Uzi maalum wa kupeana Likes: Comment chochote upate "Like"

Huo ndio uhondo wa Ligi Kuu England wikiendi hii, huku macho ya wengi yatakuwa huko Emirates kuona kama safari hii kutakuwa na mvua nyingine ya mabao kama kawaida ya Arsenal na Liverpool zinnapokutana. Huu ni mtihani mzito kwa Emery atakapowakabili vigogo hao kwenye ligi. Tayari ameshachapwa na Man City na Chelsea. Atawaweza Liverpool?
 
ARSENAL imeamua kufunga mjadala baada ya kumwambia Aaron Ramsey bila ya kificho kwamba hakuna mpango wa kumpa mkataba mpya.

Wababe hao wa Emirates wameamua kufuta mpango wao wa kumpa mkataba mpya kiungo huyo wa kimataifa wa Wales baada ya kushindwa kuafikiana katika kiwango cha mshahara anaotaka alipwe. Arsenal wamesema hawapo tayari kumpa Ramsey mshahara anaotaka ili abaki kwenye timu yao. Ripoti zinadai kwamba, Ramsey anataka alipwa kiasi kisichopungua Pauni 290,000 kwa wiki.
 
Kwa maana hiyo, Ramsey sasa atakuwa huru kuachana na Arsenal bure kabisa mwishoni mwa msimu huu kwa sababu klabu yake haina mpango wa kumpa mkataba mpya.

Ramsey alilalamika wiki iliyopita kwamba amekuwa haelezwi mwenyewe bayana kitu kinachoendelea kuhusu mkataba mpya baada ya Arsenal kuondoa ofa yao, lakini sasa amewekwa wazi kwamba mkataba wake wa sasa ukifika tamati tu mwisho wa msimu, basi ashike njia zake. Mabosi wa Arsenal wanadai kwamba kwa sasa wanachozingatia ni afya ya kipesa ya timu na ndio maana hawawezi kufanya kile Ramsey anachotaka kifanywe kwenye mipango ya mkataba wake mpya. Arsenal wameshajiandaa kwamba kama hakutakuwa na timu itakayotaka kumsajili kwenye dirisha la Januari basi itamwaachia bure kabisa mwisho wa msimu.
 
Kiungo machachari wa Manchester City, Kevin de Bruyne, jana alicheza vema mchezo wa Kombe la Ligi ‘Crabao Cup’ wakiitandika Fulham mabao 2-0 lakini alitoka uwanjani akishikilia goti lake la kushoto lililomuweka nje ya dimba kwa miezi miwili.
 
Katika mchezo huo ambao kinda kutoka Hispania, Brahim Diaz alifunga mabao yote dakika ya 18 na 65 na kuipelaka robo fainali ambako itacheza na Leicester City au Southampton, De Bruyne alionyesha kiwango cha juu.
 
Bado sijafahamu kama kuumia kwa De Bruyne kutamuweka tena nje kwa muda mrefu au la, lakini kilichopo hapa ni kuwa kila mmoja wetu ameingiwa na wasiwasi kutokana na umuhimu wake,” alisema Guardiola.
 
Alisema kabla ya dakika za mwisho, kiungo huyo alionyesha yupo vizuri na alitia matumaini sana lakini hajui nini kilijitokeza baadaye na kumsababisha kutoka uwanjani akichechemea na kukimbizwa chumba cha huduma ya kwanza uwanjani hapo.
 
Katika mchezo huo Guardiola alifanya mabadiliko ya wachezaji 10 kwenye kikosi kilichoilaza Tottenham bao 1-0 Jumatatu iliyopita na kurejea kileleni mwa Ligi Kuu England.
 
Kocha huyo raia wa Hispania alisema anatamani kumtumia De Bruyne katika mechi nyingine tano za Novemba, ukiwemo mchezo muhimu dhidi ya mahasimu wao Manchester United kwenye Uwanja wa Etihad, msimu uliopita Man City iliduwazwa na mahasimu wao hao ilipofungwa 3-2 kwenye Uwanja huo.
 
Huo ulikuwa mchezo wa kwanza kati ya mitano ambayo Man City wanapaswa kuicheza ndani ya siku 13 itafuatia kwa kucheza na Southampton kesho kabla ya kurejea tena uwanjani Etihad, Jumatano kuikaribisha Shakhtar Donetsk katika Ligi ya Mabingwa Ulaya na watahitimisha kwa kucheza na vibonde wa ligi hiyo Fulham kabla ya kuifuata Huddersfield.
 
Matokeo mengine ya mechi za Kombe la Ligi zilizochezwa ni Arsenal 2 Blackpool 1, Chelsea 3 Derby 2, West Ham United 1 Tottenham 3 na Middlesbrough 1 Crystal Palace 0.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…