Uzi maalum wa kupeana Likes: Comment chochote upate "Like"

Pamoja na maelekezo hayo, ilikuwa vigumu kufika kijijini na tukajikuta tunaingia kwenye kichaka ambacho tulihisi kuna mtu anafanya shughuli zake.

Kichaka hicho kilipambwa kwa vitambaa vyekundu na vyeupe na ndani kulionekana kumesafishwa.

“Dada huku tumekosea. Tumepita kwenye vichaka vya matambiko. Turudi tukapitie njia ya chini,” anasema dereva wa bodaboda na kunizuia nisipige picha kwa madai tunaweza kujikuta tunaingia matatizoni.
 
Hofu iliniingia na kuanza kuwaza; itakuwaje kama tukinaswa na watambikaji? Hata hivyo tulirudi na kutumia njia inayopita eneo la mashamba ya mpunga.

Bodaboda haikuweza kupita sababu ya matope na maji mengi hivyo tukalazimika kuisukuma hadi tukafikia kwenye mji wa mkazi mmoja.

Hapo tukaulizia jina la mzee Iyobhe na kuelezwa kuwa mzee huyo yuko upande wa mashariki mwa kijiji cha Shatimba. Mwanakijiji huyo anasema Iyobhe ni mtu wa muda mrefu kijijini hapo, lakini akasema safari yetu bado ndefu.
 
Unamuulizia mzee Iyobhe, yule mwenye mtoto wa kichwa kikubwa anaitwa Pili?” aliuliza mwenyeji huyo kabla ya kutusindikiza na kutuelekeza njia ya kufika kwa mzee huyo.

Tulikatiza mashamba ya mpunga na kuvuka mito iliyokuwa na maji mengi hadi tukafika nyumbani kwa Iyobhe.

Kuna majengo mawili kwa Mzee Iyobhe; moja ni kwa ajili ya kulala mbuzi na nyumba ya pili ndimo anamoishi Iyobhe.

Nyumba hizo zimezungukwa na zizi la ngombe, ambao wakati huo walikuwa malishoni.
 
Muungurumo wa pikipiki wakati tukiwasili eneo hilo uliwashtua watoto ambao walikimbilia ndani huku wakilia.

Baadaye mwanamke wa makamo akatoka ndani kuja kutulaki. Alionekana mwenye shauku ya kutaka kutujua na akatukaribisha ndani, akitumia lugha ya Kisukuma.

“Leteni viti vya wageni,” anasema akielekeza watu waliokuwa ndani na bila ya kupoteza muda wasichana wanaleta viti na kutusalimia pia kwa Kisukuma huku wakipiga magoti.

“Karibuni jamani. Poleni na safari. Mmetokea wapi?”anauliza baada ya kukaa vitini.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…