Uzi maalum wa kupeana Likes: Comment chochote upate "Like"

[Numbisa]

Ozil na staa mwingine wa Ujerumani, Ilkay Gundogan walikuwa wameshutumiwa Ujerumani kwa kukutana na rais huyo pamoja na mshambuliaji wa Everton, Cenk Tosun wakati huu rais huyo akishutumiwa kwa udikteta huku pia ziara yake jijini London ikimkutanisha na waandamanaji wa haki za binadamu.

 

[Numbisa]

Kustaafu kwa Ozil katika timu ya taifa kumezua gumzo kubwa kwa mashabiki wa soka la Ujerumani lakini hakujapita hivi hivi. Rais wa Bayern Munich, Uli Hoeness amedai ni afadhali Ozil amestaafu timu ya taifa kwa sababu alikuwa mzigo.

 

[Numbisa]

Nina furaha jambo hili limekwisha. Amekuwa akicheza ovyo kwa miaka mingi. Mara ya mwisho aliupora mpira kwa adui kabla ya Kombe la Dunia 2014. Kwa sasa anajaribu kuficha kiwango chake cha ovyo kwa kutumia hiyo picha na Rais,” alisema Hoeness. “Popote sisi Bayern tulipocheza na Arsenal tulimlenga yeye kwa sababu tulijua ndio udhaifu wao ulipo.

 

[Numbisa]

Ana wafuasi milioni 35 mitandaoni na wanaamini anacheza vizuri pale tu anapopiga pasi iliyofika. Maendeleo katika soka letu ni majanga. Inabidi urudi nyuma na kuujua mchezo huu ulipo. Na kwa mtazamo wa kisoka, Ozil hakupaswa kuwa na nafasi timu ya taifa kwa miaka mingi sasa.”

 

[Numbisa]

Ozil aliichezea Ujerumani mechi ya kwanza chini ya kocha wa sasa, Joachim Low Februari 2009. Kuanzia hapo alicheza mechi 92 na kufunga mabao 23 mpaka juzi alipotangaza kustaafu. Kumbukumbu kubwa katika maisha yake ya soka ngazi ya kimataifa inabakia kuwa taji la Kombe la Dunia walilotwaa na wenzake kule Brazil mwaka 2014.

 

[Numbisa]

JOSE Mourinho amemwambia hivi mshambuliaji wake Anthony Martial, “siku zote huwezi kupata unachokitaka” baada ya uvumi kukolea zaidi kuhusiana na Mfaransa huyo kutaka kuipa kisogo Old Trafford kwenye dirisha hili.

 

[Numbisa]

Martial anafahamu wazi jina lake linatajwa huko Chelsea, linatajwa huko Tottenham Hotspur, hivyo anaamini akisema aachane tu na Manchester United atapata ofa ya kwenda kujiunga na timu kubwa ambazo zina uwezo wa kushindania ubingwa wa Ligi Kuu England msimu ujao. Kuna wakati fowadi huyo wa zamani wa AS Monaco alihusishwa na Juventus, lakini Mourinho ametoa kauli iliyoibua utata mkubwa. Kwamba hataki Martial aondoke, au ataenda ambako siko anakotaka kwenda? Hilo ni swali.

 

[Numbisa]

Taarifa za ndani kwenye klabu hiyo ya Man United zinafichua Mourinho yupo tayari kumuachia Martial aondoke kwenye kikosi chake, lakini kwa masharti mawili makubwa. Kwanza kwenye meza kuwepo na ofa inayozidi Pauni 60 milioni, ambayo itawafanya kupata faida kwenye mauzo na zitakuwa pesa zitakayowapa uwezo wa kwenda kumsajili mbadala wake, Ivan Perisic.

 

[Numbisa]

Sharti la pili ni kwamba amemwambia bosi Ed Woodward Martial akiuzwa, auzwe tu, lakini si kwa timu ya Ligi Kuu England.

Hiyo ina maana kama Juventus au klabu nyingine yoyote ya nje ya England, ikileta Pauni 60 milioni, itambeba staa huyo wa Ufaransa. Chelsea inapiga hesabu za kuinasa huduma ya Martial ikiwa ni maandalizi yake ya kumbadili Eden Hazard kama atakwenda Real Madrid.

 

[Numbisa]

Mourinho ametema cheche kuhusu kiungo wake Paul Pogba. Supastaa huyo wa kimataifa wa Ufaransa siku za karibuni amekuwa akihusishwa na mpango wa kujiunga na Barcelona, lakini kocha huyo Mreno alisema hatasimama kwenye kizingiti na kumzuia mchezaji huyo asiende Nou Camp kama tu kwenye dili lake litamhusisha kiungo Ivan Rakitic. Mourinho alisema Barcelona ikiliweka jina la Rakitic kwenye mpango huo wa kubadilishana na Pogba pamoja na pesa juu, hatapinga atafanya biashara safi kabisa.

 

[Numbisa]

Mourinho anafahamu wazi anahitaji kiungo mwenye utundu wa kuuchezea mpira, hivyo kwa Rakitic anaona ni sehemu mwafaka. Kwa msimu uliopita, Mourinho aliripotiwa kutibuana na Pogba na kusababisha kumweka benchi kiungo huyo wa Ufaransa katika baadhi ya mechi.

 

[Numbisa]

Huko Barcelona, mabosi wanahaha juu ya kumpata mrithi wa Andres Iniesta na ndiyo maana wanamtolea macho Pogba hasa baada ya kucheza kwa kiwango kikubwa kwenye fainali za Kombe la Dunia huko Russia.

 

[Yegomasika]

[emoji1][emoji124][emoji124]

 

[Shimba ya Buyenze]

[emoji42][emoji42][emoji42][emoji42][emoji42][emoji42][emoji42][emoji42][emoji42][emoji42][emoji870][emoji870][emoji870][emoji870][emoji1545][emoji1545][emoji1545][emoji1545][emoji1545][emoji1545][emoji1545][emoji1545][emoji1545][emoji1545][emoji1545][emoji870][emoji870]

 

[Numbisa]

Mshambuliaji wa zamani wa Arsenal Thierry Henry, ambaye yuko katika kikosi cha ukufunzi cha Ubelgiji amekubali kwa maneno kuchukua uoingozi wa klaby ya Aston Villa akichukua mahala pake Steve Bruce. (Daily Star)

 

[Numbisa]

Chelsea inajiandaa kuimarisha dau la £45m kumnunua beki wa Juventus na Itali Daniele Rugani, 23, baada ya ombi la hapo awali la £36m kukataliwa. (Goal)

 

[Numbisa]

Chelsea imekataa ombi la tatu la zaidi ya £55m - kutoka Barcelona kumnunua winga wa Brazil Willian, 29. (Sky Sports)

 

[Numbisa]

Arsenal bado ina hamu ya kumsajili kiungo wakati wa Sevill aliyeshinda kombe la dunia Steven Nzonzi, 29,lakini hawako tayari kuafikia matakwa ya kandarasi ya raia huyo wa Ufaransa ya kumuachilia kwa dau la £35m. (France Football)

 

[Numbisa]

Mkufunzi wa Manchester United Jose Mourinho anapanga kumpiga bei winga wa Ufaransa Anthony Martial, 22, kwa dau la £50m lakini kwa klabu ambayo haichezi ligi ya Uingereza. (Guardian)

 

[Numbisa]

Tottenham ina matumaini ya kujipatia £30m kupitia kumpiga bei mshambuliaji wa Uholanzi Vincent Janssen, 24, pamoja na mshambuliaji wa Uhispania Fernando Llorente, 33. (Evening Standard)