ilikuwa lazima afanyiwe uchunguzi wakati tayari madaktari walieleza kuwa kifo chake ni cha kawaida?

Kamanda Muliro: Mimi naendelea vizuri. Lakini kwa nini iwe ni kifo cha Masogange, wakati suala la kufanyia uchunguzi maiti hufanywa kwa kila mtu? Ukienda pale Muhimbili wakati wote utakuta Polisi wapo wanafanya uchunguzi wa maiti.

Ijumaa Wikienda: Watu wanahoji kwa Masogange kwa sababu wanaamini kuwa kifo chake hakikuwa cha utata. Madaktari walishasema kuwa alikufa kifo cha kawaida, kwa nini afanyiwe tena uchunguzi wakati ripoti ya kifo chake ipo?

Kamanda Muliro: Nasema hiyo ni kazi ya Polisi siku zote. Kifo chochote kinatakiwa kufanyiwa uchunguzi, lakini sasa ninyi (Waandishi) macho yenu yako kwa mastaa tu. Polisi tunafanya uchunguzi hata kwenye vifo ambavyo tunajua kuwa kimetokana na nini.

“Tunachunguza hata waliokufa kwa ajali za pikipiki. Ni utendaji wa kawaida wa Polisi.

Ijumaa Wikienda: Sawa Kamanda nimekuelewa. Lakini sasa matokeo ya vipimo vya uchunguzi wa Masogange yameonesha nini?

Kamanda Muliro: Wewe chukua haya niliyokueleza kama ndiyo habari yako, kuhusu matokeo ya Masogange, hilo achana nalo. Natamani watu wangeelimishwa kwamba Polisi kuchunguza maiti ni suala la kawaida.

TUJIKUMBUSHE
Masogange aliyefariki dunia Aprili 21, mwaka huu katika Hospitali ya Mama Ngoma jijini Dar, aliagwa katika Viwanja vya Leaders vilivyoko Kinondoni Aprili 23 na kuzikwa nyumbani kwao katika Wilaya ya Mbalizi mkoani Mbeya Aprili 24.
 
Ajiua kwa kunywa sumu kisa kuachwa na Mke

MUUNGWANA BLOG / 49 minutes ago



Kamanda wa Polisi Mkoa wa Geita, Mponjoli Mwabulambo .

MWANAMUME mmoja mkazi wa Katoro mkoani Geita aliyetambulika kwa jina la Maganiko Nunda amejiua kwa kunywa sumu kufuatia mgogoro ulioibuka baina yake na mke wake siku hivi karibuni huku chanzo cha mgogoro huo kikidaiwa kuwa ni unywaji wa pombe kupindukia uliosababisha mkewe kumkimbia.

Akisimulia tukio hilo, mtoto wa marehemu amesema baada ya kwenda kumsalimia baba yake (marehemu) alimkuta ameshafariki huku akitokwa na povu mdomoni na puani.

Marehemu aliacha ujumbe wa barua wenye maneno yasemayo kuwa “…Kwa kuwa nimekuwa kero kwa familia yangu nimeamua kujiua…”

Aidha, Kamanda wa Polisi Mkoa wa Geita, Mponjoli Mwabulambo amethibitisha kutokea kwa kifo hicho japo hakueleza ni aina gani ya sumu ambayo marehemu alitumia kujiua. Jeshi hilo linaendelea na upelelezi wa tukio hilo kabla ya kutoa taarifa kamili kwa umma.
 
Faida za Kutumia Pilipili Mbuzi

MUUNGWANA BLOG / 9 hours ago




Watu wengi tumekuwa hatufahamu utumiaji wa pipilipili, hasa pilipili mbuzi. Naomba leo tuangalie kwa uchache faida hizo za pilipili mbuzi.

1. Pilipili inasaidia sana kusawazisha sukari kwenye damu.

2. Ulaji wa pilipili kunaweza kunawasaidia sana watu wanene (overweight) au wanao ugua ugonjwa wa kisukari.

3. Utafiti huo pia umeonyesha kwamba kawaida ya kula Pilipili kunaweza kusaidia kwa kiasi kikubwa kudhibiti na kusawazisha insulini kwa 60%. baada ya kula chakula.

