Uzi maalum wa kupeana Likes: Comment chochote upate "Like"

2.Tom Brady na Gisele Bundchen– Dola 544 milioni

Brady amepewa heshima yake kwa kupewa uchezaji bora kwenye mashindano ya Super Bowl. Ikiwa ni mafanikio makubwa zaidi kuwahi kufikiwa na mchezaji mmoja, kunasa tuzo ya uchezaji bora mara tatu katika michuano hiyo, akifanya hivyo mwaka 2007, 2010 na 2017.

Brady mpenzi wake ni kimwana wa Kibrazili, Gisele Bündchen, ambao kwa pamoja wakichanganya pesa zao walizonazo ni Dola 544 milioni.
 
1.David na Victoria Beckham – Dola 750 milioni

Mwaka 1997, Beckham alianza kutoka kimapenzi na mrembo mmoja matata aliyekuwa akifahamika kama Victoria Adams, wakaoana miaka miwili baadaye katika hekalu la Luttrellstown Castle, Ireland. Wana ndoa hao wana pesa ndefu balaa, kipato chao kinatajwa kuwa Dola 750 milioni. David na Victoria wana watoto wanne, Brooklyn Joseph, Romeo James, Cruz David na Harper Seven.
 
 
MWEZI uliopita, straika wa Chelsea, Alvaro Morata alipata watoto wake wa kwanza, pacha waliozaliwa Julai 29.

Kutokana na hilo, Morata hata akabadili namba yake ya jezi kutoka 9 aliyokuwa akivaa hadi namba 29 kukumbushia tarehe waliyozaliwa watoto wake hao pacha.

Morata ni mmoja kati ya wanasoka wanaingia kwenye ile orodha ya wanaopenda kuwaweka bayana watoto wao. Lakini kuna wanasoka hao hawataki kabisa kuwaweka bayana watoto wao na ni vigumu kufahamika kama nao wana watoto.
 
5.Karim Benzema

Habari za kuhusu mapenzi za mshambuliaji Karim Benzema zimekuwa na utata mkubwa. Staa huyo wa Real Madrid amewahi kuwa kwenye uhusiano wa kimapenzi na wasanii, wanamitindo na hata waimbaji. Baada ya kuachana na mrembo Analica Chavez, Benzema alihamia kwa Chloe de Launay. Wakati penzi lao likiwa motomoto, Chloe alidaka ujauzito na kujifungua mtoto aliyefahamika kwa jina la Melia, akiwa binti wa kwanza wa Benzema. Mei mwaka jana, Benzema alipata mtoto mwingine, safari hii alikuwa wa kiume na amempa jina la Ibrahim.
 
4.Mario Balotelli

Straika Mario Balotelli amekuwa maarufu kutokana na matukio yake ya vituko vingi ndani na nje ya uwanja.

Lakini ni wachache sana wanaofahamu kama mshambuliaji huyo wa Italia ni baba wa watoto wawili. Mwaka jana, mpenzi wake mrembo Clelia alijifungua mtoto wa kiume, aliyepewa jina la Lion huko Zurich, Uswisi. Mario, aliyewahi kuzichezea Manchester City na Liverpool huko England pia ni baba wa mtoto wa kike, Pia Balotelli, aliyezaa na mrembo wa Kitaliano mtangazaji wa televisheni, Raffaella Fico.
 
3.Patrice Evra

Wachezaji maarufu kama Cesc Fabregas, Cristiano Ronaldo, Lionel Messi, Alvaro Morata, Franck Ribery na wengine wengi, wamekuwa wakionekana kufurahia sana kuwaonyesha hadharani watoto wao.

Lakini ukitazama kurasa ya staa Patrice Evra kwenye mitandao ya kijamii ni jambo gumu kuona ameweka watoto huko kujitambulisha yeye ni baba. Evra ameoana na mrembo Sandra na pamoja wamepata mtoto wa kiume, Lenny na wa kike, Maona.
 
2.Mohamed Salah

Mohamed Salah amekuwa mmoja kati ya wanasoka wenye umaarufu mkubwa duniani kwa sasa kutokana na kile alichokifanya kwenye Ligi Kuu England na soka la kimataifa msimu uliopita.

Lakini mengi yanayofahamika kuhusu mchezaji huyo ni mambo ya mpira na si maisha binafsi. Mo Salah alifunga ndoa na mrembo Magi mwaka 2013 huko Ngrid, Misri. Mwaka 2014 walipata mtoto wa kike, waliyempa jina la Maka Mohamed Salah. Mtoto huyo alizaliwa London wakati huo Mo Salah alipokuwa akiichezea Chelsea.
 
1.Ronaldinho

Miezi michache iliyopita, kulikuwa na habari zimezagaa supastaa wa Kibrazili, Ronaldinho alifunga ndoa na wanawake wawili ndani ya muda mmoja. Uvumi huo ulithibitisha watu wamekuwa wakifahamu vitu vichache sana juu ya maisha ya nje ya uwanja ya staa huyo wa zamani wa Barcelona.

Kwa taarifa yako tu, Ronaldinho ana mtoto wa kiume, anaitwa Joao de Assis Moreira. Mama yake Joao ni mnenguaji wa Kibrazili, mrembo Janaina Mendes.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…