4. Pilipili husaidia kupunguza maumizi na uvimbe kwenye tezi na vilevile huwasaidia wagonjwa wa rheumatoid na arthritis kupata nafuu. Vile vile husaidia kuondoa mkusanyiko wa damu sehemu moja ya mwili.

5. Pilipili usaidia kufungua kwa haraka na kwa ufanisi pua zilizoziba kwa mafua, kuruhusu kupumua kwa urahisi zaidi!

6. Pilipili pia husaidia kupunguza upatikanaji wa saratani ya kwenye tumbo (Stomach Cancer)

7. Pilipili usaidia kuongezeka kwa kiwango cha metabolic, ambayo husaidia kuchoma mafuta, ulaji wa pilipili kunaweza kuinua kiwango na metabolic yako hadi 23% ndani ya masaa 3.

8. Kula pilipili usaidia kupunguza cholesterol, na kupunguza kiasi cha fibrin katika damu.
 
Stormy Daniels amshataki Trump juu ya ujumbe wa Twitter

MUUNGWANA BLOG / 51 minutes ago



Mwigizaji wa filamu za ngono Stormy Daniels amemshtaki Rais wa Marekani Donald Trump kuhusu ujumbe wa Twitter anaodai ni wa kumharibia jina, wakili wake amesema.

Bi Daniels, ambaye jina lake halisi ni Stephanie Clifford, anasema alitishiwa na mwanamume mmoja katika maegesho ya magari mjini Las Vegas na kutakiwa kuacha kuendelea na madai yake kwamba aliwahi kuwa na uhusiano wa kimapenzi na Bw Trump.

Rais huyo wa Marekani alipakia kwenye Twitter mchoro wa mwanamume mshukiwa na kisha kuandika "hii ni kazi ya utapeli kabisa".

Wakili wa Bi Daniel aliandika kwenye Twitter kwamba Bw Trump "anafahamu vyema kabisa yaliyotokea".



"Bw Trump alitumia fursa ya mamilioni ya watu katika taifa hili na kimataifa (wanaomfuatilia katika mtandao huo wa kijamii) kutoa taarifa ya uongo yenye lengo la kumshushia hadhi na kumshambulia Bi Clifford," kesi iliyowasilishwa katika mahakama ya dola mjini New York inasema.

Kesi hiyo inasema ujumbe huo wa rais ulikuwa wa kumharibia mtu jina kwani ulimtuhumu Bi Daniels kwa "kutekeleza kosa kubwa" - hususan, la kumtuhumu mtu mwingine kwamba alimtishia.

Bw Trump alikuwa amepakia mtandaoni mapema mwezi huu picha ya mchoro wa mshukiwa huyo na kumweleza kuwa "mwanamume asiyekuwepo".



Bi Daniels anasema yeye na rais huyo walikuwa na uhusiano wa kimapenzi kuanzia 2006.

Bw Trump amekanusha tuhuma hizo, Mwanamke huyo aliambia kipindi cha CBS News kwamba baada ya kutamatika kwa uhusiano wao, mwanamume mmoja alifika alipokuwa yeye na binti yake katika maegesho hayo ya magari Las Vegas na kumwambia "sahau taarifa hiyo, mwache Donald Trump".

Bi Daniels awali alimshtaki wakili wa Bw Trump, Michael Cohen, akitaka kuvunjwa kwa mkataba wa kutofichua siri kuhusu uhusiano huo, ambao anasema Bw Trump hakuutia saini.

Bw Cohen awali alikiri kwamba alimpa Bi Daniels $130,000 zake mwenyewe, lakini alisema kwamba hakueleza ni kwa nini alitoa pesa hizo.

Kesi hiyo hata hivyo ilisitishwa kwa siku 90, huku jaji akisema kwamba haki za Bw Cohen zingekuwa hatarini iwapo kesi hiyo ingeendelea akiwa bado anachunguzwa.

Bw Cohen anachunguzwa na Mwanamashtaka Maalum Robert Mueller kuhusu tuhuma kwamba Urusi iliingilia uchaguzi wa urais wa mwaka 2016 na kwamba taifa hilo lilishirikiana na maafisa wa kampeni wa Rais Trump.
 
30911963_580624878975082_6229608634146357248_n.jpg
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register